Астана қаласында салық салу объектісінің орналасқан жерін ескере отырып, аймақтарға бөлу коэффициентін бекіту туралы

«Салық және бюджетке төленетін басқа да міндетті төлемдер туралы (Салық кодексі)» Қазақстан Республикасы кодексі 529-бабының 6-тармағына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңы 37-бабының 1-тармағына сәйкес Астана қаласының әкімдігі ҚАУЛЫ ЕТЕДІ

1. Астана қаласында салық салу объектiсiнiң орналасқан жерiн ескере отырып, «Алматы», «Байқоңыр», «Есіл», «Нұра», «Сарыарқа» аудандары бойынша аймақтарға бөлу коэффициентi осы қаулыға 1, 2, 3, 4, 5-қосымшаларға сәйкес бекiтiлсiн.
2. «Астана қаласының Сәулет, қала құрылысы және жер қатынастары басқармасы» мемлекеттік мекемесінің басшысы Қазақстан Республикасының заңнамасында белгіленген тәртіпте:

1) осы қаулының Астана қаласының Әділет департаментінде мемлекеттік тіркелуін;

2) осы қаулы ресми жарияланғаннан кейін оның Астана қаласы әкімдігінің интернет-ресурсында орналастырылуын қамтамасыз етсін.

3. Осы қаулының орындалуын бақылау Астана қаласы әкімінің бірінші орынбасары Н.Ж. Нұркеновке жүктелсін.

4. Осы қаулы 2024 жылғы 1 қаңтардан бастап қолданысқа енгізіледі.

Қаулы жобасы
Дата публикации
11 октября 2023