Энергиямен жабдықтау

«Астана қаласы Энергетика басқармасы» мемлекеттік мекемесінен әкімдік сайтына арналған мақала

Елорданың электр энергиясымен жабдықтау жүйесі – бұл 3479 км электр желілері, 925 қосалқы станция, 210 тарату бекеті және 3000-нан аса жинақтық трансформаторлық қосалқы станция және трансформаторлық қосалқы станциялар.

Елорданың жылуэнергетикалық жүйесінің дамуы

2016 жылы 100 тірек шкафы ауыстырылды, кернеуі 10 кВ 19,5 км кабель желілері, кернеуі 0,4 кВ 11 км кабель желілері  қайта жөнделді,кернеуі 0,4 кВ таратқыш құрылғылары сатып алынды. Жұмыс жоспары 100 % орындалды.

2015 жылы елорданың ЖЭО-1 және ЖЭО-2 энергия көздерінде қазандық және турбоагрегаттар іске қосылды.

Жылуэнергетикалық жүйенің перспективалары

Қуаты 480 гкал/сағ болатын жаңа жылу көзі ЖЭО-3-тің 1-ші кезегінің құрылысы бойынша жұмыстар жалғасуда.

2016 жылыЖЭО-2-де қуаты 220 Гкал №5, 6 қазандық агрегаттарын және қуаты 180 Гкал №7 қазандық агрегатын қолданысқа беру жоспарланған, бұл жылу энергиясының жалпы 400 Гкал көлеміне тең өсімін қамтамасыз етеді. Бұл ЭКСПО, Жаңа сапаржай нысандарын және басқа әлеуметтік маңызды нысандарды орталықтандырылған жылумен толықтай қамтуға мүмкіндік береді.

5 км-ден аса жылу магистралінің қайта жөндеу жұмыстары және құрылысы, сондай-ақ, 4-ші және 5-ші енгізілімдегі жылу магистральдерін қолданысқа тапсыру жоспарланған.

110 кВ «Бәйтерек» қосалқы станциясын пайдалануға беру және 110/20 кВ «Самал» АС, 110/20 кВ«Тұран» АС құрылысы, 35 дана тарату қосалқы станцияларын, трансформаторлық қосалқы станцияларын қайта жөндеу сияқты жобаларды жүзеге асыру қаланың тұтынушыларын электр қуатымен сенімді және іркіліссіз қамтамасыз етуге мүмкіндік береді.

15 км-ден аса 10 кВ кабель желілерін және 10 км-ден аса 0,4 кВ кабель желілерін ауыстыру, 13 км жылу желілерін қайта жөндеу, сонымен қатар, оларды шаю және 50 жылу магистралінде гидравликалық сынау жүргізу жылыту маусымының іркіліссіз өтуін қамтамасыз етеді.