Субсидияланатын жұмыс орындарын ұйымдастыру және субсидияланатын жұмыс орындарына жұмысқа орналасқан адамдардың жалақысын субсидиялау қағидаларын бекіту туралы

Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 30 маусымдағы № 275 бұйрығы. Қазақстан Республикасының Әділет министрлігінде 2023 жылғы 30 маусымда № 32959 болып тіркелді.

ЗҚАИ-ның ескертпесі!

Осы бұйрық 01.07.2023 бастап қолданысқа енгізіледі.

Қазақстан Республикасы Әлеуметтік кодексінің 111-бабының 10-тармағына және "Мемлекеттік статистика туралы" Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:

Осы бұйрыққа 1-қосымшаға сәйкес қоса беріліп отырған Субсидияланатын жұмыс орындарын ұйымдастыру және субсидияланатын жұмыс орындарына жұмысқа орналасқан адамдардың жалақысын субсидиялау қағидалары бекітілсін.
Осы бұйрыққа 2-қосымшаға сәйкес Қазақстан Республикасы Денсаулық сақтау және әлеуметтік даму министрлігінің және Қазақстан Республикасы Еңбек және халықты әлеуметтік қорғау министрлігінің кейбір бұйрықтары мен кейбір бұйрықтарының құрылымдық элементтерінің күші жойылды деп танылсын.
Қазақстан Республикасы Еңбек және халықты әлеуметтік қорғау министрлігінің Халықты жұмыспен қамту департаменті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрық ресми жарияланғаннан кейін оны Қазақстан Республикасы Еңбек және халықты әлеуметтік қорғау министрлігінің интернет-ресурсында орналастыруды;

3) осы бұйрық мемлекеттік тіркелгеннен кейін он жұмыс күні ішінде Қазақстан Республикасы Еңбек және халықты әлеуметтік қорғау министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

Осы бұйрықтың орындалуын бақылау жетекшілік ететін Қазақстан Республикасының Еңбек және халықты әлеуметтік қорғау вице-министріне жүктелсін.
Осы бұйрық 2023 жылғы 1 шілдеден бастап қолданысқа енгізіледі және ресми жариялануға тиіс.

Қазақстан Республикасы

Премьер-Министрінің орынбасары -

Еңбек және халықты әлеуметтік қорғау

министрі

Т. Дуйсенова

"КЕЛІСІЛДІ"

Қазақстан Республикасының

Қаржы министрлігі

"КЕЛІСІЛДІ"

Қазақстан Республикасы

Стратегиялық жоспарлау және

реформалар агенттігінің

Ұлттық статистика бюросы

Қазақстан Республикасы
Премьер-Министрінің орынбасары -
Еңбек және халықты әлеуметтік
қорғау министрі
2023 жылғы 30 маусымдағы
№ 275 бұйрығына
1-қосымша

Субсидияланатын жұмыс орындарын ұйымдастыру және субсидияланатын жұмыс орындарына жұмысқа орналасқан адамдардың жалақысын субсидиялау қағидалары

Ескерту. Қағидалар жаңа редакцияда - ҚР Еңбек және халықты әлеуметтік қорғау министрінің 12.12.2025 № 395 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

Осы Субсидияланатын жұмыс орындарын ұйымдастыру және субсидияланатын жұмыс орындарына жұмысқа орналасқан адамдардың жалақысын субсидиялау қағидалары (бұдан әрі – Қағидалар) Қазақстан Республикасының Әлеуметтік кодексі (бұдан әрі – Кодекс) 111-бабының 10-тармағына, "Мемлекеттік статистика туралы" Қазақстан Республикасы Заңының 16-бабы 3-тармағының 2) тармақшасына сәйкес әзірленді және субсидияланатын жұмыс орындарын ұйымдастыру және субсидияланатын жұмыс орындарына жұмысқа орналасқан адамдардың жалақысын субсидиялау тәртібін айқындайды.
Осы Қағидаларда мынадай негізгі ұғымдар пайдаланылады:

1) "Азаматтарға арналған үкімет" мемлекеттік корпорациясы – Қазақстан Республикасының заңнамасына сәйкес мемлекеттік қызметтерді көрсету үшін, "бір терезе" қағидаты бойынша мемлекеттік қызметтер көрсетуге өтініштерді қабылдау және олардың нәтижелерін көрсетілетін қызметті алушыға беру жөніндегі жұмысты ұйымдастыру, мемлекеттік қызметтерді электрондық нысанда көрсетуді қамтамасыз ету үшін Қазақстан Республикасы Үкіметінің шешімі бойынша құрылған заңды тұлға;

ЗҚАИ-ның ескертпесі!
2) тармақша жаңа редакцияда көзделген - ҚР Еңбек және халықты әлеуметтік қорғау министрінің 01.04.2026 № 112 (12.07.2026 бастап қолданысқа енгізіледі) бұйрығымен.

2) әлеуметтік-еңбек саласындағы бірыңғай ақпараттық жүйе (бұдан әрі – "Еңбек нарығы" ААЖ) – уәкілетті мемлекеттік органның, халықты әлеуметтік қорғау және жұмыспен қамту мәселелері жөніндегі жергілікті атқарушы органдардың, еңбек мобильділігі орталықтарының, мансап орталықтарының, Еңбек ресурстарын дамыту орталығының қызметін автоматтандыруға және әлеуметтік-еңбек саласында халыққа мемлекеттік қызметтер көрсету мақсатында ведомствоаралық өзара іс-қимылға арналған ақпараттандыру объектісі;

3) бос орын – жұмыс берушідегі бос жұмыс орны (лауазым);

4) еңбек мобильділігі орталығы – жұмыспен қамтуға жәрдемдесу шараларын әзірлеу және іске асыру мақсатында астананың, облыстың және республикалық маңызы бар қаланың жергілікті атқарушы органы құратын заңды тұлға;

5) жалақыны субсидиялау – жұмыс берушінің субсидияланатын жұмыс орындарына жұмысқа орналастырылған жұмыскерлердің еңбегіне ақы төлеуге жұмсаған шығындарын толық немесе ішінара өтеу;

6) жұмыссыз – жұмыс іздеуші және жұмысқа кірісуге дайын жеке тұлға;

7) жұмыс беруші – жұмыскер еңбек қатынастарында болатын жеке немесе заңды тұлға;

8) жұмыс орны – жұмыскердің еңбек қызметі процесінде еңбек міндеттерін орындауы кезінде тұрақты немесе уақытша болатын орны;

9) жұмысқа орналастыру – халықтың жұмыспен қамтылуын қамтамасыз етуге ықпал етуге арналған ұйымдастырушылық, экономикалық және құқықтық іс-шаралар кешені;

ЗҚАИ-ның ескертпесі!
10) тармақша жаңа редакцияда көзделген - ҚР Еңбек және халықты әлеуметтік қорғау министрінің 01.04.2026 № 112 (12.07.2026 бастап қолданысқа енгізіледі) бұйрығымен.

10) "Зейнетақы және жәрдемақы төлеудің орталықтандырылған дерекқоры" автоматтандырылған ақпараттық жүйесі (бұдан әрі – "ОДҚ" ААЖ) - Кодексте белгіленген шарттарда төлем түрлерін жүзеге асыру үшін уәкілетті мемлекеттік органның орталықтандырылған дерекқоры;

11) мансап орталығы – еңбек мобильділігі орталығының аудандарда, астанада, облыстық және республикалық маңызы бар қалаларда оның функцияларын орындауды жүзеге асыратын филиалы;

12) субсидияланатын жұмыс орны – жалақысын толық немесе ішінара субсидиялай отырып, жұмыссыздарды, сондай-ақ оқудан бос уақытта денсаулығына зиян келтірілмейтін және оқу процесін бұзбайтын жұмысқа қатысатын студенттер мен жалпы білім беретін мектептердің жоғары сынып оқушыларын жұмысқа орналастыру үшін, еңбек мобильділігі орталығымен (мансап орталығымен) шарт негізінде жұмыс беруші құратын жұмыс орны;

13) халықты әлеуметтік қорғау және жұмыспен қамту мәселелері жөніндегі жергілікті атқарушы орган – астананың, облыстың, республикалық маңызы бар қаланың халықты әлеуметтік қорғау және жұмыспен қамту саласындағы бағыттарын айқындайтын жергілікті атқарушы органы

14) халықты жұмыспен қамту мәселелері жөніндегі уәкілетті орган – Қазақстан Республикасының заңнамасына сәйкес халықты әлеуметтік қорғау саласында басшылықты және саларалық үйлестіруді, Мемлекеттік әлеуметтік сақтандыру қорының қызметін реттеу мен бақылау функцияларын жүзеге асыратын орталық атқарушы орган;

15) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың анықтығын, оның тиесілігін және мазмұнының өзгермейтіндігін растайтын электрондық цифрлық нышандар жиынтығы.

Ескерту. 2-тармаққа өзгеріс енгізілді – ҚР Еңбек және халықты әлеуметтік қорғау министрінің 23.06.2026 № 266 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Субсидияланатын жұмыс орындарының тізбесі, субсидияланатын жұмыс орындарына жұмысқа орналастырылатын адамдарға қойылатын талаптар, олардың жалақысын субсидиялау мөлшері мен мерзімдері Кодекстің 111-бабының 9-тармағына сәйкес айқындалады.
Субсидияланатын жұмыс орындары жұмыссыздар, оқудан бос уақытта студенттер мен жалпы білім беретін мектептердің жоғары сынып оқушылары үшін құрылады.
Мансап орталықтары субсидияланатын жұмыс орындарын:

1) жеке меншік нысанындағы коммерциялық заңды тұлғалардың, дара кәсіпкерлердің, шаруа (фермер) қожалықтарының және әлеуметтік кәсіпкерлердің өтінімдері бойынша:

Қазақстан Республикасының аумағында тіркелген жұмыс істеп тұрған заңды тұлға немесе дара кәсіпкер мәртебесі болған;

өтінім берген күннің алдында 12 айдан астам қызметті жүзеге асырған;

банкроттық немесе таратылу рәсімі болмаған;

терроризмді және экстремизмді қаржыландырумен байланысты ұйымдар мен тұлғалардың тізбесінде болмаған;

еңбек мобильділігі орталығымен субсидияланатын жұмыс орындарын ұйымдастыру туралы бұрын жасалған шарттар бойынша міндеттемелерді толық орындаған (бар болса);

өтінім берген күнге жалақы бойынша мерзімі өткен берешек болмаған;

Кодекске және "Міндетті әлеуметтік медициналық сақтандыру туралы" Қазақстан Республикасының Заңына сәйкес, субсидияланатын жұмыс орындарын ұйымдастыруға өтінім берген күннің алдындағы соңғы 12 айда әлеуметтік төлемдерді тұрақты жүргізген;

жалған кәсіпкерлік қызметті жүзеге асырған салық төлеушілердің тізбесінде болмаған;

өтінім берген күнге тіркелген электрондық еңбек шарттары бар жұмыскерлердің тізімдік саны болған кезде;

өткен күнтізбелік жылы өзінде субсидияланатын жұмыс орындарындағы жұмысын аяқтаған (өтінім берген күнге) жұмыссыздардың кемінде 10%-ын (бірақ кемінде 1 жұмыссызды) міндетті түрде тұрақты жұмыс орындарына жұмысқа орналастырған (бар болса) кезде;

2) мемлекеттiк мекемелердің, олардың ведомстволарының және ведомстволық бағынысты ұйымдарының, сондай-ақ дауыс беретін акцияларының (жарғылық капиталға қатысу үлестерінің) елу және одан да көп пайызы тікелей немесе жанама түрде мемлекетке тиесілі заңды тұлғалардың өтінімдері бойынша:

Қазақстан Республикасының аумағында тіркелген жұмыс істеп тұрған заңды тұлға мәртебесі болған;

өтінім берген күннің алдында 12 айдан астам қызметті жүзеге асырған;

таратылу рәсімі болмаған;

терроризмді және экстремизмді қаржыландырумен байланысты ұйымдар мен тұлғалардың тізбесінде болмаған;

өтінім берген күнге жалақы бойынша мерзімі өткен берешек болмаған;

өтінім берген күнге тіркелген электрондық еңбек шарттары бар жұмыскерлердің тізімдік саны болған кезде;

3) үкіметтік емес ұйымдардың, олардың филиалдарының және (немесе) өкілдіктерінің өтінімдері бойынша:

"Қазақстан Республикасындағы мемлекеттік әлеуметтік тапсырыс, стратегиялық әріптестікті іске асыруға арналған мемлекеттік тапсырыс, үкіметтік емес ұйымдарға арналған гранттар және сыйлықақылар туралы" Қазақстан Республикасының Заңы 6-3-бабының 1-тармағына сәйкес, үкіметтік емес ұйымдардың дерекқорында үкіметтік емес ұйым туралы мәліметтер болған;

өтінім берген күннің алдында 12 айдан астам қызметті жүзеге асырған;

таратылу рәсімі болмаған;

терроризмді және экстремизмді қаржыландырумен байланысты ұйымдар мен тұлғалардың тізбесінде болмаған;

арнаулы әлеуметтік қызметтер көрсететін ұйымдардың тіркелімінде болмаған кезде ұйымдастырады.

