Меню
Астанада коммуналдық қалдықтарды басқарудың толық циклін: жинау, тасымалдау, сұрыптау және көмуді қамтитын орталықтандырылған жүйе жұмыс істейді.
Қаланың әкімшілік-аумақтық бөлінісіне байланысты халықтан коммуналдық қалдықтарды жинауды және шығаруды үш жеке қоқыс шығарушы ұйым (ҚШҰ) жүзеге асырады.
«Алматы», «Сарыарқа», «Сарайшық» аудандары — «Zero Waste» ЖШС;
«Байқоңыр» ауданы — «Астана қ. Гор Ком Транс» ЖШС;
«Есіл», «Нұра» аудандары — «TAZA ZHER CAPITAL» ЖШС.
ҚТҚ жинау және тасымалдау бойынша кешенді жұмыстар 2024 жылы Астана қаласы әкімдігінің Табиғи ресурстар және табиғат пайдалануды реттеу басқармасымен бес жыл мерзімге жасалған шарттың талаптарына сәйкес жүзеге асырылады.
Елордада коммуналдық қалдықтарды басқару жүйесінің тиімділігін арттыру шеңберінде осы саланы цифрландыру бойынша кешенді жұмыстар жүргізілуде.
Екі негізгі мақсатты көздейтін мамандандырылған бағдарламалық жасақтама (МБЖ) енгізілді:
компаниялар көрсететін қызметтердің сапасын нақты уақыт режимінде растау;
объективті мәліметтер негізінде басқарушылық шешімдер қабылдау үшін талдау деректерін қалыптастыру.
МБЖ көмегімен «нақты уақыт» режимінде қажетті ақпаратты (қоқыс контейнерлері мен контейнер алаңдарының саны мен техникалық күйін және т.б.) алуға мүмкіндік беретін ҚТҚ басқару инфрақұрылымының цифрлық картасы қалыптастырылды.
Бүгінгі таңда жүйеде 19 мыңнан астам контейнер, 4,8 мың контейнер алаңы, сондай-ақ 116 бірлік арнайы техника (кіріктірілген GPS-датчиктері бар) жұмылдырылған.
Барлық 3 компанияның ұжымы біздің қызметтеріміздің ең тиімді болып қала беруі үшін үздіксіз жұмыс істеуде: нарыққа талдау жасалады, техникалық, технологиялық және маркетингтік шешімдер нарығының соңғы жетістіктерін пайдалана отырып, сервисті жақсарту бойынша жаңа шешімдер іздестіріледі. Біз қаладағы коммуналдық қызмет көрсету нарығындағы басқа да компаниялармен өзара іс-қимыл жасаймыз.