Астана қаласынан Қазақстан Республикасы Парламенті Сенатының шығып қалған депутатының орнына депутаттыққа кандидаттарды ұсыну қорытындысы туралы хабарлама

 «Қазақстан Республикасындағы сайлау туралы» Қазақстан Республикасы Конституциялық заңы 76-бабының 1-тармағына, 83-бабының 1-тармағына сәйкес, Астана қаласы сайлау комиссиясының 2022 жылғы                   8 желтоқсандағы № 178-ҚСК ұсынымы негізінде, Қазақстан Республикасы Орталық сайлау комиссиясының 2022 жылғы 8 желтоқсандағы № 119/613 қаулысымен Астана қаласынан Қазақстан Республикасы Парламенті Сенатының шығып қалған депутатының орнына сайлауды өткізу мерзімі  2023 жылғы 14 қаңтарға дейін ұзартылды, ұсыну мерзімі – 2022 жылғы                  17 желтоқсан, сағат 18.00-ге дейін.

«Қазақстан Республикасындағы сайлау туралы» Қазақстан Республикасының Конституциялық заңына сәйкес (71-бап) Сенат депутаттығына кандидаттарды ұсыну Астана қаласы мәслихатының сессиясында және өзін-өзі ұсыну тәртібімен жүргізіледі.

Депутаттыққа кандидаттарды ұсыну кезеңінде Астана қаласының аумақтық сайлау комиссиясына мына азаматтардан өзін-өзі ұсыну тәртібімен өтініштер келіп түсті:

1) Зейнұлқабден Табиғат, 1974 жылы туған, Астана қаласында тұрады, «Астана Су Арнасы» ШЖҚ МКК бас директоры;

2) Болатаева Роза Әбіләкімқызы, 1965 жылы туған, Астана қаласында тұрады, № 60 мектеп-гимназиясының директоры, өзін-өзі ұсыну тәртібімен;

3) Әсіп Рамазан Назарбекұлы, 1965 жылы туған, Астана қаласында тұрады, «Өркен-Қала» ЖШС директоры;

4) Әбілқайыр Сайранбек Ербатырұлы, 1986 жылы туған, Астана қаласында тұрады,  «Астаны қ. № 1 БЖМОРСМ» КММ жетекшісі;

5) Лукин Андрей Иванович, 1961 жылы туған, Астана қаласында тұрады, Қазақстан Республикасы Парламенті Сенатының депутаты;

6) Тұрғанбаев Қуаныш Бекзадұлы, 1978 жылы туған, Астана қаласында тұрады, зейнеткер.

Ұсынылған кандидаттардың 5 - ер адам, 1 - әйел.

Ұсынылған кандидаттардың ішінде: 3 – мемлекеттік кәсіпорындар мен мекемелердің қызметкерлері, 1 – коммерциялық ұйымдардың қызметкерлері, 1 - мемлекеттік қызметші, 1 - зейнеткер.

Мамандықтары бойынша: инженер - 2, экономист - 1, мұғалім - 1, басқа мамандықтар – 2 кандидат.

Кандидаттардың орташа жасы – 50 жас. Ең жас кандидат 36 жаста, кандидаттар арасындағы ең үлкен жас – 61 жас.

 

Астана қаласының

аумақтық сайлау комиссиясы