Ескерту. 5-тармақ жаңа редакцияда - ҚР Еңбек және халықты әлеуметтік қорғау министрінің 01.04.2026 № 112 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Осы Қағидалардың 5-тармағының 1) тармақшасында көрсетілген жұмысқа орналастыру мынадай:

1) субсидияланатын жұмыс орындарына қатысуды аяқтағаннан кейін үш ай ішінде Қазақстан Республикасының Қарулы Күштеріне, сондай-ақ басқа да әскерлер мен әскери құралымдарына міндетті әскери қызметке шақырылған;

2) бала үш жасқа толғанға дейін оны күту бойынша жалақысы сақталмайтын демалыста болуы;

3) техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім алып жатқан;

4) Қазақстан Республикасынан тыс жерге тұрақты тұруға кеткен;

5) қайтыс болған;

6) мүгедектігі бар;

7) хабарсыз кеткен деп танылған;

8) сотпен әрекетке қабілетсіз деп танылған;

9) субсидияланатын жұмыс орындарындағы еңбек қызметін дәлелді себептерсіз өз бетінше тоқтатқан адамдарды есепке алмай есептеледі.

Жұмысқа орналасқандардың есебіне субсидияланатын жұмыс орындарын ұйымдастыруға өтінім беретін жұмыс беруші субсидияланатын жұмыс орындарын ұйымдастыруға өтінім берген күннің алдындағы соңғы 3 ай ішінде жиі міндетті зейнетақы жарналарын аударып отырған адамдар алынады.

Ескерту. 6-тармаққа өзгерістер енгізілді - ҚР Еңбек және халықты әлеуметтік қорғау министрінің 01.04.2026 № 112 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); орыс тіліндегі мәтініне өзгеріс енгізіледі, қазақ тіліндегі мәтіні өзгермейді – ҚР Еңбек және халықты әлеуметтік қорғау министрінің 23.06.2026 № 266 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрықтарымен.

Жұмыс берушілердің осы Қағидалардың 5 және 17-тармақтарында көзделген талаптарға сәйкестігін тексеруді жұмыс берушілер субсидияланатын жұмыс орындарын ұйымдастыруға өтінімдер берген күннен бастап 5 (бес) жұмыс күні ішінде Электрондық еңбек биржасы және (немесе) мансап орталығы жүзеге асырады.

Тексеруден өтпеген жұмыс беруші тексеруден өтпеген күннен бастап 30 күнтізбелік күн өткен соң қайта тексеруден өтеді.

Жұмыс беруші Электрондық еңбек биржасы жүргізген қайта тексеру нәтижелеріне шағымдануға құқылы.

Шағымды қарауды халықты жұмыспен қамту мәселелері жөніндегі уәкілетті орган жүргізеді.

Егер Қазақстан Республикасының заңдарында өзгеше көзделмесе, Қазақстан Республикасы Әкімшілік рәсімдік-процестік кодексінің 91-бабының 5-тармағына сәйкес сотқа дейінгі тәртіппен шағым жасалғаннан кейін сотқа жүгінуге жол беріледі.

Ескерту. 8-тармаққа өзгеріс енгізілді - ҚР Еңбек және халықты әлеуметтік қорғау министрінің 01.04.2026 № 112 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Қоғамдық жұмыстар жұмыскердің алдын ала кәсіптік даярлығын талап етпейді және әлеуметтік пайдалы бағытқа ие болады.

Қоғамдық жұмыстарға табиғи және техногендiк сипаттағы төтенше жағдайлардың салдарын жою қажеттілігіне байланысты қызмет түрлері жатпайды.

Қоғамдық жұмыстардың мынадай ерекшеліктері бар:

1) жұмыстарды толық емес жұмыс күні шарттарында немесе икемді кесте бойынша ұйымдастыру мүмкіндігі;

2) өңір үшін экономикалық, әлеуметтік және экологиялық тұрғыдан пайдалы;

3) арнайы білімі жоқ адамдарға уақытша жұмысқа орналасуға мүмкіндік беріледі.

Ескерту. 9-тармаққа өзгеріс енгізілді - ҚР Еңбек және халықты әлеуметтік қорғау министрінің 01.04.2026 № 112 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Әлеуметтік жұмыс орындары және (немесе) "Күміс жас" жобасы жеке меншік нысанындағы кәсіпорындар мен ұйымдарда ұйымдастырылады.

Әлеуметтік жұмыс орындары және (немесе) "Күміс жас" жобасы бойынша жұмыс орындары біліктілігі төмен кәсіптер немесе қызметтер үшін құрылмайды.

Жастар практикасы, "Алғашқы жұмыс орны" және "Ұрпақтар келісімшарты" жобалары бойынша жұмыс орындары түлектер алған кәсіп (мамандық) бойынша немесе ұқсас кәсіп (мамандық) бойынша құрылады.
Осы Қағидалардың 31 және 32-тармақтарында көзделген жағдайларды қоспағанда, жұмыссыздарды субсидияланатын жұмыс орындарына жұмысқа орналастыру жұмыссыз ретінде тіркелген күніне сәйкес кезектілік тәртібінде күнтізбелік жыл ішінде бір рет жүзеге асырылады.
Жұмыс беруші бос жұмыс орны болған кезде жұмыссызды оның келісімімен тұрақты жұмыс орнына жұмысқа орналастырады.

2-тарау. Субсидияланатын жұмыс орындарын ұйымдастыру тәртібі

Субсидияланатын жұмыс орындарын ұйымдастыруға жұмыс берушілерден өтінімдерді жинау Электрондық еңбек биржасында ағымдағы немесе алдағы қаржы жылына арналған субсидияланатын жұмыс орындарын ұйымдастыруға көзделген қаражат шегінде жүзеге асырылады.

Алдағы қаржы жылына субсидияланатын жұмыс орындарын ұйымдастыруға жұмыс берушілерден өтінімдерді қабылдау жыл сайын 20 желтоқсаннан бастап 31 желтоқсанға дейінгі аралықта жүзеге асырылады.

Ағымдағы қаржы жылына субсидияланатын жұмыс орындарын ұйымдастыруға жұмыс берушілерден өтінімдерді қабылдау 1 ақпаннан бастап 30 қыркүйекке дейінгі аралықта жүзеге асырылады.

Жекеменшік нысандағы коммерциялық заңды тұлғалар, жеке кәсіпкерлер, шаруа (фермер) қожалықтары және әлеуметтік кәсіпкерлер қоғамдық жұмыстарды ұйымдастыруға олардың алдыңғы қатысуы аяқталған күннен бастап 12 ай өткен соң қайта қатысады.

Осы Қағидалардың 19-тармағында көрсетілген жұмыс берушілерді қоспағанда, жұмыс берушілерден субсидияланатын жұмыс орындарын (әрбір түрі бойынша) ұйымдасыруға өтінімдерді қабылдау жұмыскерлердің тізімдік санының 10%-ы шегінде жүзеге асырылады.

      Ескерту. 14-тармақ жаңа редакцияда - ҚР Еңбек және халықты әлеуметтік қорғау министрінің 01.04.2026 № 112 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
      ЗҚАИ-ның ескертпесі!
      14-1-тармақ жаңа редакцияда көзделген - ҚР Еңбек және халықты әлеуметтік қорғау министрінің 01.04.2026 № 112 (12.07.2026 бастап қолданысқа енгізіледі) бұйрығымен.

14-1. Мансап орталығы өтінімдерді қабылдау аяқталған күннен бастап 3 (үш) жұмыс күні ішінде жұмыс берушілердің бірыңғай тізбесін қалыптастырады және оны қарау әрі бекіту үшін еңбек мобильділігі орталығына жолдайды.

Еңбек мобильділігі орталығы 2 (екі) жұмыс күні ішінде субсидияланатын жұмыс орындарын құруға өтінім берген ұйымдардың тізбесін және ұйымдастырылатын жұмыс орындарының санын (бұдан әрі – Тізбе) субсидияланатын жұмыс орындарының түрін, жұмыс істеу ұзақтығын, кәсібін және ай сайынғы жалақы мөлшерін көрсете отырып бекітеді.

Мансап орталығы Тізбе бекітілгеннен кейін 2 (екі) жұмыс күні ішінде әрбір өтінім бойынша еңбек мобильділігі орталығының шешімін "Еңбек нарығы" ААЖ-ға енгізеді.

Еңбек мобильділігі орталығы кезекті қаржы жылына субсидияланатын жұмыс орындарын ұйымдастыруға жұмыс берушінің қатысуынан бас тарту туралы шешім қабылдаған жағдайда, бас тарту себептері көрсетілген хабарлама "Еңбек нарығы" ААЖ-дан Электрондық еңбек биржасындағы жұмыс берушінің "жеке кабинетіне" автоматты түрде жіберіледі.

Жұмыс берушіні Тізбеге енгізуден бас тарту үшін:

1) жұмыс берушіні субсидияланатын жұмыс орындарын ұйымдастыруға жіберу үшін қажетті құжаттардың және (немесе) мәліметтердің, оның ішінде мемлекеттік ақпараттық жүйелердегі мәліметтердің дәйексіздігін белгілеу;

2) ағымдағы және (немесе) алдағы қаржы жылына субсидияланатын жұмыс орындарын ұйымдастыруға қаржыландырудың болмауы;

3) әлеуметтік пайдалы бағыттылығы жоқ кәсіптер (мамандықтар) бойынша қоғамдық жұмыстарды ұйымдастыруға өтінім беру;

4) Қазақстан Республикасы Білім және ғылым министрінің 2018 жылғы 27 қыркүйектегі № 500 бұйрығымен (Нормативтік құқықтық актілерді мемлекеттік тіркеу тізілімінде №17564 болып тіркелген) бекітілген Техникалық және кәсіптік, орта білімнен кейінгі білімнің мамандықтары мен біліктіліктерінің сыныптауышында немесе Қазақстан Республикасы Білім және ғылым министрінің 2018 жылғы 13 қазандағы № 569 бұйрығымен (Нормативтік құқықтық актілерді мемлекеттік тіркеу тізілімінде № 17565 болып тіркелген) Жоғары және жоғары оқу орнынан кейінгі білімі бар кадрларды даярлау бағыттарының сыныптауышында көзделмеген кәсіптер (мамандықтар) бойынша жастар практикасын және (немесе) "Ұрпақтар келісім шарты" жобасын ұйымдастыруға өтінім беру негіздемелер болып табылады.

Жұмыс беруші Қазақстан Республикасы Әкімшілік рәсімдік-процестік кодексінің 91-бабының 1-тармағына сәйкес еңбек мобильділігі орталығының шешіміне шағымдануға құқылы.

Шағымды қарауды халықты әлеуметтік қорғау және жұмыспен қамту мәселелері жөніндегі жергілікті атқарушы орган жүргізеді.

      Ескерту. 2-тарау 14-1-тармақпен толықтырылды - ҚР Еңбек және халықты әлеуметтік қорғау министрінің 01.04.2026 № 112 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
      ЗҚАИ-ның ескертпесі!
      15-тармақтың бірінші бөлігі жаңа редакцияда көзделген - ҚР Еңбек және халықты әлеуметтік қорғау министрінің 01.04.2026 № 112 (12.07.2026 бастап қолданысқа енгізіледі) бұйрығымен.

