Сәулет, қала құрылысы және жер қатынастары басқармасының мемлекеттік қызметтері еgov.kz порталында цифрлық форматта қолжетімді

Бүгіннен бастап Жергілікті атқарушы органмен көрсетілетін жер қатынастары саласындағы мемлекеттік қызметтерді көрсету жөніндегі қағидаларды бекіту туралы Қазақстан Республикасы Ауыл шаруашылығы министрінің 01.10.2020 жылғы № 301 бұйрығы күшіне енді.

«Жер учаскесін жеке меншікке ақысын бірден төлеп не бөліп төлеу арқылы сату» мемлекеттік көрсетілетін қызмет 5 жұмыс күні ішінде «электрондық үкімет» веб-порталы (еgov.kz, е-license) немесе Нұр-Сұлтан қаласы әкімдігінің кеңсесі арқылы көрсетіледі.
Мемлекеттік 4 қызмет бойынша өтініш қабылдау «электрондық үкімет» веб-порталы (еgov.kz, е-license) арқылы ғана көзделген.

1. Жер учаскесінің нысаналы мақсатын өзгертуге шешім беру 13 жұмыс күні ішінде;

2. Іздестіру жұмыстарын жүргізу үшін жер учаскелерін пайдалануға рұқсат беру 10 жұмыс күні ішінде;

3. Елді-мекендер шегінде объектті салу үшін жер учаскелерін беру:

Бірінші кезең: 28 жұмыс күні ішінде;

Екінші кезең: 18 жұмыс күні ішінде;

4. Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтар алу:

Бірінші кезең: 12 жұмыс күні ішінде;

Екінші кезең: 3 жұмыс күні ішінде.

«Жер учаскелерінің бөлінетіндігі мен бөлінбейтіндігін айқындау» мемлекеттік көрсетілетін қызметі 15 жұмыс күні ішінде қағаз түрінде қызмет берушінің кеңсесі арқылы көрсетіледі.

Қазіргі уақытта мемлекеттік қызметтердің 90%-ы цифрлық форматқа көшірілді, жыл соңына дейін бұл көрсеткіш 100%-ға жеткізіледі.