Астана қаласындағы үкіметтік емес ұйымдар туралы қысқаша ақпарат

Бүгінгі күні Астанада 2726 үкіметтік емес ұйым тіркелген, бұл –Қазақстандағы 22398 ҮЕҰ-ның жалпы санының 12%-ін құрайды.

«Заңды тұлғалар бірлестігі» құқықтық мәртебесіндегі ұйымдар саны - 371, «қоғамдық бірлестік» - 1270, «жеке мекеме» - 276, «қор» - 809.

Елордада белсенді үкіметтік емес ұйымдар саны – 270.

Қызмет бағыттары бойынша:

• әлеуметтік қорғау ұйымдары – 51;
• жастар саясаты мен балалар бастамаларын қолдау – 37;
• қоғамдық келісімді нығайту – 26;
• азаматтардың денсаулығын қорғау, салауатты өмір салтын насихаттау – 24;
• гендерлік саясат – 18;
• демография мәселелерін шешу – 16;
• мәдениет пен өнерді дамыту – 14;
• басқа да әлеуметтік маңызды бағыттар – 84.

Осы ретте, Қазақстанда неғұрлым белсенді қызмет ететін ҮЕҰ Астана қаласында орналасқан. Мұның басты факторы ретінде Астана қаласында ҮЕҰ қызметінде белсенділік танытатын республикалық және халықаралық ұйымдардың, сондай-ақ шетелдік қорлар өкілдіктерінің шоғырлануын атап өтуге болады.

Үкіметтік емес сектордың қызмет саласы көп жағдайда «Қазақстан Республикасында үкіметтік емес ұйымдар үшін мемлекеттік әлеуметтік тапсырыстар, гранттар және сыйлықақылар туралы» ҚР заңында көрсетілген мемлекеттік әлеуметтік тапсырыстың бағыттарына топтастырылған.

ҮЕҰ саласында Қазақстан Республикасының заңнамасы

ҮЕҰ қызметі «Қоғамдық бiрлестiктер туралы» (1996 ж.), «Коммерциялық емес ұйымдар туралы» (2001 ж.), «Қазақстан Республикасындағы мемлекеттік әлеуметтік тапсырыс, үкіметтік емес ұйымдарға арналған гранттар және сыйлықақылар туралы» (2005 ж.)

ҚР заңдарымен реттеледі. 2018 жылдың 15 тамызында Мемлекеттік әлеуметтік тапсырысты қалыптастыру, іске асыру мониторингі және осы тапсырыстың нәтижелерін бағалау қағидалары бекітілді.