Астана қ. 2025 жылғы 6 қараша
Төраға: Т. Зейнұлқабден – Астана қаласы мәслихатының төрағасы.
Қатысты:
Астана қаласы мәслихатының депутаттары, қала тұрғындары, қоғамдық ұйымдар, бұқаралық ақпарат құралдары өкілдері, қала департаменттері мен басқармаларының басшылары.
Күн тәртібі:
Баяндаушы:
Есіркеп Сәкен Зиябекұлы – «Астана қаласы тілдерді дамыту және архив ісі басқармасы» ММ басшысы
Төрағалық етуші:
«Қазақстан Республикасының әкiмшiлiк-аумақтық құрылысы туралы» Қазақстан Республикасы Заңының 14-1-бабының 2-тармағына, «Әкімшілік-аумақтық бірліктерге, елді мекендердің құрамдас бөліктеріне атау беру, оларды қайта атау, сондай-ақ олардың атауларының транскрипциясын нақтылау мен өзгерту кезінде тиісті аумақ халқының пікірін ескеру қағидаларын бекіту туралы» Қазақстан Республикасы Мәдениет және спорт министрінің 2023 жылғы 1 тамыздағы № 211 бұйрығына сәйкес Астана қаласы мәслихатының тұрақты комиссияларының көпшілік тыңдаулары өткізіледі.
Көпшілік тыңдауларды өткізу туралы ақпарат күні бұрын «Астана ақшамы», «Вечерняя Астана» қалалық басылымдарында және Астана қаласы мәслихатының интернет-ресурсында жариялау арқылы қала жұртшылығына жеткізілді.
Тыңдалы:
«Астана қаласының Тілдерді дамыту және архив ісі басқармасы» ММ басшысы – Сәкен Зиябекұлы Есіркеп депутаттарды Астана қаласының кейбір құрамдас бөліктеріне атау беруге материалдармен таныстырды.
Сөз сөйледі:
Астана қаласы мәслихатының тұрақты комиссияларының көпшілік тыңдауларында:
Астана қаласы мәслихатының депутаты, қалалық ономастика комиссиясының мүшесі – Адамбек Кендебай Сарыбайұлы;
Астана қаласы мәслихатының депутаты – Смайылов Бауыржан Амангелдіұлы;
Астана қаласы мәслихатының депутаты – Тәжімұратов Ғабит Қалиұлы.
Көпшілік тыңдаудың қорытындысы бойынша Астана қаласы мәслихатының тұрақты комиссиялары ҚАУЛЫ ЕТТІ:
Астана қаласының келесі көшелеріне атау беру туралы ұсыныстар қолдансын:
«Нұра» ауданы бойынша:
жобалық атауы Е15 көшеге – Мұхаммед Әли Джинна көшесі;
жобалық атауы Е754 көшеге – София көшесі;
«Есіл» ауданы бойынша:
Тұран даңғылынан басталып, Қабанбай батыр даңғылында аяқталатын, «Астана Арена» спорт кешені мен «Алау» мұзайдыны сарайының арасында орналасқан атаусыз көшеге Марко Поло көшесі атауларын беру.
Астана қаласы
мәслихатының төрағасы Т. Зейнұлқабден