Жұмыс берушілерден өтінімдерді қабылдауды ұйымдастыру үшін еңбек мобильділігі орталығы жыл сайын 15 желтоқсанға дейін "Еңбек нарығы" ААЖ-ға аудандар (қалалар) және субсидияланатын жұмыс орындарының түрлері бөлінісінде алдағы қаржы жылына арналған субсидияланатын жұмыс орындарын ұйымдастыруға көзделген қаражаттың көлемі туралы ақпаратты орналастырады.

Ағымдағы қаржы жылы ішінде бюджет нақтыланған (түзетілген) жағдайда, еңбек мобильділігі орталығы қаржыландырудың жылдық көлеміне өзгерістер енгізеді.

ЗҚАИ-ның ескертпесі!
16-тармақтың қолданысы 01.04.2026 дейін тоқтатыла тұрады - ҚР ҚР Еңбек және халықты әлеуметтік қорғау министрінің 26.01.2026 № 24 бұйрығымен.

Осы Қағидалардың 5-тармағында көзделген талаптарға сәйкес келетін жұмыс беруші Электрондық еңбек биржасындағы жеке кабинетінде субсидияланатын жұмыс орындарын ұйымдастыру үшін:

1) жұмыс берушінің деректемелерін: құрылтайшының және бірінші басшының жеке сәйкестендіру нөмірлерін, субсидияланатын жұмыс орындарын ұйымдастыру туралы шартқа қол қоюға уәкілетті тұлғаның лауазымын, тегін, атын және әкесінің атын (бар болса), құрылтай құжатының атауы мен нөмірін, байланыс телефонын, заңды мекенжайын, банк деректемелерін көрсетеді;

2) субсидияланатын жұмыс орындарын ұйымдастыруға өтінім толтырады, онда: субсидияланатын жұмыс орнының түрі, кәсіптік сала, кәсіп, жұмыс орындарының саны, айлардағы жұмыс ұзақтығы, жұмыстарды жүргізудің нақты орны, айдағы жалақы мөлшері, үміткерден талап етілетін білім деңгейі мен кәсіптік дағдылар, байланысатын адамның лауазымы және байланыс телефоны көрсетіледі.

Екі және одан көп жұмыс берушінің құрылтайшысының және бірінші басшысының жеке сәйкестендіру нөмірлері бір-біріне сәйкес келгенде Электрондық еңбек биржасы субсидияланатын жұмыс орындарын ұйымдастыруға өтінімдерді қабылдаудан бас тартады.

Жастар практикасы, "Алғашқы жұмыс орны" және "Ұрпақтар келісімшарты" жобалары бойынша бойынша жұмыс беруші өтінімде кәсіби білім мен жұмыс тәжірибесін беру үшін тәлімгердің келісімімен оның жеке сәйкестендіру нөмірін, тегін, атын және әкесінің атын (бар болса) және лауазымын көрсетеді.

Жұмыс беруші дербес деректерді жинауға, өңдеуге, сақтауға, түсіруге және пайдалануға келісімін береді және өтінімге электрондық цифрлық қолтаңбамен қол қояды.

Электрондық еңбек биржасы:

1) Кодекске сәйкес кәсіптік оқытуды ұйымдастыруға қатысатын;

2) әлеуметтік жұмыс орындарын және (немесе) "Күміс жас" жобасын ұйымдастыруға өтінім беретін жұмыс берушілерді қоспағанда, ағымдағы қаржы жылында бюджет қаражаты есебінен жаңа бизнес-идеяларды іске асыруға гранттар және (немесе) микрокредиттер алған;

3) инфрақұрылымдық жобалар бойынша мемлекеттік сатып алулар шеңберінде қызметтер көрсететін немесе жұмыстар атқаратын;

4) жастар практикасын, әлеуметтік жұмыс орындарын және (немесе) "Күміс жас" жобасын ұйымдастыруға өтінім беретін жұмыс берушілерді қоспағанда, техникалық және кәсіптік, орта білімнен кейінгі, жоғары және жоғары оқу орнынан кейінгі білімі бар кадрларды даярлауға, сондай-ақ мектепке дейінгі тәрбие мен оқытуға, орта білім беруге және балаларға қосымша білім беруге мемлекеттік білім беру тапсырысын алған;

5) жастар практикасын, әлеуметтік жұмыс орындарын және (немесе) "Күміс жас" жобасын ұйымдастыруға өтінім беретін жұмыс берушілерді қоспағанда, тегін медициналық көмектің кепілдік берілген көлемі және (немесе) міндетті әлеуметтік медициналық сақтандыру жүйесі шеңберінде медициналық көмек көрсететін жұмыс берушілердің өтінімдерін қабылдамайды.

Ескерту. 17-тармақ жаңа редакцияда - ҚР Еңбек және халықты әлеуметтік қорғау министрінің 01.04.2026 № 112 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Өтінімдерде көрсетілетін жұмыс орындары мен кәсіптердің саны субсидияланатын жұмыс орындарының түріне байланысты болады.

Жұмыс орындарының санын айқындау кезінде жұмыс берушінің ұйымдастырушылық-құқықтық нысаны, жұмыскерлердің тізімдік саны, сондай-ақ мансап орталығында 6 (алты) айдан астам есепте тұрған жұмыссыздардың саны есепке алынады.

Қоғамдық жұмыстарды ұйымдастыруға арналған жұмыс орындарының саны:

1) жеке меншік нысандағы коммерциялық заңды тұлғалар, жеке кәсіпкерлер, шаруа (фермер) қожалықтары және әлеуметтік кәсіпкерлер үшін – 1-ден 5 жұмыс орнына дейін;

2) үкіметтік емес ұйымдар, олардың филиалдары және (немесе) өкілдіктері үшін:

астанада және (немесе) республикалық маңызы бар қалаларда қызметін жүзеге асыратындар үшін 1-ден 10 жұмыс орнына дейін;

облыстық маңызы бар қалаларда, аудандық маңызы бар қалаларда, кенттерде, ауылдарда және ауылдық округтерде қызметін жүзеге асыратындар үшін 1-ден 5 жұмыс орнына дейін;

3) қалалық елді мекендерде орналасқан мемлекеттiк мекемелер, олардың ведомстволары және ведомстволық бағынысты ұйымдары, сондай-ақ дауыс беретін акцияларының (жарғылық капиталға қатысу үлестерінің) елу және одан да көп пайызы тікелей немесе жанама түрде мемлекетке тиесілі заңды тұлғалар үшін 1-ден 5 жұмыс орнына дейін;

4) ауылдық елді мекендерде орналасқан мемлекеттiк мекемелер, олардың ведомстволары және ведомстволық бағынысты ұйымдары, сондай-ақ дауыс беретін акцияларының (жарғылық капиталға қатысу үлестерінің) елу және одан да көп пайызы тікелей немесе жанама түрде мемлекетке тиесілі заңды тұлғалар үшін:

халық саны 200 адамға дейінгі ауылдық елді мекендерде – сол елді мекенде тұратын халықтың жалпы санынан субсидияланатын жұмыс орындарының 5%-ына дейін;

халық саны 201-ден 500 адамға дейінгі ауылдық елді мекендерде – сол елді мекенде тұратын халықтың жалпы санынан субсидияланатын жұмыс орындарының 3%-ына дейін;

халық саны 501 адамнан асатын ауылдық елді мекендерде – сол елді мекенде тұратын халықтың жалпы санынан субсидияланатын жұмыс орындарының 2%-ына дейін құрайды.

Ескерту. 19-тармақ жаңа редакцияда - ҚР Еңбек және халықты әлеуметтік қорғау министрінің 01.04.2026 № 112 (алғашқы ресми жарияланған күнінен кейін күнтізбелік он күн өткен соң қолданысқа енгізіледі); өзгеріс енгізілді – ҚР Еңбек және халықты әлеуметтік қорғау министрінің 23.06.2026 № 266 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрықтарымен.

Осы Қағидалардың 19-тармағында көрсетілген қоғамдық жұмыстарды ұйымдастыру үшін құрылатын жұмыс орындарының саны жұмыс беруші төмендегі шарттардың біріне сәйкес келгенде:

1) қоғамдық жұмыс орындарының кемінде 50%-ын мүгедектігі бар адамдарды, мүгедектігі бар бала (мүгедектігі бар балаларды) тәрбиелеп отырған адамдарды, асыраушысынан айрылу жағдайы бойынша әлеуметтік төлем алушыларды, мемлекеттік атаулы әлеуметтік көмек алушыларды, көпбалалы отбасыларға берілетін жәрдемақы алушыларды және (немесе) "Мемлекеттік наградалар туралы" Қазақстан Республикасының Заңына сәйкес "Алтын алқа", "Күміс алқа" алқаларымен наградталған немесе бұрын "Батыр Ана" атағын алған, І және ІІ дәрежелі "Ана даңқы" ордендерімен наградталған көп балалы аналарды жұмысқа орналастыру үшін құрған кезде;

2) өз қаражаты есебінен қоғамдық жұмыстарды ұйымдастырған кезде не қоғамдық жұмыстарға қатысушылардың жалақысының кемінде 50%-ын қоса қаржыландырған кезде 50%-ға ұлғаяды.

Ескерту. 20-тармақ жаңа редакцияда - ҚР Еңбек және халықты әлеуметтік қорғау министрінің 01.04.2026 № 112 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Тізбе бекітілген күннен бастап 3 (үш) жұмыс күні ішінде Электрондық еңбек биржасында автоматты түрде субсидияланатын жұмыс орны бойынша бос орын құрылады. Жарияланған бос орын 90 (тоқсан) күнтізбелік күн өткеннен кейін толтырмаса жойылады.

Ескерту. 21-тармақ жаңа редакцияда - ҚР Еңбек және халықты әлеуметтік қорғау министрінің 01.04.2026 № 112 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Кодекстің 111-бабының 1-тармағында көрсетілген адамдардың арасынан субсидияланатын жұмыс орнына жұмысқа орналасқысы келетін үміткер Электрондық еңбек биржасындағы "жеке кабинеті" арқылы жұмыс беруші жариялаған бос орынға жауап жібереді.

Электрондық еңбек биржасына қолжетімділік болмаған кезде үміткер Электрондық еңбек биржасы арқылы өтініш беруге жәрдемдесу үшін мансап орталығына жүгінеді.

Мансап орталығы үміткерлерге өз-өзіне қызмет көрсету аймақтарында Электрондық еңбек биржасына қол жеткізуді қамтамасыз етеді, сондай-ақ қажетті консультациялық көмек көрсетеді.

ЗҚАИ-ның ескертпесі!
23-тармақтың бірінші бөлігі жаңа редакцияда көзделген - ҚР Еңбек және халықты әлеуметтік қорғау министрінің 01.04.2026 № 112 (12.07.2026 бастап қолданысқа енгізіледі) бұйрығымен.

Жауап жіберу кезінде субсидияланатын жұмыс орнына жұмысқа орналасуға үміткерге Қазақстан Республикасы Еңбек және халықты әлеуметтік қорғау министрінің 2021 жылғы 25 наурыздағы № 84 бұйрығымен (Нормативтік құқықтық актілерді мемлекеттік тіркеу тізілімінде № 22394 болып тіркелген) (бұдан әрі – № 84 бұйрық) бекітілген "Жұмыспен қамтуға жәрдемдесудің белсенді шараларына қатысуға жолдамалар беру" мемлекеттік қызметін көрсету қағидаларында бекітілген нысан бойынша жолдама беру туралы өтініш автоматты түрде қалыптастырылады. Өтінішке үміткер электрондық цифрлық қолтаңбамен қол қояды және "Еңбек нарығы" ААЖ арқылы мансап орталығына түседі.

Үміткер өтінішті жіберген күн мансап орталығы оны қабылдаған күн болып есептеледі. Егер үміткер өтінішті демалыс күні жіберсе, онда өтінімді жіберген күн демалыстан кейінгі жұмыс күні болып есептеледі.

Өтініштің келіп түскендігі туралы хабарлама үміткердің электрондық еңбек биржасындағы жеке кабинетіне жіберіледі.

ЗҚАИ-ның ескертпесі!
24-тармақтың бірінші абзацы жаңа редакцияда көзделген - ҚР Еңбек және халықты әлеуметтік қорғау министрінің 01.04.2026 № 112 (12.07.2026 бастап қолданысқа енгізіледі) бұйрығымен.

