Қазақстан Республикасының 2003 жылғы 20 маусымдағы Жер кодексінің 84-бабына, «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 37-бабына, «Қазақстан Республикасы астанасының мәртебесі туралы» 2007 жылғы 21 шілдедегі Қазақстан Республикасы Заңының 9-2-бабына сәйкес, «Мемлекеттік мүлік туралы» 2011 жылғы 1 наурыздағы Қазақстан Республикасы Заңының 63-бабына сәйкес, Қазақстан Республикасы Үкіметінің 2022 жылғы 15 қыркүйектегі № 736 қаулысымен бекітілген Тұрғын үй-коммуналдық инфрақұрылымды дамытудың 2023 – 2029 жылдарға арналған 4-тармағының 1) тармақшасына, Қазақстан Республикасы Үкіметінің 2001 жылғы 15 тамыздағы № 1064 қаулысымен бекітілген Астана қаласының бас жоспарына сәйкес проблемалық тұрғын үй нысандардың құрылысын аяқтау мақсатында, Астана қаласының әкімдігі ҚАУЛЫ ЕТЕДІ:
1. «Елорда құрылыс компаниясы» жауапкершілігі шектеулі серіктестігіне (бұдан әрі – Серіктестік) қоса беріліп отырған сызбаға және қосымшаға сәйкес іздестіру және жапсарластыра салынған орын-жайлары мен паркингі бар көп пәтерлі тұрғын кешенінің жобалау жұмыстарын жүргізу үшін берілген, Астана қаласы, «Нұра» ауданы, Е128 және Е125 (жобалық атауы) көшелері қиылысы ауданы мекенжайында орналасқан, жалпы ауданы 0,5514 га жер учаскелері 2024 жылғы 1 сәуірден бастап 2025 жылғы 1 сәуірге дейін мемлекет мұқтажы үшін мәжбүрлеп, оның ішінде сатып алу жолымен иеліктен шығарылсын.
2. «Астана қаласының Тұрғын үй және тұрғын үй инспекциясы басқармасы» мемлекеттік мекемесіне (бұдан әрі – Басқарма) осы қаулы бұқаралық ақпарат құралдарында жарияланғаннан үш күнтізбелік күннен кешіктірмей меншік иелеріне және жер пайдаланушыларға мемлекет мұқтажы үшін жер учаскелері және басқа жылжымайтын мүлік алдағы уақытта мәжбүрлеп иеліктен шығарылатындығы туралы жазбаша хабарлама жолдасын, «Мемлекеттік мүлік туралы» Қазақстан Республикасының Заңында көзделген тәртіпте, сондай-ақ осы қаулыдан туындайтын басқа да әрекеттерді орындасын.
3. Жер учаскелерін сатып алу бойынша қаржыландыру серіктестікке жүктелсін.
4. Осы қаулының орындалуына жауапкершілік Басқармаға жүктелсін.
5. Меншік иелері және жер пайдаланушылар алдағы уақытта жүргізілетін жер учаскелерін мәжбүрлеп иеліктен шығару туралы хабарлама алған сәттен бастап он бес күнтізбелік күн ішінде Астана қаласының әкімдігіне тиісті өтініш беру жолымен келісім рәсімдеріне бастама жасауға құқылы.
6. «Астана қаласының Қоғамдық даму істері басқармасы» мемлекеттік мекемесі осы қаулы қабылданған сәттен бастап үш жұмыс күні ішінде оны бұқаралық ақпарат құралдарында жариялауды қамтамасыз етсін.
7. Осы қаулының орындалуын бақылау Астана қаласы әкімінің бірінші орынбасары Н.Ж. Нұркеновке жүктелсін.
Астана қаласының әкімі Ж. Қасымбек
Астана қаласы
әкімінің бірінші орынбасары Н. Нұркенов
Астана қаласы
әкімінің орынбасары Е. Байкен
Астана қаласы
әкімінің орынбасары Е. Глотов
Астана қаласы
әкімінің орынбасары Е. Өтебаев
«Астана қаласы әкімінің
аппараты» мемлекеттік
мекемесінің басшысы Д. Ешкеев
«Астана қаласының Экономика
және бюджеттік жоспарлау
басқармасы» мемлекеттік
мекемесінің басшысы Қ. Маңқараев
«Астана қаласының Қаржы
басқармасы» мемлекеттік
мекемесінің басшысы А. Жумаев
«Астана қаласы әкімінің
аппараты» мемлекеттік мекемесі
басшысының орынбасары Ж. Шәукентаев
«Астана қаласы
әкімінің аппараты» мемлекеттік
мекемесі мемлекеттік-
құқықтық бөлімінің басшысы Т. Мусин
«Астана қаласының
Тұрғын үй және тұрғын үй
инспекциясы басқармасы»
мемлекеттік мекемесінің басшысы А. Саипов
«Астана қаласының
Сәулет, қала құрылысы
және жер қатынастары
басқармасы» мемлекеттік
мекемесінің басшысы А. Ахметов
«Елорда құрылыс компаниясы»
жауапкершілігі шектеулі
серіктестігінің бас директоры Р. Тауекелов