Халықаралық сайлау күні

2022 жылғы 02 ақпанда жыл сайын ақпанның бірінші бейсенбісінде атап өтілетін Дүниежүзілік сайлау күніне арналған "Сайлауға қатысу міндетті. Әр дауыс маңызды!" атты жас сайлаушылармен онлайн-конференция өтті.

Дүниежүзілік сайлау күні азаматтардың сайлауға қатысуға жалпы құқығын еске түсіреді және әлемдік демократия процесін нығайтуға, сайлау туралы білімдерін кеңейтуге, сайлаушылардың дауыс беруге қатысуына ықпал етуге бағытталған. Осылайша, бұл азаматтардың сайлауға қатысу құқығының белгісі және азаматтардың құқықтары мен бостандықтарын қалыптастырудың маңызды нысаны болып табылады.

Іс-шараға Нұр-Сұлтан қаласы "Есіл" ауданы АСК төрағасының орынбасары – З. Хамзин; Нұр-Сұлтан қаласы "Есіл" ауданы АСК хатшысы – Г. Ақбарова; «Астана» Халықаралық университетінің «Жоғары құқық мектебінің» деканы, Заң ғылымдарының докторы, профессор – С.Амандықова; № 342 УСК төрағасы – М. Тұрсымбекова; № 105 УСК төрағасы - Қ. Әбдірахманов және студенттер қатысты. Кездесу қызықты өтті, жастар сайлау туралы ойларын талқылап, модераторларға қызықтыратын сұрақтарын қойып, пікір таластырды.