Мансап орталығы "Еңбек нарығы" ААЖ-да үміткердің өтініші келіп түскен күннен бастап бір жұмыс күнінен кешіктірмей:

1) үміткердің "Субсидияланатын жұмыс орындарының, субсидияланатын жұмыс орындарына жұмысқа орналастырылатын адамдарға қойылатын талаптардың, олардың жалақысын субсидиялау мөлшерлері мен мерзімдерінің тізбесін бекіту туралы" Қазақстан Республикасы Үкіметінің 2023 жылғы 15 маусымдағы №476 қаулысымен бекітілген субсидияланатын жұмыс орындарына жұмысқа орналастырылатын адамдарға қойылатын талаптарға сәйкестігін тексеруді;

2) № 84 бұйрықпен бекітілген "Жұмыспен қамтуға жәрдемдесудің белсенді шараларына қатысуға жолдамалар беру" мемлекеттік қызметін көрсету қағидаларында бекітілген нысан бойынша субсидияланатын жұмыс орнына үміткерді жұмысқа орналастыруға жолдама қалыптастырады.

Үміткер жұмыстан босаған сәтке дейін соңғы 6 (алты) ай ішінде еңбек қатынастарында тұрған жұмыс берушілерге субсидияланатын жұмыс орнына жолдама берілмейді.

Субсидияланатын жұмыс орнына жолдама жұмыс берушінің және үміткердің Электрондық еңбек биржасындағы жеке кабинеттеріне автоматты түрде түседі.

Ескерту. 24-тармаққа өзгеріс енгізілді - ҚР Еңбек және халықты әлеуметтік қорғау министрінің 01.04.2026 № 112 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Жұмыс беруші Электрондық еңбек биржасындағы жеке кабинетке жолдама келіп түскен күннен бастап 3 (үш) жұмыс күні ішінде субсидияланатын жұмыс орнына үміткерді жұмысқа орналастыру туралы немесе жұмысқа орналастырудан бас тарту туралы шешім енгізеді. Қажет болған жағдайда жұмыс беруші үміткермен әңгімелесу өткізеді, бұл туралы жұмыс беруші өзінің Электрондық еңбек биржасындағы жеке кабинетінде тиісті белгі қояды.
Үміткерді субсидияланатын жұмыс орнына жұмысқа қабылдаудан бас тарту үшін:

1) субсидияланатын жұмыс орындары бойынша бос орындардың болмауы;

2) үміткердің біліктілік талаптарына сәйкес келмеуі (әлеуметтік жұмыс орнына немесе "Күміс жас" жобасы бойынша жұмысқа орналасқысы келетін үміткерлер үшін);

3) жұмыс берушінің субсидияланатын жұмыс орындарын ұйымдастыруға қатысудан бас тартуы;

4) жұмыс берушінің қызметін тоқтата тұруы негіз болып табылады.

Субсидияланатын жұмыс орнына үміткерді жұмысқа орналастыру немесе жұмысқа орналастырудан бас тарту туралы жұмыс берушінің шешімі үміткердің Электрондық еңбек биржасындағы жеке кабинетіне түседі.

Үміткерді жұмысқа орналастырудан бас тартқан кезде жұмыс беруші Электрондық еңбек биржасындағы жеке кабинетінде бас тарту себебін көрсетеді.

Үміткер жұмыс берушінің жұмысқа орналастырудан бас тартуына шағымдануға құқылы.

Шағымды қарауды мансап орталығы жүргізеді.

ЗҚАИ-ның ескертпесі!
27-тармақтың үшінші абзацы жаңа редакцияда көзделген - ҚР Еңбек және халықты әлеуметтік қорғау министрінің 01.04.2026 № 112 (12.07.2026 бастап қолданысқа енгізіледі) бұйрығымен.

Мансап орталығы жұмыс берушінің үміткерді субсидияланатын жұмыс орнына жұмысқа қабылдаудан бас тарту себебін мемлекеттік органдардың ақпараттық жүйелерінен және (немесе) жұмыс берушіден 26-тармақтың 1), 3), және 4) тармақшаларында көзделген тиісті ақпартты алу арқылы тексереді.

Жұмыс берушінің үміткерді субсидияланатын жұмыс орнына жұмысқа орналастырудан негізсіз бас тарту фактісі анықталған кезде мансап орталығы осы факт анықталған күннен бастап үш жұмыс күні ішінде бос жұмыс орнын жояды.

Мансап орталығы шағымды қарап, мынадай:

1) жұмыс берушінің әрекетінің күшін жою және бос орынды жою туралы;

2) шағымды қанағаттандырусыз қалдыру туралы шешімдердің бірін шығарады.

Жұмыс беруші субсидияланатын жұмыс орнына үміткерді жұмысқа орналастыру туралы шешім қабылдаған кезде, мансап орталығы 1 (бір) жұмыс күні ішінде осы Қағидаларға 1-қосымшаға сәйкес нысан бойынша субсидияланатын жұмыс орнын ұйымдастыру туралы шартты (бұдан әрі – Шарт) қалыптастырады және еңбек мобильділігі орталығы мен жұмыс берушіге жібереді.

ЗҚАИ-ның ескертпесі!
28-тармақтың екінші бөлігі 12.07.2026 бастап қолданысқа енгізіледі - ҚР Еңбек және халықты әлеуметтік қорғау министрінің 01.04.2026 № 112 бұйрығымен (мәтін алып тасталды).

Мыналар:

1) үміткердің субсидияланатын жұмыс орнына жұмысқа орналасудан бас тартуы;

2) үміткерден жұмыссыз есебінен шығару;

3) жұмыс берушінің субсидияланатын жұмыс орындарын ұйымдастыруға қатысудан бас тартуы;

4) жұмыс берушінің қызметін тоқтата тұруы;

5) субсидияланатын жұмыс орындарын ұйымдастыруға қаржыландырудың болмауы;

      ЗҚАИ-ның ескертпесі!
      28-тармақтың үшінші бөліктің 6) тармақшасы 12.07.2026 бастап қолданысқа енгізіледі - ҚР Еңбек және халықты әлеуметтік қорғау министрінің 01.04.2026 № 112 бұйрығымен (мәтін алып тасталды).
      ЗҚАИ-ның ескертпесі!
      28-тармақтың төртінші бөлігі 12.07.2026 бастап қолданысқа енгізіледі - ҚР Еңбек және халықты әлеуметтік қорғау министрінің 01.04.2026 № 112 бұйрығымен (мәтін алып тасталды).
      Ескерту. 28-тармақ жаңа редакцияда - ҚР Еңбек және халықты әлеуметтік қорғау министрінің 01.04.2026 № 112 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Жұмыс беруші шартқа қол қойылғаннан кейін 5 (бес) жұмыс күні ішінде субсидияланатын жұмыс орнына үміткерді жұмысқа орналастырады және электрондық еңбек биржасындағы жеке кабинетте үміткермен еңбек шарты жасалғандығы туралы ақпарат енгізеді.

      ЗҚАИ-ның ескертпесі!
      29-тармақтың екінші және үшінші бөліктері 12.07.2026 бастап қолданысқа енгізіледі - ҚР Еңбек және халықты әлеуметтік қорғау министрінің 01.04.2026 № 112 бұйрығымен (мәтін алып тасталды).
      Ескерту. 29-тармақ жаңа редакцияда - ҚР Еңбек және халықты әлеуметтік қорғау министрінің 01.04.2026 № 112 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Жұмыс беруші жастар практикасына, "Алғашқы жұмыс орны" және (немесе) "Ұрпақтар келісімшарты" жобаларына қатысушыларға кәсіби білімін және жұмыс тәжірибесін беру үшін тәлімгер бекітеді.
Жұмыс беруші таратылған немесе жұмыс беруші осы Қағидаларды бұзған жағдайларда жұмыссыздар қалған мерзімі аяқталғанға дейін жұмыстарын басқа жұмыс берушіде жалғастырады.
Субсидияланатын жұмыс орындарындағы еңбек қызметін өз еркімен, дәлелсіз себеппен тоқтатқан жұмыссыздар ретінде есептен шығарылады және жұмыссыздар ретінде қайта тіркелген күннен бастап 3 (үш) ай өткен соң ғана жұмыспен қамтуға жәрдемдесудің белсенді шараларына қайта қатысады.
Мансап орталығы Қазақстан Республикасы Премьер-Министрінің орынбасары – Еңбек және халықты әлеуметтік қорғау министрінің 2023 жылғы 9 маусымдағы № 214 бұйрығымен (Нормативтік құқықтық актілерді мемлекеттік тіркеу тізілімінде № 32850 болып тіркелген) бекітілген Жұмыс іздеп жүрген адамдарды, жұмыссыздарды тіркеу және мансап орталықтары көрсететін еңбек делдалдығын жүзеге асыру қағидаларының 5-тарауына сәйкес субсидияланатын жұмыс орындарына қатысу аяқталғаннан кейін жұмыссыздарды тұрақты жұмыс орындарына жұмысқа орналастыруға жәрдемдеседі.

3-тарау. Субсидияланатын жұмыс орындарына орналасқан адамдардың еңбекақысын субсидиялау тәртібі

Субсидияланатын жұмыс орындарына орналасқан адамдардың жалақысын субсидиялау және экологиялық үстемеақыларды төлеу жергілікті бюджет қаражаты және (немесе) жұмыс берушілердің өтінімдері бойынша олардың қаражаты есебінен жүргізіледі.
Субсидияланатын жұмыс орындарына орналасқан адамдардың жалақысын жергілікті бюджет қаражаты есебінен субсидиялауды халықты әлеуметтік қорғау және жұмыспен қамту мәселелері жөніндегі жергілікті атқарушы орган жүзеге асырады.
Субсидияланатын жұмыс орындарына жұмысқа орналасқан адамдарға еңбекақы төлеу еңбек шарты негізінде Қазақстан Республикасының Еңбек кодексімен реттеледі.

36-1. Қоғамдық жұмыстарға қатысатын адамдардың жалақы мөлшерін халықты әлеуметтік қорғау және жұмыспен қамту мәселелері жөніндегі жергілікті атқарушы орган белгілейді.

Ескерту. 3-тарау 36-1-тармақпен толықтырылды - ҚР Еңбек және халықты әлеуметтік қорғау министрінің 01.04.2026 № 112 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Жалақының субсидияланатын бөлігін қоспағанда, әлеуметтік жұмыс орындарына және (немесе) "Күміс жас" жобасы бойынша жұмысқа орналасқан адамдарға еңбекақы төлеуді жұмыс беруші ай сайын нақты орындалған жұмыс уақыты үшін жүргізеді.

Бұл ретте жұмыс беруші әлеуметтік жұмыс орындарына және "Күміс жас" жобасы бойынша жұмысқа орналасқан адамдар үшін еңбек шартында белгіленген жалақы мөлшерін негізге ала отырып, салықтар мен әлеуметтік төлемдер төлеуді жүзеге асырады.

Жалақының субсидияланатын бөлігін төлеуді еңбек мобильділігі орталығы ай сайын жұмыс беруші ұсынған мәліметтердің негізінде "Азаматтарға арналған үкімет" мемлекеттік корпорациясы арқылы әлеуметтік жұмыс орындарына және (немесе) "Күміс жас" жобасы бойынша жұмысқа орналасқан адамдардың екінші деңгейдегі банкте ашылған ағымдағы (карточкалық) шоттарына ақшалай қаражатты аудару арқылы жүзеге асырады.

Төтенше жағдай жарияланған аумақта субсидияланатын жұмыс орындарына жұмысқа орналасқан адамдардың еңбегіне ақы төлеуді еңбек мобильділігі орталығы "Азаматтарға арналған үкімет" мемлекеттік корпорациясы арқылы ай сайын жұмыс берушілерден мәліметтерді талап етпей, субсидияланатын жұмыс орындарына жұмысқа орналасқан адамдардың ағымдағы (карточкалық) шоттарына ақша қаражатын аудару жолымен жүзеге асырады.

Орындалатын жұмыстың күрделілігіне қарай жұмыс беруші өз қаражаты есебінен, қажет болған жағдайда, нақты орындалған жұмыс үшін қосымша үстемеақылар белгілейді.

ЗҚАИ-ның ескертпесі!
39-тармақ жаңа редакцияда көзделген - ҚР Еңбек және халықты әлеуметтік қорғау министрінің 01.04.2026 № 112 (12.07.2026 бастап қолданысқа енгізіледі) бұйрығымен.

