Өмірлік қиын жағдай туындаған кезде ұсынылатын әлеуметтік көмек

Өмірлік қиын жағдай туындаған кезде

ұсынылатын әлеуметтік көмек

 

Медициналық көрсеткіштерге сәйкес медициналық қызметтерді алу, медициналық мақсаттағы бұйымдарды, дәрілік заттарды жедел сатып алу үшін қаржылық қаражаттың аса қажеттілігін жоюға арналған әлеуметтік көмек ақшалай төлем түрінде ұсынылады.

Қазақстан Республикасының заңнамасында көзделген негіздер бойынша өмірлік қиын жағдайға тап болған азаматтар деп «Арнаулы әлеуметтік қызметтер туралы» 2008 жылғы 29 желтоқсандағы Қазақстан Республикасы Заңының                          6-бабына сәйкес әлеуметтік көмек келесі азаматтарға:

• жасының егде тартуына байланысты, ауруы және (немесе) мүгедектігі салдарынан өзіне-өзі күтім жасай алмауы бар бөгде адамның күтіміне мұқтаж азаматтар;
• дене және (немесе) ақыл-ой мүмкіндіктеріне байланысты организм функцияларының тұрақты бұзылуы бар;
• әлеуметтік мәні бар аурулардың және айналасындағыларға қауіп төндіретін аурулардың салдарынан тыныс-тіршілігінің шектелуі;
• бас бостандығынан айыру орындарынан босатылған;
• пробация қызметінің есебінде тұрған азаматтарға көрсетіледі. Әлеуметтік көмек алу үшін egov.kz "электрондық үкімет" веб-порталы (бұдан әрі – портал) арқылы хабарласуы мүмкіндігі бар.

 

Порталға жүгіну үшін қажетті құжаттар тізбесі:

• жеке басты куәландыратын құжат;
• өмірлік қиын жағдайдың туындағанын растайтын акт және/немесе құжат, оның ішінде өмірлік қиын жағдайға байланысты адамның болған шығындарын растайтын құжаттар (чектердің, түбіртектердің көшірмелері, рецептер, медициналық қызметтерді көрсетуге арналған шарт және т.б.);
• екінші деңгейдегі банктегі шотының нөмірі

Порталда жәрдемақы тағайындау туралы хабарлама көрсетілетін қызметті берушінің уәкілетті тұлғасының ЭЦҚ-сымен куәландырылған электрондық құжат нысанында көрсетілетін қызметті алушының «жеке кабинетіне»  жіберіледі.

Әлеуметтік көмектің мөлшері өмірлік қиын жағдайдың туындауына байланысты өтініш берушінің нақты шығындарын (не алдағы шығындарын) негізге ала отырып айқындалады, бірақ 13 айлық есептік көрсеткіштен (37 921 теңге) аспайды.

Әлеуметтік көмек тағайындауға өтініш білдірген азаматтардың өтініштерін Басқарма көрсетілген өмірлік қиын жағдай туындаған күннен бастап үш айдан кешіктірмей қарайды.

Толық ақпарат алу үшін Нұр-сұлтан қаласының Жұмыспен қамту және әлеуметтік қорғау басқармасына мына мекенжай бойынша хабарласуға болады: Достық көшесі, 13, тел. 55-01-74, 55-74-50,55-72-32, 55-14-87.