САЙЛАУ КОМИССИЯЛАРЫ МҮШЕЛЕРІН ОҚЫТУ

2026 жылдың бірінші тоқсанында аумақтық сайлау комиссиясы сайлау комиссиялары мүшелерінің кәсіби даярлығын арттыруға және сайлау науқандары кезеңіндегі жұмыс сапасын жетілдіруге бағытталған оқытуды жүйелі түрде ұйымдастырды.

Академия базасында 8–12 қаңтар аралығында өткізілген оқытуға ерекше назар аударылды. Бұл аясында сайлау комиссиялары мүшелері үшін оқыту семинарлары мен практикалық сабақтар ұйымдастырылды. Сабақтар барысында Қазақстан Республикасының сайлау заңнамасының негізгі ережелері, сайлау процесін ұйымдастыру мен өткізу тәртібі, сондай-ақ учаскелік сайлау комиссиялары қызметіне қойылатын талаптар қарастырылды.

Оқыту шеңберінде келесі практикалық мәселелер жан-жақты қарастырылды:

• сайлау учаскелерінің жұмысын ұйымдастыру;
• сайлау құжаттамаларын жүргізу және рәсімдеу;
• сайлау процесінің ашықтығы мен заңдылығын қамтамасыз ету;
• дауыс беру күні комиссия мүшелерінің өзара іс-қимылы;
• сайлауға дайындықтың ақпараттық-ұйымдастырушылық аспектілері.

Оқыту барысында әдістемелік материалдар пайдаланылып, сайлау процесінде туындайтын практикалық жағдайлар талқыланды, бұл қатысушыларға алған білімдерін тәжірибеде бекітуге мүмкіндік берді.

Өткізілген іс-шаралар қорытындысы бойынша сайлау комиссиялары мүшелерінің өз функционалдық міндеттерін орындауға және сайлау рәсімдерін сапалы өткізуге дайындық деңгейінің артқаны атап өтілді.