Қоғамдық жұмыстар, жастар практикасы, "Алғашқы жұмыс орны" және (немесе) "Ұрпақтар келісімшарты" жобалары шеңберінде субсидияланатын жұмыс орындарына жұмысқа орналасқан адамдарға жалақы төлеу (бұдан әрі – жалақы), сондай-ақ әлеуметтік жұмыс орындарына және (немесе) "Күміс жас" жобасы бойынша жұмысқа орналасқан адамдарға жалақының субсидияланатын бөлігін (бұдан әрі – жалақының субсидияланатын бөлігі) төлеу үшін еңбек мобильділігі орталығы "Еңбек нарығы" ААЖ-да ай сайын есепті айдан кейінгі айдың 1 (бірінші) күнінде жұмыс беруші Шартқа 1, 2 және (немесе) 3-қосымшаларға сәйкес нысан бойынша ұсынған мәліметтердің негізінде жалақының және (немесе) жалақының субсидияланатын бөлігінің мөлшерін көрсете отырып, субсидияланатын жұмыс орындарына жұмысқа орналастырылған адамдардың тізімін (бұдан әрі – тізім) қалыптастырады.

"Еңбек нарығы" ААЖ-да қалыптастырылған тізім автоматты түрде "ОДҚ" ААЖ-ға беріледі.

ЗҚАИ-ның ескертпесі!
40-тармақтың бірінші бөлігі жаңа редакцияда көзделген - ҚР Еңбек және халықты әлеуметтік қорғау министрінің 01.04.2026 № 112 (12.07.2026 бастап қолданысқа енгізіледі) бұйрығымен.

"Азаматтарға арналған үкімет" мемлекеттік корпорациясы "ОДҚ" ААЖ-ға тізім келіп түскен күннен бастап 3 (үш) жұмыс күні ішінде жалақы және (немесе) жалақының субсидияланатын бөлігін төлеуге қажеттілік сомасы туралы өтінімді қалыптастырады және оны еңбек мобильділігі орталығына жібереді.

Төлем айына қажеттілік қалыптасқаннан кейін пайда болған сомаларды еңбек мобильділігі орталығы жалақы және (немесе) жалақының субсидияланатын бөлігін төлеу кезеңін көрсете отырып, одан кейінгі айға енгізуге тиіс.

Еңбек мобильділігі орталығы өтінім келіп түскен күннен бастап 2 (екі) жұмыс күні ішінде, бірақ есепті айдан кейінгі айдың 5 (бесінші) күнінен кешіктірмей, "Азаматтарға арналған үкімет" мемлекеттік корпорациясына қажеттілікке сәйкес есепті айға жалақыны және (немесе) жалақының субсидияланатын бөлігін төлеуге арналған ақшалай қаражатты аударады.
"Азаматтарға арналған үкімет" мемлекеттік корпорациясы ақшалай қаражат түскеннен кейін 3 (үш) жұмыс күні ішінде, бірақ келесі айдың бірінші онкүндігінен кешіктірмей "Қазақстан Республикасының аумағында қолма-қол ақшасыз төлемдерді және (немесе) ақша аударымдарын жүзеге асыру қағидаларын бекіту туралы" Қазақстан Республикасы Ұлттық Банкі Басқармасының 2016 жылғы 31 тамыздағы № 208 қаулысымен (Нормативтік құқықтық актілерді мемлекеттік тіркеу тізілімінде № 14419 болып тіркелген) бекітілген нысан бойынша төлем тапсырмаларын қалыптастырады және субсидияланатын жұмыс орындарына жұмысқа орналастырылған адамдардың шоттарына жалақыны және (немесе) жалақының субсидияланатын бөлігін аударуды жүзеге асырады.

Екінші деңгейдегі банктер немесе банк қызметінің жеке түрлерін жүргізуге құқығы бар өзге қаржылық институттар төленген жалақының және (немесе) жалақының субсидияланатын бөлігінің сомасын қайтарған кезде "Азаматтарға арналған үкімет" мемлекеттік корпорациясы қайтарылған күннен бастап 1 (бір) жұмыс күні ішінде еңбек мобильділігі орталығына хабарлама жібереді.

ЗҚАИ-ның ескертпесі!
43-тармақ жаңа редакцияда көзделген - ҚР Еңбек және халықты әлеуметтік қорғау министрінің 01.04.2026 № 112 (12.07.2026 бастап қолданысқа енгізіледі) бұйрығымен.

Еңбек мобильділігі орталығы хабарлама келіп түскен күннен бастап 3 (үш) жұмыс күні ішінде қайтарудың себебін қарайды және "ОДҚ" ААЖ-ға мәліметтерді бере отырып, субсидияланатын жұмыс орындарына жұмысқа орналастырылған адамдардың шоттарына жалақыны және (немесе) жалақының субсидияланатын бөлігін қайта аудару үшін "Еңбек нарығы" ААЖ-ға өзгерістер енгізеді немесе қаражатты еңбек мобильділігі орталығына қайтару туралы шешім қабылдайды.
"Азаматтарға арналған үкімет" мемлекеттік корпорациясы:

1) ағымдағы айдың соңғы жұмыс күнінен кешіктірмей еңбек мобильділігі орталығына "Азаматтарға арналған үкімет" мемлекеттік корпорациясының шотына түскен жалақының және (немесе) жалақының субсидияланатын бөлігінің артық есептелген (төленген) сомаларын аударады;

2) есепті айдан кейінгі әрбір айдың 20-күнінен кешіктірмей еңбек мобильділігі орталығымен осы Қағидаларға 2-қосымшаға сәйкес жалақыны және (немесе) жалақының субсидияланатын бөлігін төлеуге арналған қаражаттар бойынша салыстыру актісіне қол қояды.

Жалақыны және (немесе) жалақының субсидияланатын бөлігін аударумен байланысты банктік қызметтерге ақы төлеу "Азаматтарға арналған үкімет" мемлекеттік корпорациясы мен еңбек мобильділігі орталығы арасында жасалатын шарт негізінде жергілікті бюджет қаражаты есебінен жүзеге асырылады.
Қоғамдық жұмыстар және (немесе) жастар практикасы шеңберінде субсидияланатын жұмыс орындарына жұмысқа орналастырылған адамдар үшін жеке табыс салығы мен әлеуметтік төлемдерді төлеуді еңбек мобильділігі орталығы жүргізеді.

	Субсидияланатын жұмыс орындарын ұйымдастыру және субсидияланатын жұмыс орындарына жұмысқа орналасқан адамдардың жалақысын субсидиялау қағидаларына 1-қосымша
	Нысан

Субсидияланатын жұмыс орындарын ұйымдастыру туралы № _______ шарт

Ескерту. 1-қосымшаның орыс тіліндегі мәтініне өзгеріс енгізіледі, қазақ тіліндегі мәтіні өзгермейді – ҚР Еңбек және халықты әлеуметтік қорғау министрінің 23.06.2026 № 266 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

_________________________________ _____________________

Жасалған орны Күні

Бұдан әрі "Тапсырыс беруші" деп аталатын ______________ облысының

(астананың, республикалық маңызы бар қаласының) еңбек мобильділігі орталығы

атынан __________________________________________ негізінде әрекет ететін

(ереже, жарғы және т.б)

__________________________________________ және бұдан әрі "Орындаушы"

(директордың тегі, аты, әкесінің аты (бар болса)

деп аталатын ________________________________________________________

(жұмыс берушінің толық атауы)

атынан __________________________________________ негізінде әрекет ететін

(ереже, жарғы және т.б)

____________________________________________________________________

(тегі, аты, әкесінің аты (бар болса), лауазымы)

бұдан әрі бірлесіп "Тараптар" деп аталып, Қазақстан Республикасы Әлеуметтік кодексінің (бұдан әрі – Кодекс) 111-бабының 3-тармағына сәйкес Электрондық еңбек биржасы арқылы субсидияланатын жұмыс орындарын ұйымдастыру туралы осы шартты (бұдан әрі – Шарт) жасасты және төмендегі туралы келісімге келді:

1-тарау. Шарттың мәні

1.1. Кодекстің 111-бабының 1-тармағында көрсетілген адамдардың уақытша жұмыспен қамтылуын қамтамасыз ету мақсатында оларға субсидияланатын жұмыс орындарын ұйымдастыру.

1.2. Шарттың жалпы сомасы ______________ теңгені құрайды.

(жазбаша)

1.3. Субсидияланатын жұмыс орындарына жұмысқа орналастырылатын адамдардың жалпы саны ______________ адамды құрайды.

(жазбаша)

2-тарау. Тараптардың міндеттемелері

2.1. Тапсырыс беруші:

1) Орындаушыдан Шарттың уақтылы және тиісінше орындалуын талап етуге;

2) Шарт талаптарының орындалуына барып мониторинг жасауға құқылы. Мониторинг нәтижелері Шарт талаптарының орындалуына барып монторинг жүргізу актілерімен рәсімделеді.

2.2. Орындаушы:

1) өз қаражаты есебінен адамдарға қосымша үстемеақы төлеуді жүргізуге;

2) мансап орталығымен келісім бойынша өз қаражаты есебінен қоғамдық жұмыстар және (немесе) жастар практикасы шеңберінде жұмысқа орналасқан адамдарға экологиялық үстемеақы төлеуді жүргізуге;

3) адамның талабы бойынша әлеуметтік жұмыс орнындағы жұмыстың нәтижесі жөнінде пікір (ұсыным хат) ұсынуға құқылы.

2.3. Тапсырыс беруші:

1) адамдарды олардың келісімімен Орындаушыға ____________________

(жазбаша)

адамды субсидияланатын жұмыс орындарына, оның ішінде:

- қоғамдық жұмыстар бойынша __________ адамды;

(жазбаша)

- жастар практикасы бойынша ______________ адамды;

(жазбаша)

- әлеуметтік жұмыс орындары бойынша ________________ адамды;

(жазбаша)

- "Алғашқы жұмыс орны" жобасы бойынша ________________ адамды;

(жазбаша)

- "Ұрпақтар келісімшарты" жобасы бойынша ________________ адамды;

(жазбаша)

- "Күміс жас" жобасы бойынша ____________________ адамды жұмысқа

(жазбаша)

орналасу үшін жіберуге;

2) ақпараттық жүйелердің көмегімен күн сайын жұмыссыздардың субсидияланатын жұмыс орындарына баруына мониторинг жүргізуге;

3) "Азаматтарға арналған үкімет" мемлекеттік корпорациясы арқылы жалақының субсидияланатын бөлігін әлеуметтік жұмыс орындарына және (немесе) "Күміс жас" жобасы бойынша жұмысқа орналасқан адамдардың ағымдағы (карточкалық) шоттарына уақтылы және толық көлемде аударуға;

4) Орындаушы ұсынған ай сайынғы мәліметтердің негізінде Еңбек кодексіне сәйкес қоғамдық жұмыстар, жастар практикасы, "Алғашқы жұмыс орны" және (немесе) "Ұрпақтар келісімшарты" жобалары шеңберінде жұмысқа орналасқан адамдарға "Азаматтарға арналған үкімет" мемлекеттік корпорациясы арқылы уақтылы және толық көлемде жалақы төлеуге;

5) Қазақстан Республикасының заңнамаларына сәйкес қоғамдық жұмыстар, жастар практикасы, "Алғашқы жұмыс орны" және (немесе) "Ұрпақтар келісімшарты" жобалары шеңберінде жұмысқа орналасқан адамдар үшін салықтар мен әлеуметтік төлемдер төлеуді жүргізуге;

6) Еңбек кодексіне сәйкес қоғамдық жұмыстар, жастар практикасы, "Алғашқы жұмыс орны" және (немесе) "Ұрпақтар келісімшарты" жобалары шеңберінде жұмысқа орналасқан адамдарға уақытша жұмысқа жарамсыздығы жөніндегі әлеуметтік жәрдемақы төлеуді уақтылы және толық көлемде жүргізуге;

7) субсидияланатын жұмыс орындарын қаржыландыруға бөлінген бюджет қаражатын нысаналы пайдаланылуына мониторинг жүргізуге;

8) Қазақстан Республикасының заңнамасына сәйкес Орындаушының әлеуметтік жұмыс орындарына және (немесе) "Күміс жас" жобасы шеңберінде жұмысқа орналасқан адамдарға салықтар мен әлеуметтік аударымдарды уақтылы төлеуіне ай сайын мониторинг жүргізуге;

9) жұмыспен қамтудың жеке картасында субсидияланатын жұмыс орынындағы жұмысы аяқталғаннан кейін (мерзімі аяқталғанға дейін) адамның субсидияланатын жұмыс орнына және тұрақты жұмысқа орналасуы туралы мәліметті көрсетуге міндеттенеді.

