Елордада көлік құралдарын орынтұраққа қойғаны үшін ақы алуға және олардың орынтұрақта тұрған уақытын есептеуге арналған сертификатталған арнайы құрылғылармен жабдықталған орындарды айқындау туралы , 15.02.2024ж.

 «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 37-бабына, «Жол жүрісі туралы» Қазақстан Республикасы Заңы 42-1-бабының 1-тармағына сәйкес Астана қаласының әкімдігі ҚАУЛЫ ЕТЕДІ:

1. Елордада көлік құралдарын орынтұраққа қойғаны үшін ақы алуға және олардың орынтұрақта тұрған уақытын есептеуге арналған сертификатталған арнайы құрылғылармен жабдықталған орындар осы қаулыға қосымшаға сәйкес айқындалсын.
2. «Астана қаласының Көлік және жол-көлік инфрақұрылымын дамыту басқармасы» мемлекеттік мекемесінің басшысы Қазақстан Республикасының заңнамасында белгіленген тәртіппен:

1)  осы қаулыны Астана қаласының Әділет департаментінде мемлекеттік тіркеуді;

2) осы қаулы ресми жарияланғаннан кейін оның Астана қаласы әкімдігінің интернет-ресурсында орналастырылуын қамтамасыз етсін;

3. Мыналардың:

1) «Астана қаласында көлік құралдарын орынтұраққа қойғаны үшін ақы алуға және олардың орынтұрақта тұрған уақытын есептеуге арналған сертификатталған арнайы құрылғылармен жабдықталған орындарды айқындау туралы» Астана қаласы әкімдігінің 2017 жылғы 22 маусымдағы № 108-1325 қаулысының (Нормативтік құқықтық актілерді мемлекеттік тіркеу тізілімінде № 1113 болып тіркелген);

2) «Астана қаласы әкімдігінің 2017 жылғы 22 маусымдағы № 108-1325 «Астанада көлік құралдарын орынтұраққа қойғаны үшін ақы алуға және олардың орынтұрақта тұрған уақытын есептеуге арналған сертификатталған арнайы құрылғылармен жабдықталған орындарды айқындау туралы» қаулысына өзгерістер енгізу туралы» Нұр-Сұлтан қаласы әкімдігінің 2021 жылғы 19 қарашадағы № 503-4097 қаулысының (Нормативтік құқықтық актілерді мемлекеттік тіркеу тізілімінде № 25249 болып тіркелген) күші жойылды деп танылсын.

4. Осы қаулының орындалуын бақылау Астана қаласының әкімінің жетекшілік ететін орынбасары Е.К. Өтебаевқа жүктелсін.
5. Осы қаулы алғашқы ресми жарияланған күнінен кейінгі күнтізбелік он күн өткен соң қолданысқа енгізіледі.

 

 

         Астана қаласының әкімі                                                    Ж. Қасымбек

Дата публикации

15 февраля 2024