Елордада есірткі қылмысына қарсы күреске бағытталған айлық аясында профилактикалық акциялар, кездесулер мен рейдтер өтіп жатыр. Осы шаралар аясында Алматы ауданы прокуратурасының өкілдері, ПИК пен МИБ төрағалары, сондай-ақ еріктілер мен жергілікті тұрғындар аулаларды және тұрғын үй маңын аралап, тыйым салынған заттар жасырылуы ықтимал орындарды анықтады, деп хабарлайды Астана әкімдігінің ресми сайты.

Қатысушылар ықтимал қауіпті учаскелерді: гүлзарларды, подъездерді, жарығы аз және назардан тыс қалған аймақтарды тексерді. Құқық қорғау органдарының назарын қажет ететін барлық орын тіркелді.
Сонымен қатар еріктілер есірткі тарататын арналар жайлы ақпарат жазылған граффитилерді бояп, көзін жойды.

Шараның мақсаты – есірткінің заңсыз айналымына тосқауыл қою, халықтың бұл құбылыспен күресу жолдары туралы хабардарлығын арттыру, сондай-ақ тұрғындар мен мемлекеттік органдар арасындағы өзара әрекеттестікті нығайту.

«Қыркүйек – нашақорлыққа қарсы айлық болып жарияланды. Осы акция аясында біз полициямен, жергілікті тұрғындармен және еріктілермен бірлесіп аудан аумағын аралаймыз. Сонымен қатар спорттық жарыстар және басқа да профилактикалық шаралар ұйымдастырылады. Бүгін, мысалы, біз еріктілермен бірге тұрғындар хабарлаған аулаларды тексердік, мұнда т.б. есірткі жасырылатын «қалташалар» болуы мүмкін. Белгілі бір аудан мен ауланы таңдау тұрғындардан 102 арнасына келіп түскен сигналдарды талдау негізінде жүргізіледі. Мәселен, мұндай хабарламалар жиі түсетін көшелерде шамамен 500-600 метр радиусында аралау жүргізіледі», — деді Алматы ауданы прокурорының орынбасары Жолдас Аскаров.

Өз пікірін Абылай хан даңғылындағы үйдің ПИК төрайымы Әсет Қабдуалиева де жеткізді:
«Біздің үйіміз 12 қабатты, өкінішке қарай, мұнда есірткі қойып кету жағдайы жиі болады. Бүгін біз прокуратурамен, Алматы ауданы әкімдігімен, көрші үйлердің ПИК және МИБ төрағаларымен бірге аралап шықтық. Мен жасырылатын орындар жиі кездесетін жерлерді көрсетті. Әсіресе, күмәнді белсенділік байқалатын аумақтарда – жастар, студенттер көп жүретін тұстарда. Қатысушыларға ауа райына қарамай келгендеріне алғысым шексіз. Біз еріктілермен бірге жазуларды бояп, үлкен жұмыс атқардық. Мұндай рейдтерді тұрақты түрде, кемінде 2-3 айда бір рет өткізу керек. Өйткені, өкінішке қарай, соңғы кезде бұл іске жастардың көбі тартылып жүр».

Елордада өткізіліп жатқан есірткіге қарсы айлық сынды іс-шаралар халықтың хабардарлығын арттыруға, полиция мен қоғам арасындағы сенімді нығайтуға, сондай-ақ өзге де қоғамдық қауіпсіздік қатерлеріне қарсы бірлескен күреске елеулі ықпал етеді.

«Заң және тәртіп» қағидаты аясында іске асырылып жатқан кешенді шаралар қатарында бірлескен рейдтер, оқу орындарында профилактикалық әңгімелер, сондай-ақ тыйым салынған заттарды тарататын интернет-ресурстарды анықтап, жою жұмыстары қарастырылған.

законипорядок #заңжәнетәртіп