ҚР Парламенті Мәжілісінің депутаты Аманжол Әлтаймен Кездесу

19 сәуір күні сағат 15.00-де Е. Рахмадиев атындағы мемлекеттік академиялық филармонияда Нұр-Сұлтан қаласының мемлекеттік мәдениет ұйымдары мен мәдениет саласындағы ұйымдардың басшылары ҚР Парламенті Мәжілісінің VII шақырылым депутаты Аманжол Әлтаймен кездеседі.

Кездесуге:

• Сейітова Күміс, ҚР Мәдениет және спорт министрлігінің Мәдениет комитеті төрағасының орынбасары;
• Санат Шапашов, Нұр-Сұлтан қаласы Мәдениет басқармасының басшысы;
• Ерлан Дакенов, Е. Рахмадиев атындағы МАФ бас директоры, Нұр-Сұлтан қаласы мәслихатының депутаты;
• Гүлмира Құттыбадамова, Е. Рахмадиев атындағы МАФ көркемдік жетекшісі;
• Салтанат Сейдімбек, «Атамекен» Қазақстан картасы» этно-мемориалдық кешенінің директоры;
• Ернар Жуматаев, М. Горький атындағы Мемлекеттік академиялық орыс драма театрының директоры;
• Асхат Маемиров, Музыкалық жас көрермен театрының директоры;
• Әділ Ахметов, «Жастар» театрының директоры;
• Айболат Жаудыр, Қ. Қуанышбаев атындағы Мемлекеттік академиялық қазақ музыкалық драма театрының директоры;
• Гүлбадан Мәдібаева, М. Әуезов атындағы Орталық қалалық кітапхана директоры;
• сондай-ақ, Е.Рахмадиев атындағы МАФ ұжымдарының көркемдік жетекшілері Айтқали Жайымов (Қазақ оркестрі) және Ернар Мыңтаев (Ғ. Жұбанова ат. мемлекеттік ішекті аспаптар квартеті) қатысады.

Кездесу барысында мәдениет мекемелерінің басшылары қаладағы театрлар, кітапханалар және өзге де мәдениет ұйымдарының қызметі үшін жағдайды жақсартуға бағытталған мәдениет саласын дамытудың өзекті мәселелерін, сонымен қатар мемлекеттік сатып алу тетігіне, қызметкерлерге үстеме ақы төлеу жүйесіне, штат кестелеріне, кадрлардың тұрақтамауына және репертуарлық саясатты жетілдіруге байланысты өткір мәселелерді көтереді; бірінші жарты жылдықтағы қызметтің қорытындысын шығарады және жаңа театр мен концерт маусымындағы жоспарлармен бөліседі.

Аманжол Әлтай - Қазақстан Парламенті Мәжілісінің Әлеуметтік-мәдени даму комитетінің мүшесі. Қазақстандық ғалым, филолог, айтыскер ақын, айтыс шебері, филология ғылымдарының докторы, Қазақстанның еңбек сіңірген қайраткері, гуманитарлық ғылымдар саласындағы үздік ғылыми зерттеулері үшін Ш.Уәлиханов атындағы сыйлықтың лауреаты, республикалық, халықаралық айтыстардың жеңімпазы.