2.4. Орындаушы:

1) субсидияланатын жұмыс орындарын ұйымдастыру үшін жұмыс орындарын құруға:

2) Мансап орталығы жолдамасы бойынша жүгінген адамдарды субсидияланатын жұмыс орындарына жұмысқа орналастыруға;

3) Тапсырыс берушіні 5 (бес) жұмыс күні ішінде жұмысқа қабылдау немесе одан бас тарту туралы хабардар етуге;

4) Еңбек кодексіне сәйкес әрбір адаммен еңбек шартын жасасуға;

ЗҚАИ-ның ескертпесі!
5) тармақша жаңа редакцияда көзделген - ҚР Еңбек және халықты әлеуметтік қорғау министрінің 01.04.2026 № 112 (12.07.2026 бастап қолданысқа енгізіледі) бұйрығымен.

5) ақпараттық жүйелердің көмегімен күн сайын жұмыссыздардың субсидияланатын жұмыс орындарына баруына мониторинг жүргізуге;

6) әлеуметтік жұмыс орындарына және "Күміс жас" жобасы шеңберінде жұмысқа орналасқан адамдарға уақтылы және толық көлемде еңбекақы төлеуге;

7) Қазақстан Республикасының заңнамасына сәйкес әлеуметтік жұмыс орындарына және "Күміс жас" жобасы шеңберінде жұмысқа орналасқан адамдар үшін салықтар мен әлеуметтік төлемдерді төлеуді жүргізуге;

8) Еңбек кодексіне сәйкес әлеуметтік жұмыс орындарына немесе "Күміс жас" жобасы бойынша жұмысқа орналасқан адамдарға еңбекке уақытша жарамсыздығы жөніндегі әлеуметтік жәрдемақы төлеуді уақтылы және толық көлемде жүргізуге;

9) әрбір адамға қауіпсіздік техникасы бойынша нұсқама өткізуге;

10) қажетіне қарай адамды арнайы киіммен, құралдармен және жабдықтармен қамтамасыз етуге;

11) адамдарды Еңбек кодексіне сәйкес тиісті еңбек жағдайларымен қамтамасыз етуге;

12) еңбек міндеттерін атқару кезінде адамның денсаулығына зиян келтірілген жағдайда Еңбек кодексіне сәйкес зиянды өтеуге;

13) жасалған еңбек шартының мерзімі өткеннен кейін еңбек кітапшасына (бар болса) субсидияланатын жұмыс орынындағы жұмыс кезеңін енгізуге;

14) Тапсырыс берушіге Шартқа 1, 2 және (немесе) 3-қосымшаларға сәйкес нысан бойынша мәліметтерді есепті ай аяқталғанға дейін 5 (бес) жұмыс күні ішінде ұсынуға;

15) Тапсырыс берушіге Шарт бойынша міндеттемелердің орындалуына мониторингті жүзеге асыру үшін қажетті ақпаратты, құжаттарды және материалдарды толық көлемде ұсынуға;

16) субсидияланатын жұмыс орындарын ұйымдастырудың және субсидияланатын жұмыс орындарына жұмысқа орналасқан адамдардың жалақысын субсидиялаудың тәртібін бұзған және (немесе) "Алғашқы жұмыс орны", "Ұрпақтар келісімшарты" және (немесе) "Күміс жас" жобасы шеңберінде жұмысқа орналасқан адамдарды тұрақты жұмысқа қабылдаудан бас тартқан жағдайларда, адамдардың жалақысының субсидияланған бөлігін төлеуге жұмсаған мемлекеттің шығыстарын бюджетке өтеуге;

17) жастар практикасы және "Алғашқы жұмыс орны" жобасы шеңберінде жұмысқа орналасқан адамдарға кәсіби білімдері мен жұмыс тәжірибесін беру үшін тәжірибелі жұмыскерлердің арасынан тәлімгер тағайындауға;

18) "Ұрпақтар келісімшарты" жобасы шеңберінде жұмысқа орналасқан адамдарға Кодекстің 207-бабының 1-тармағында белгіленген зейнеткерлік жасқа жеткенге кемінде 6 (алты) ай қалған немесе зейнет жасындағы тәлімгер тағайындауға;

19) "Алғашқы жұмыс орны" жобасына қатысу мерзімі аяқталғаннан кейін жұмыссызды кемінде 12 (он екі) ай мерзімге тұрақты жұмыс орнына жұмысқа орналастыруға;

20) "Ұрпақтар келісімшарты" жобасына қатысу мерзімі аяқталғаннан кейін жұмыссызды Еңбек кодексінің 38-бабына сәйкес тәлімгердің бос жұмыс орнына немесе басқа бос орынға ауыстыруға;

21) "Күміс жас" жобасына қатысу мерзімі аяқталғаннан кейін Кодекстің 207-бабының 1-тармағында белгіленген зейнеткерлік жасқа толмаған адамды кемінде 1 жыл мерзімге, ал зейнеталды жастағы адамды зейнеткерлікке шыққанға дейін тұрақты жұмыс орнына жұмысқа орналастыруға;

22) Еңбек кодексіне сәйкес әлеуметтік жұмыс орындарына және "Күміс жас" жобасының шеңберінде жұмысқа орналастырылған адамдармен еңбек шартын тоқтатқан кезде өтемақы төлеуге;

23) Еңбек кодексінде көзделген тәртіппен еңбек шарттарын есепке алудың бірыңғай жүйесіне адаммен жасалған және тоқтатылған еңбек шарты туралы ақпаратты енгізуге;

24) бұндай адамдар болған кезде өткен күнтізбелік жылы субсидияланатын жұмыс орындарындағы жұмысын аяқтаған жұмыссыздардың кемінде 10%-ын тұрақты жұмыс орындарына жұмысқа орналастыруды қамтамасыз етуге (жеке меншік нысанындағы коммерциялық заңды тұлғалар, дара кәсіпкерлер, шаруа (фермер) қожалықтары және әлеуметтік кәсіпкерлер үшін) міндетті.

Ескерту. 2.4-тармаққа өзгеріс енгізілді - ҚР Еңбек және халықты әлеуметтік қорғау министрінің 01.04.2026 № 112 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

3-тарау. Еңбекақы төлеу

3.1. Жалақының субсидияланатын бөлігін қоспағанда, әлеуметтік жұмыс орындарына және (немесе) "Күміс жас" жобасы шеңберінде жұмысқа орналасқан адамдарға еңбекақы төлеуді Орындаушы Еңбек кодексіне сәйкес жүргізеді.

3.2. Қоғамдық жұмыстар, жастар практикасы, "Алғашқы жұмыс орны" және (немесе) "Ұрпақтар келісімшарты" жобалары шеңберінде жұмысқа орналасқан адамдарға субсидиялау мерзімі аяқталғанға дейін еңбекақы төлеуді Орындаушы мәліметтерінің негізінде Тапсырыс беруші "Азаматтарға арналған үкімет" мемлекеттік корпорациясы арқылы жүргізеді.

4-тарау. Тараптардың жауапкершілігі

4.1. Орындаушының Шарт бойынша өз міндеттемелерін не толығымен, не ішінара басқа біреуге беруіне жол берілмейді.

4.2. Орындаушы субсидияланатын жұмыс орындарын ұйымдастырудың және қаржыландырудың белгіленген тәртібін бұзған жағдайда, Шарт бұзушылық анықталған күннен бастап күнтізбелік 15 (он бес) күн ішінде бұзылуға тиіс.

Шарт талаптары бірінің бастамасы бойынша бұзылуы мүмкін, бұл туралы екінші тарапты кемінде бір ай бұрын хабардар етуге міндетті.

4.3. Шарттың қолданылу мерзімінің аяқталуы Тараптарды осы мерзім аяқталғанға дейін болған заң бұзушылықтар үшін жауаптылықтан босатпайды.

5-тарау. Еңсерілмейтін күш жағдайлары

5.1. Тараптар Шарт талаптарын, егер ол Форс-мажорлық жағдайлардың нәтижесі болып табылса, орындамағаны үшін жауаптылықта болмайды.

5.2. Шарттың мақсаты үшін "форс-мажор" Тараптардың бақылауына көнбейтін және күтпеген сипатқа ие оқиғалар. Мұндай оқиғалар өртті, жер сілкінуін, су тасқынын, апатты жағдайларды және әскери әрекеттерді қамтуы мүмкін.

5.3. Форс-мажорлық жағдайлар туындаған кезде Орындаушы 2 (екі) жұмыс күні ішінде Тапсырыс берушіге мұндай жағдайлар және олардың себептері туралы жазбаша хабарлама жібереді.

Егер Тапсырыс берушіден өзге жазбаша нұсқаулықтар түспесе, Орындаушы орындылығына қарай Шарт бойынша өз міндеттемелерін орындауды жалғастырады және форс-мажорлық жағдайларға тәуелді емес Шартты орындаудың балама көздерін іздейді.

5.4. Егер жоғарыда көрсетілген мән-жайлар күнтізбелік 30 (отыз) күннен артық жалғасатын болса, онда Тараптардың әрқайсысы Шарт бойынша міндеттемелерді одан әрі орындаудан бас тартуға құқылы және бұл жағдайда Тараптардың ешқайсысының басқа тараптан ықтимал шығындарды өтеуді талап етуге құқығы жоқ.

6-тарау. Дауларды шешу тәртібі

6.1. Тапсырыс беруші мен Орындаушы тікелей келіссөздер процесінде араларында Шарт немесе соған байланысты туындаған барлық даулар мен келіспеушіліктерді шешуге барлық күштерін салуға тиіс.

6.2. Егер мұндай келіссөздерден кейін Тапсырыс беруші мен Орындаушы Шарт бойынша дауды шеше алмаса, онда тараптың кез келгені Қазақстан Республикасының заңнамаларына сәйкес осы мәселенің шешілуін талап ете алады.

7-тарау. Өзге де жағдайлар

7.1. Шарт бірдей заңды күші бар қазақ және орыс тілдерінде қалыптастырылды және Электрондық еңбек биржасы арқылы жасалды.

7.2. Бір тарап екінші тарапқа жіберетін кез келген хабарлама пошта байланысы немесе Электрондық еңбек биржасы арқылы жіберіледі. Осы күндердің қайсысы кейін туындайтынына қарай хабарлама ол жеткізілгеннен кейін немесе күшіне ену көрсетілген күні (егер хабарламада көрсетілсе) күшіне енеді.

7.3. Шартқа өзгерістер және (немесе) толықтырулар жасалған Шарттың нысанында қосымша келісіммен рәсімделеді.

Орындаушы таңдауының негізі болып табылатын шарттардың өзгермеуі талаптарында жасалған Шартқа өзгерістер енгізу:

1) Шарт бойынша жұмыс орындары санының ұлғаюы;

2) Шарт бойынша жұмыссыздар санының ұлғаюы бөлігінде міндетті.

Егер жұмыс беруші әлеуметтік жұмыс орынына біліктілік талаптарына сәйкес келмеу себебі бойынша мансап орталығының жолдамасы бойынша жұмысқа орналасу үшін жүгінген адамдардың арасынан кандидатты таба алмаса, онда Тапсырыс беруші Шартқа өзгерістер енгізбей-ақ, жұмыс берушінің өтінімі бойынша әлеуметтік жұмыс орнының кәсібін (мамандығын) өзгертуі мүмкін.

7.4. Егер қаржы жылы ішінде бюджеттен субсидияланатын жұмыс орындарын қаржыландыру көлемі азайса, онда Тапсырыс беруші Шарт бойынша міндеттемелерді одан әрі орындаудан бас тартуға құқылы және бұл жағдайда бір Тарап екінші Тараптан ықтимал шығындарды өтеуді талап етуге құқылы емес. Тапсырыс беруші кемінде 2 (екі) ай бұрын Орындаушыға бюджеттен субсидияланатын жұмыс орындарын қаржыландыру көлемінің азайғаны туралы хабарлама жібереді және бұл жағдайда Шартқа өзгерістер және (немесе) толықтырулар енгізілмейді.

8-тарау. Шарттың қолданылу мерзімі

8.1. Осы Шарттың қолданылу мерзімі 20_ жылғы _ __ бастап 20_ жылғы _ _ дейін.

