Аманат партиясы мен елорданың белсенді азаматтық қоғамы Жергілікті атқарушы органдармен бірлесіп, тұрғын үй-коммуналдық қатынастар саласындағы сауаттылықты арттыру үшін Ашық есік күндерін өткізеді.

19-20 тамыз күндері Тұрғын үй орталығының аумағында тұрғын үй қатынастары және көп пәтерлі тұрғын үйлерді басқару мәселелеріне қатысты ақпарат білгісі келетін елорда тұрғындары үшін Ашық есік күндері өтеді.

Іс-шара ТКШ реформасын іске асыру және мүлік иелері бірлестіктері институтын қалыптастыру мақсатында өткізіледі.

Осылайша, елорданың белсенді тұрғындары, мемлекеттік органдар мен коммуналдық қызметтердің мамандары тұрғын үй ғимараттарын салу және пайдалану мәселелері бойынша «Бірыңғай терезе» режимінде ашық кеңестер өткізеді.

Сондай-ақ күрделі жөндеу жүргізу және МИБ-ті құру мәселелеріне ерекше назар аударылатын болады.

2020 жылдан бастап елордада МИБ орталығы жұмыс істейді және қала тұрғындарына МИБ-ті құру және тіркеу үшін құжаттарды дайындауға, сондай-ақ көп пәтерлі тұрғын үйді басқару және күтіп ұстау бойынша қызметтерді жүзеге асыруға көмектеседі.

Іс-шара Нұр-Сұлтан қаласы, Республика даңғылы, 32, 1 қабат мекенжайы бойынша өтеді. Тұрғын Үй Орталығы ғимараты.

БАҚ өкілдерімен байланыс 8 702 888 31 73