Қазақстан Республикасы Конституциясының 30-жылдығына орай арналған іс-шаралар

Астана қаласы мен аудандардың Территориялық сайлау комиссиясы Қазақстан Республикасының Конституциясының 30 жылдығын атап өтті. Ол Конституцияның негізгі құндылықтары мен жетістіктерін насихаттау, елдің құқықтық мәдениетін нығайту мақсатында үлкен іс-шаралар кешенін ұйымдастырды, сонымен қатар болашақ сайлаушылармен өткізілген іс-шаралар арқылы.

Қыркүйектің 2-інен 19-ына дейін – Қазақстан Республикасының Конституциясының 30 жылдығын мерекелеу аясында териториялық комиссия қаладағы болашақ сайлаушылар арасында құқықтық сауаттылықты арттыру мен азаматтық жауапкершілікті қалыптастыруға бағытталған бірнеше маңызды шаралар ұйымдастырды.

Іс-шараларға мектеп оқушылары, студенттер және аудандардың жастары қатысты. Негізгі назар Қазақстан Конституциясының негізгі принциптері мен құндылықтарын шығармашылық және интерактивті форматтар арқылы насихаттауға аударылды. Іс-шара барысында болашақ сайлаушылар арасында республикалық диктант өткізілді.

Ерекше орын жасөспірімдер жасаған тақырыптық суреттер көрмесіне және студенттер мен мектеп оқушыларының мемлекет тарихы, азаматтардың құқықтары мен бостандықтары туралы роликтеріне берілді. Бұл жұмыстар іс-шараны сәндендіріп қана қоймай, болашақ азаматтарды шабыттандыру көзіне айналып, сайлауға белсенді қатысу мен конституциялық құқықтарды қорғаудың маңыздылығын айқындап берді.

Шығармашылық байқаулардан басқа, тақырыптық лекциялар мен пікірталастарда мамандар Қазақстандағы демократиялық процестердің қазіргі міндеттері мен перспективаларын түсіндірді.

«Жастарды Конституция құндылықтарына үйрету арқылы біз белсенді және жауапты азаматтық ұстанымның негізін қалптаудамыз», – деді Астана қалалық мәслихат депутаты Естек Қанат Ғалымжанович. – «Өз құқықтары мен міндеттерін түсіну ғана болашақ сайлаушыларға ел өміріне қатысуға көмектеседі.»

Астана қаласындағы орта және жоғары оқу орындарында жергілікті сайлау комиссиялары төрағаларының болашақ сайлаушылар мен жастарға арналған қонақ лекциялары өтті. Лекция тақырыбы – «Қазақстан Конституциясының сайлау туралы Заңмен байланысы». Ерекше назар демократия идеалдарына, адам құқықтары мен азаматтық бостандықтарға, Конституцияда бекітілген құндылықтарға аударылып, сондай-ақ соңғы 30 жылдағы Қазақстан Республикасының құрылуы мен дамуына осы құжаттың рөлі атап өтілді.