Елорданың кәсіптік білім беру жүйесіне 80 жыл
Кәсіптік білім беру жүйесіне қазан айында 80 жыл. Бұл күн тек кәсіптік білім берудің педагогиктер қауымдастығы үшін ғана емес, кәсіптік лицейлер, техникумдар мен колледждер түлектері үшін де маңызды күн.
Бүгінде қаланың ТжКБ білім беру қызметтерін 26 мыңнан астам адамды қамтыған 33 колледж ұсынады, оның 14 мыңнан астамы (53,3%) мемлекеттік білім беру тапсырысында.
Оқыту 77 мамандық пен 122 біліктілік бойынша келесі бағыттарда жүргізіледі: қызмет көрсету және техникалық қызмет көрсету, білім беру, медицина, құрылыс, коммуналдық қызметтер, инженерия, энергетика және көлік, өндіріс, монтаждау, пайдалану және жөндеу (салалар бойынша), байланыс, телекоммуникация және ақпараттық технологиялар, экономика және құқық.
Қазақстан Республикасының Президенті Қ.Тоқаев өзінің Жолдауында атап өткендей, заман талабын ескере отырып, білім беруді дамыту – мемлекеттік саясаттың басты міндеттерінің бірі.
«Үкіметке Үздіксіз білім беру тұжырымдамасын әзірлеуді тапсырамын. Бұл құжатта бейресми білім берудің баламалы нұсқаларын көптеп енгізу, өз бетінше оқу нәтижелерін мойындау, кәсіби дағдыларды сертификаттау мәселелерін қарастыру қажет.
Сонымен бірге біз кәсіби білім берудің бүкіл жүйесін еңбек нарығында сұранысқа ие білікті мамандар қалыптастыруға бағыттағанымыз жөн», – деді Мемлекет басшысы.
Бұл бағыттағы жұмыстар елордада тұрақты түрде жүргізілуде.
«Нақты экономикада елорданың еңбек нарығының қажеттіліктерін ескере отырып, болашақта мамандар қайта оқымай, технология мен әлеуметтік шындыққа тез бейімделуі үшін қаланың ағымдағы және болашақ қажеттіліктерін қанағаттандыруға назар аударамыз.
Қазіргі заманғы маманды нақты өндірістік жағдайлардан оқшаулап оқыту мүмкін емесі анық. Сондықтан, жұмыс берушілермен бірлесіп, әлемдік дағдылардың стандарттарына сәйкес білім беру бағдарламалары жасалуда», – делінген білім басқармасының хабарламасында.
Экономика салалары бойынша кадрлар даярлауды жүйелеу мақсатында екі колледж (политехникалық, энергетика және байланыс колледждері) Astana Polytechnic жоғары колледжіне, сонымен қатар екі колледж (экономика, технология және тамақ өнімдерін стандарттау колледжі мен көпсалалы колледж) қызмет көрсету және туризм колледжіне, біріктірілді. Ұйымдық-құқықтық нысаны – ШЖҚ бойынша МКК бойынша МКҚК.
Үш оқу орны жоғары колледж атанды (жоғары медициналық, жоғары сауда-экономикалық, көлік және коммуникация жоғары колледжі).
«Колледждер кредиттік-модульдік технологияны қолдана отырып бакалавриатта тәжірибеге бағытталған мамандарды дайындайды.
Барлық білім беру мекемелерінің негізгі тұжырымдамасы – үздіксіз оқытуды екі кезеңде өткізу», – дейді мамандар.
Биыл «Жас маман» жобасы аясында үш колледжді заманауи жабдықтармен жарақтандыру және сервистік қызмет көрсету, машина жасау және металл өңдеу, цифрлы ІТ технологиялар бағытында құзыреттілік орталықтарын ашу жұмыстары жүргізілуде. Сондай-ақ Landscape Garden құзыреттілік орталығын ашу жоспарланған.
Сервис және қызмет көрсету бағытында құзыреттілік орталығын ашу үшін ауданы 502 ш.м. ғимарат бөлініп, инфрақұрылымын дамытуға жергілікті бюджеттен 71 миллион теңге қаражат қаралды.
Кәсіптік білім берудің 80 жылдығына орай елордада алғаш рет мұғалімдерге 30 АЕК – 833 400 теңге көлемінде бір реттік сыйақы төлей отырып, «Нұр-Сұлтан қаласының Құрметті педагогі» жергілікті айырым белгілері мен құрметті атағы тағайындалды.
Сондай-ақ қалада ТжКБ жүйесінің даму тенденцияларын анықтау мақсатында «Техникалық және кәсіптік, орта білімнен кейінгі білім берудің үздік ұйымы» гранты тағайындалады.