8.2. Осы Шарт қол қойылған күнінен бастап немесе оны Қазақстан Республикасының заңнамасына сәйкес Қазақстан Республикасы Қаржы министрлігінің аумақтық қазынашылық бөлімшелерінде тіркегеннен кейін күшіне енеді.

Тараптардың заңды мекенжайлары:

Тапсырыс беруші

Жұмыс беруші

______________________ облысының (астананың,

республикалық маңызы бар қаланың) еңбек мобильділігі

орталығы

__________________________________

заңды мекенжайы: _________________

ЖСК _____________________________

БСК _____________________________

БСН (ЖСН) _______________________

Коды ____________________________

_________________________________

(Тегі, аты, әкесінің аты (бар болса)

_____________________________ (қолы)

_____________________________________

_____________________________________ (жұмыс берушінің атауы)

__________________________________

заңды мекенжайы: ____________________

нақты мекенжайы: ____________________

ЖСК ________________________________

БСК ________________________________

БСН (ЖСН) __________________________

Коды _______________________________

_____________________________________

(Тегі, аты, әкесінің (қолы) аты (бар болса))

__________________________________ (қолы)

Аталған құжат "Электрондық құжат және электрондық цифрлық қолтаңба туралы" Қазақстан Республикасының Заңы 7-бабының 1-тармағына сәйкес қағаз жеткізгіштегі қол қойылған құжатпен бірдей.

Субсидияланатын жұмыс
орындарын ұйымдастыру
туралы шартқа 1-қосымша

Нысан

Әкімшілік деректерді жинауға арналған нысан

Ұсынылады: мансап орталықтарына

Әкімшілік деректердің нысаны интернет-ресурста орналастырылған: www.enbek.gov.kz

Әкімшілік дереккөздер нысанының атауы: Субсидияланатын жұмыс орындарының іске асырылу барысы туралы мәліметтер

Әкімшілік деректерді өтеусіз негізде жинауға арналған нысанның индексі (нысан атауының қысқаша әріптік-цифрлық көрінісі): СЖОА – 1

Кезеңділік: ай сайын

Есепті кезең: 20__ жылдың ________ айы

Әкімшілік деректерді өтеусіз негізде жинауға арналған нысанды ұсынатын адамдар тобы: жұмыс берушілер

Әкімшілік деректерді өтеусіз негізде жинауға арналған нысанды ұсыну мерзімі: есепті айдың 25-і күніне қарай

ЖСН/БСН

(деректерді жеке адамдар ұсынған жағдайда, сондай-ақ агрегатталған түрде толтырылмайды)

Жинау әдісі: электронды түрде

Кесте

Жұмыс берушінің атауы	Субсидияланатын жұмыс орны түрінің атауы	Мансап орталығының жолдамасы бойынша жұмысқа орналасу үшін жүгінген адамдардың саны	Субсидияланатын жұмыс орнына жұмысқа орналасқан адамдардың саны	Субсидияланатын жұмыс орындарында жұмысын аяқтаған адамдардың саны	Субсидияланатын жұмыс орындарында жұмысын мерзімінен бұрын аяқтаған адамдар
1	2	3	4	5	6

Кестенің жалғасы:

Әртүрлі себеппен субсидияланатын жұмыс орындарында жұмысын аяқтаған адамдар саны
еңбек заңнамасын бұзу	өз еркі бойынша	сырқат-тану	Қазақстан Республикасы Қарулы күштерінің шұғыл қызметіне шақырту алу	жұмысқа орналасу	қайтыс болу	жүктілік, босану, бала күтімі бойынша демалысы	тұрақты мекен –жайды ауыстыру	өзге себептер
7	8	9	10	11	12	13	14	15

Атауы _______________________________________________________

Мекенжайы __________________________________________________

Телефоны ___________________________________________________

Электрондық пошта мекенжайы ________________________________

Орындаушы: ________________________________ ________________

(Тегі, аты, әкесінің аты (бар болса) (қолы)

Басшы немесе қол қоюға уәкілетті адам:

_____________________________________ ________________

(Тегі, аты, әкесінің аты (бар болса) (қолы)

Күні: 20__ жылғы "___"_____________

Мөрдің орны (бар болса)

"Субсидияланатын жұмыс
орындарының іске асырылу
барысы туралы мәліметтер"
әкімшілік деректерін
жинауға арналған
нысанға қосымша

"Субсидияланатын жұмыс орындарының іске асырылу барысы туралы мәліметтер" әкімшілік деректерінің нысанын толтыру бойынша түсіндірме

1-тарау. Жалпы ережелер

Осы түсіндірме "Субсидияланатын жұмыс орындарының іске асырылу барысы туралы мәліметтер" нысанын (бұдан әрі – Нысан) толтыру бойынша бірыңғай талаптарды айқындайды.
Нысанды жұмыс берушілер толтырады және мансап орталықтарына ұсынады.
Нысанға білім беру ұйымының басшысы не оның міндетін атқарушы адам, оның тегі мен аты-жөні көрсетіле отырып қол қояды.
Нысан есепті айдан кейінгі айдың 1-күніне қарай ұсынылады.
Нысан қазақ және орыс тілдерінде толтырылады.

2-тарау. Нысанды толтыру бойынша түсіндірме

Нысанның 1-бағанында жұмыс берушінің атауы көрсетіледі.
Нысанның 2-бағанында субсидияланатын жұмыс орны түрінің атауы көрсетіледі.
Нысанның 3-бағанында мансап орталығының жолдамасы бойынша жұмысқа орналасу үшін жүгінген адамдардың саны көрсетіледі.
Нысанның 4-бағанында субсидияланатын жұмыс орнына жұмысқа орналасқан адамдардың саны көрсетіледі.
Нысанның 5-бағанында субсидияланатын жұмыс орындарында жұмысын аяқтаған адамдардың саны көрсетіледі.
Нысанның 6-бағанында субсидияланатын жұмыс орындарында жұмысын мерзімінен бұрын аяқтаған адамдардың саны көрсетіледі.
Нысанның 7-бағанында еңбек заңнамасын бұзу себебімен субсидияланатын жұмыс орындарында жұмысын мерзімінен бұрын аяқтаған адамдардың саны көрсетіледі.
Нысанның 8-бағанында өз еркімен субсидияланатын жұмыс орындарында жұмысын мерзімінен бұрын аяқтаған адамдардың саны көрсетіледі.
Нысанның 9-бағанында сырқатына байланысты субсидияланатын жұмыс орындарында жұмысын мерзімінен бұрын аяқтаған адамдардың саны көрсетіледі.
Нысанның 10-бағанында Қазақстан Республикасы Қарулы күштерінің мерзімді әскери қызметіне шақырту алу себебі бойынша субсидияланатын жұмыс орындарында жұмысын мерзімінен бұрын аяқтаған адамдардың саны көрсетіледі.
Нысанның 11-бағанында жұмысқа орналасу себебі бойынша субсидияланатын жұмыс орындарында жұмысын мерзімінен бұрын аяқтаған адамдардың саны көрсетіледі.
Нысанның 12-бағанында қайтыс болу себебі бойынша субсидияланатын жұмыс орындарында жұмысын мерзімінен бұрын аяқтаған адамдардың саны көрсетіледі.
Нысанның 13-бағанында жүктілік, босану, бала күтімі бойынша демалыста болу себебі бойынша субсидияланатын жұмыс орындарында жұмысын мерзімінен бұрын аяқтаған адамдардың саны көрсетіледі.
Нысанның 14-бағанында тұрақты мекенжайдың ауысуына байланысты субсидияланатын жұмыс орындарында жұмысын мерзімінен бұрын аяқтаған адамдардың саны көрсетіледі.
Нысанның 15-бағанында басқа да себептер бойынша субсидияланатын жұмыс орындарында жұмысын мерзімінен бұрын аяқтаған адамдардың саны көрсетіледі.

Субсидияланатын жұмыс
орындарын ұйымдастыру
туралы шартқа 2-қосымша

Нысан

Әкімшілік деректерді жинауға арналған нысан

Ескерту. 2-қосымшаның орыс тіліндегі мәтініне өзгеріс енгізіледі, қазақ тіліндегі мәтіні өзгермейді – ҚР Еңбек және халықты әлеуметтік қорғау министрінің 23.06.2026 № 266 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Ұсынылады: мансап орталықтарына

Әкімшілік деректердің нысаны интернет-ресурста орналастырылған: www.enbek.kz

Әкімшілік дереккөздер нысанының атауы: Әлеуметтік жұмыс орындары және (немесе) "Күміс жас" жобасы шеңберінде субсидияланатын жұмыс орындарына жұмысқа орналасқан адамдар туралы мәліметтер

Әкімшілік деректерді өтеусіз негізде жинауға арналған нысанның индексі (нысан атауының қысқаша әріптік-цифрлық көрінісі): СЖОЖ – 2

Кезеңділік: ай сайын

Есепті кезең: 20__ жылдың ________ айы

Әкімшілік деректерді өтеусіз негізде жинауға арналған нысанды ұсынатын адамдар тобы: жұмыс берушілер

Әкімшілік деректерді өтеусіз негізде жинауға арналған нысанды ұсыну мерзімі: есепті айдың 25-і күніне қарай

ЖСН/БСН

(деректерді жеке адамдар ұсынған жағдайда, сондай-ақ агрегатталған түрде толтырылмайды)

Жинау әдісі: электронды түрде

Кесте

№ р/с	Жұмыс берушінің атауы	Жұмыс берушінің бизнес-сәйкестендіру нөмірі немесе жеке сәйкестендіру нөмірі	Жұмыссыздың тегі, аты, әкесінің аты (бар болса)	Жұмыссыздың жеке сәйкестендіру нөмірі
1	2	3	4	5

Кестенің жалғасы

Айдағы жұмыс күндерінің саны	Нақты жұмыс істеген күндері	Уақытша жұмысқа жарамсыздық күндері	Еңбек шартына сәйкес жалақының мөлшері, теңге	Жалақының субсидияланатын бөлігінің сомасы, теңге
6	7	8	9	10

Атауы _______________________________________________________

Мекенжайы __________________________________________________

Телефоны ___________________________________________________

Электрондық пошта мекенжайы ________________________________

Орындаушы: ________________________________ ________________

(Тегі, аты, әкесінің аты (бар болса) (қолы)

Басшы немесе қол қоюға уәкілетті адам:

_____________________________________ ________________

(Тегі, аты, әкесінің аты (бар болса) (қолы)

Күні: 20__ жылғы "___"_____________

Мөрдің орны (бар болса)

"Әлеуметтік жұмыс орындары
және (немесе) "Күміс жас"
жобасы шеңберінде
субсидияланатын жұмыс
орындарына жұмысқа
орналасқан адамдар туралы
мәліметтер" әкімшілік
деректерін жинауға арналған
нысанға қосымша

"Әлеуметтік жұмыс орындары және (немесе) "Күміс жас" жобасы шеңберінде субсидияланатын жұмыс орындарына жұмысқа орналасқан адамдар туралы мәліметтер" әкімшілік деректерінің нысанын толтыру бойынша түсіндірме

1-тарау. Жалпы ережелер

Осы түсіндірме "Әлеуметтік жұмыс орындары және (немесе) "Күміс жас" жобасы шеңберінде субсидияланатын жұмыс орындарына жұмысқа орналасқан адамдар туралы мәліметтер" нысанын (бұдан әрі – Нысан) толтыру бойынша бірыңғай талаптарды айқындайды.
Нысанды жұмыс берушілер толтырады және мансап орталықтарына ұсынады.
Нысанға бірінші басшы не оның міндетін атқарушы адамның тегі мен аты-жөнін көрсете отырып, қол қояды.
Нысан есепті айдың 25-күніне қарай ұсынылады.
Нысан мемлекеттік және орыс тілдерінде толтырылады.

