Астана қаласының аумақтық сайлау комиссиясында ЕҚЫҰ/ДИАҚБ миссиясының өкілдерімен кездесу өтті

2026 жылғы 22 шілдеде Астана қаласының аумақтық сайлау комиссиясында 2026 жылғы 23 тамызға тағайындалған Қазақстан Республикасы Құрылтайы депутаттарын сайлауды байқау жөніндегі ЕҚЫҰ Демократиялық институттар және адам құқықтары жөніндегі бюросы (ДИАҚБ) миссиясының өкілдерімен жұмыс кездесуі өтті.

Кездесу барысында Миссия өкілдеріне аумақтық және учаскелік сайлау комиссияларының қызметі, сайлауға дайындық пен оны өткізудің күнтізбелік жоспарының іске асырылу барысы, сондай-ақ сайлау процесінің ашықтығын, заңдылығын және айқындығын қамтамасыз етуге бағытталған ұйымдастырушылық шаралар туралы ақпарат ұсынылды.

Халықаралық байқаушылар сайлау комиссияларының жұмысын ұйымдастыру, учаскелік сайлау комиссиялары мүшелерін даярлау, байқаушылардың қызметі, бұқаралық ақпарат құралдарымен өзара іс-қимыл және сайлау заңнамасының талаптарын сақтау мәселелері бойынша сұрақтар қойды. Қойылған барлық сұрақтарға Астана қаласының аумақтық сайлау комиссиясының құзыреті шегінде тиісті түсіндірмелер берілді.

Кездесу қорытындысы бойынша тараптар сайлауға дайындық және оны өткізу мәселелері бойынша пікір алмасты. Кездесу сындарлы іскерлік жағдайда өтті. ЕҚЫҰ/ДИАҚБ миссиясы өкілдері тарапынан ескертулер мен ұсыныстар болған жоқ.