2-тарау. Нысанды толтыру бойынша түсіндірме

Нысанның 1-бағанында реттік нөмір көрсетіледі.
Нысанның 2-бағанында жұмыс берушінің атауы көрсетіледі.
Нысанның 3-бағанында жұмыс берушінің бизнес-сәйкестендіру нөмірі немесе жеке сәйкестендіру нөмірі көрсетіледі.
Нысанның 4-бағанында әлеуметтік жұмыс орнына немесе "Күміс жас" жобасы шеңберінде жұмысқа орналасқан жұмыссыздың тегі, аты, әкесінің аты (бар болса) көрсетіледі.
Нысанның 5-бағанында әлеуметтік жұмыс орнына немесе "Күміс жас" жобасы шеңберінде жұмысқа орналасқан жұмыссыздың жеке сәйкестендіру нөмірі көрсетіледі.
Нысанның 6-бағанында есепті айдағы жұмыс күндерінің саны көрсетіледі.
Нысанның 7-бағанында әлеуметтік жұмыс орнына немесе "Күміс жас" жобасы шеңберінде жұмысқа орналасқан жұмыссыздың есепті айда нақты істеген жұмыс күндері көрсетіледі.
Нысанның 8-бағанында әлеуметтік жұмыс орнына немесе "Күміс жас" жобасы шеңберінде жұмысқа орналасқан жұмыссыздың жұмысқа уақытша жарамсыздық күндерінің саны көрсетіледі.
Нысанның 9-бағанында әлеуметтік жұмыс орнына немесе "Күміс жас" жобасы шеңберінде жұмысқа орналасқан жұмыссыздың еңбек шартына сәйкес жалақысының мөлшері көрсетіледі.
Нысанның 10-бағанында жалақының субсидияланатын бөлігінің сомасы көрсетіледі.

Субсидияланатын жұмыс
орындарын ұйымдастыру
туралы шартқа 3-қосымша

Нысан

Ұсынылады: мансап орталықтарына

Әкімшілік деректерді өтеусіз негізде жинауға арналған нысан интернет – ресурста орналастырылған: www.enbek.kz

Әкімшілік нысанының атауы: Қоғамдық жұмыстар, жастар практикасы, "Алғашқы жұмыс орны" және (немесе) "Ұрпақтар келісімшарты" жобалары шеңберінде субсидияланатын жұмыс орындарына жұмысқа орналасқан адамдар туралы мәліметтер

Әкімшілік деректерді өтеусіз негізде жинауға арналған нысанның индексі (нысан атауының қысқаша әріптік-цифрлық көрінісі): ҚЖЖП – 3

Кезеңділік: ай сайын

Есепті кезең: 20__ жылдың ________ айы

Әкімшілік деректерді өтеусіз негізде жинауға арналған нысанды ұсынатын адамдар тобы: жұмыс берушілер

Әкімшілік деректерді өтеусіз негізде жинауға арналған нысанды ұсыну мерзімі: есепті айдың 25-і күніне қарай

ЖСН/БСН

(деректерді жеке адамдар ұсынған жағдайда, сондай-ақ агрегатталған түрде толтырылмайды)

Жинау әдісі: электронды түрде

Кесте

№ р/с	Жұмыс берушінің атауы	Жұмыс берушінің бизнес-сәйкестендіру нөмірі немесе жеке сәйкестендіру нөмірі	Адамның тегі, аты, әкесінің аты (бар болса)
1	2	3	4

Кестенің жалғасы

Адамның жеке сәйкестендіру нөмірі	Айдағы жұмыс күндерінің саны	Нақты жұмыс істеген күндері	Жұмысқа уақытша жарамсыздық күндері
5	6	7	8

Атауы _______________________________________________________

Мекенжайы __________________________________________________

Телефоны ___________________________________________________

Электрондық пошта мекенжайы ________________________________

Орындаушы: ________________________________ ________________

(Тегі, аты, әкесінің аты (бар болса) (қолы)

Басшы немесе қол қоюға уәкілетті адам:

_____________________________________ ________________

(Тегі, аты, әкесінің аты (бар болса) (қолы)

Күні: 20__ жылғы "___"____________________.

Мөрдің орны (бар болса)

	"Қоғамдық жұмыстар, жастар практикасы, "Алғашқы жұмыс орны" және (немесе) "Ұрпақтар келісімшарты" жобалары шеңберінде субсидияланатын
	жұмыс орындарына жұмысқа орналасқан адамдар туралы мәліметтер" әкімшілік деректерін жинауға арналған нысанға қосымша

"Қоғамдық жұмыстар, жастар практикасы, "Алғашқы жұмыс орны" және (немесе) "Ұрпақтар келісімшарты" жобалары шеңберінде субсидияланатын жұмыс орындарына жұмысқа орналасқан адамдар туралы мәліметтер" әкімшілік деректерінің нысанын толтыру бойынша түсіндірме

1-тарау. Жалпы ережелер

Осы түсіндірме "Қоғамдық жұмыстар, жастар практикасы, "Алғашқы жұмыс орны" және (немесе) "Ұрпақтар келісімшарты" жобалары шеңберінде субсидияланатын жұмыс орындарына жұмысқа орналасқан адамдар туралы мәліметтер" нысанын (бұдан әрі – Нысан) толтыру бойынша бірыңғай талаптарды айқындайды.
Нысанды жұмыс берушілер толтырады және мансап орталықтарына ұсынады.
Нысанға бірінші басшы не оның міндетін атқарушы адамның тегі мен аты-жөнін көрсете отырып, қол қояды.
Нысан есепті айдың 25-күніне қарай ұсынылады.
Нысан мемлекеттік және орыс тілдерінде толтырылады.

2-тарау. Нысанды толтыру бойынша түсіндірме

Нысанның 1-бағанында реттік нөмір көрсетіледі.
Нысанның 2-бағанында жұмыс берушінің атауы көрсетіледі.
Нысанның 3-бағанында жұмыс берушінің бизнес-сәйкестендіру нөмірі немесе жеке сәйкестендіру нөмірі көрсетіледі.
Нысанның 4-бағанында субсидияланатын жұмыс орнына жұмысқа орналасқан адамның тегі, аты, әкесінің аты (бар болса) көрсетіледі.
Нысанның 5-бағанында субсидияланатын жұмыс орнына жұмысқа орналасқан адамның жеке сәйкестендіру нөмірі көрсетіледі.
Нысанның 6-бағанында есепті айдағы жұмыс күндерінің саны көрсетіледі.
Нысанның 7-бағанында субсидияланатын жұмыс орнына жұмысқа орналасқан адамның есепті айда нақты істеген жұмыс күндері көрсетіледі.
Нысанның 8-бағанында субсидияланатын жұмыс орнына жұмысқа орналасқан адамның жұмысқа уақытша жарамсыздық күндерінің саны көрсетіледі.

	Субсидияланатын жұмыс орындарын ұйымдастыру және
	субсидияланатын жұмыс орындарына жұмысқа орналасқан адамдардың жалақысын субсидиялау қағидаларына 2-қосымша

Нысан

Қоғамдық жұмыстар, жастар практикасы, "Алғашқы жұмыс орны" және (немесе) "Ұрпақтар келісімшарты" жобалары шеңберінде субсидияланатын жұмыс орындарына жұмысқа орналасқан адамдарға жалақы төлеуге арналған қаражат, сондай-ақ әлеуметтік жұмыс орындарына жұмысқа орналасқан адамдарға және (немесе) "Күміс жас" жобасы бойынша жалақының субсидияланатын бөлігі бойынша салыстыру актісі 20__ жылғы______ ай

Жол коды	Еңбек мобильділігі орталығының БСН	Түскен трансферттердің төлем тапсырмасының №	Келіп түскен трансферттердің төлем тапсырмасының күні	Сомасы, теңге
1	2	3	4	5

Барлығы:_______________________________________. (сомасы жазбаша)

Еңбек мобильділігі орталығы	"Азаматтарға арналған үкімет" мемлекеттік корпорациясы
заңды мекенжайы: _____________ ЖСК ________________________ БСК _________________________ БСН (ЖСН) ___________________ Код __________________________ _____________________________ (Тегі, аты, әкесінің (қолы) аты (бар болса) __________________________ (қолы)	заңды мекенжайы: _______________ ЖСК ___________________________ БСК ___________________________ БСН (ЖСН) _____________________ Код ____________________________ _______________________________ (Тегі, аты, әкесінің (қолы) аты (бар болса) _____________________________ (қолы)
		Қазақстан Республикасы Премьер-Министрінің орынбасары - Еңбек және халықты әлеуметтік қорғау министрі 2023 жылғы 30 маусымдағы № 275 бұйрыққа 2-қосымша

Қазақстан Республикасы Денсаулық сақтау және әлеуметтік даму министрлігі мен Қазақстан Республикасы Еңбек және халықты әлеуметтік қорғау министрлігінің күші жойылған кейбір бұйрықтары мен кейбір бұйрықтарының құрылымдық элементтерінің тізбесі

"Халықты жұмыспен қамтуға жәрдемдесудің кейбір мәселелері туралы" Қазақстан Республикасы Денсаулық сақтау және әлеуметтік даму министрінің 2016 жылғы 14 маусымдағы № 516 бұйрығы (Нормативтік құқықтық актілерді мемлекеттік тіркеу тізілімінде № 13938 болып тіркелген).
"Қазақстан Республикасы Денсаулық сақтау және әлеуметтік даму министрінің кейбір бұйрықтарына өзгерістер енгізу және Қазақстан Республикасы Денсаулық сақтау және әлеуметтік даму министрінің кейбір бұйрықтарының күші жойылды деп тану туралы" Қазақстан Республикасы Еңбек және халықты әлеуметтік қорғау министрінің 2017 жылғы 14 ақпандағы № 8 бұйрығымен (Нормативтік құқықтық актілерді мемлекеттік тіркеу тізілімінде № 14863 болып тіркелген) бекітілген Қазақстан Республикасы Денсаулық сақтау және әлеуметтік даму министрінің өзгерістер енгізілетін кейбір бұйрықтарының тізбесінің 3-тармағы.
"Қазақстан Республикасы Денсаулық сақтау және әлеуметтік даму министрінің кейбір бұйрықтарына өзгерістер мен толықтыру енгізу туралы" Қазақстан Республикасы Еңбек және халықты әлеуметтік қорғау министрінің 2018 жылғы 14 маусымдағы № 242 бұйрығымен (Нормативтік құқықтық актілерді мемлекеттік тіркеу тізілімінде № 17194 болып тіркелген) бекітілген Қазақстан Республикасы Денсаулық сақтау және әлеуметтік даму министрінің өзгерістер мен толықтырулар енгізілетін кейбір бұйрықтарының тізбесінің 6-тармағы.
"Қазақстан Республикасы Денсаулық сақтау және әлеуметтік даму министрінің "Жұмыс күшінің ұтқырлығын арттыру үшін адамдардың ерікті түрде қоныс аудару қағидаларын бекіту туралы" 2016 жылғы 14 маусымдағы № 515 және "Халықты жұмыспен қамтуға жәрдемдесудің кейбір мәселелері туралы" 2016 жылғы 14 маусымдағы № 516 бұйрықтарына өзгерістер мен толықтырулар енгізу туралы" Қазақстан Республикасы Еңбек және халықты әлеуметтік қорғау министрі міндетін атқарушының 2019 жылғы 4 қаңтардағы № 5 бұйрығы. (Нормативтік құқықтық актілерді мемлекеттік тіркеу тізілімінде № 18161 болып тіркелген).
"Қазақстан Республикасы Денсаулық сақтау және әлеуметтік даму министрінің кейбір бұйрықтарына өзгерістер енгізу туралы" Қазақстан Республикасы Еңбек және халықты әлеуметтік қорғау министрінің 2019 жылғы 27 наурыздағы № 146 бұйрығымен (Нормативтік құқықтық актілерді мемлекеттік тіркеу тізілімінде № 18446 болып тіркелген) бекітілген Қазақстан Республикасы Денсаулық сақтау және әлеуметтік даму министрінің өзгерістер енгізілетін кейбір бұйрықтарының тізбесінің 4-тармағы.
"Қазақстан Республикасы Денсаулық сақтау және әлеуметтік даму министрінің кейбір бұйрықтарына өзгерістер енгізу туралы" Қазақстан Республикасы Еңбек және халықты әлеуметтік қорғау министрінің 2019 жылғы 26 тамыздағы № 461 бұйрығымен (Нормативтік құқықтық актілерді мемлекеттік тіркеу тізілімінде № 19289 болып тіркелген) бекітілген Қазақстан Республикасы Денсаулық сақтау және әлеуметтік даму министрінің өзгерістер енгізілетін кейбір бұйрықтарының тізбесінің 2-тармағы.
"Қазақстан Республикасы Денсаулық сақтау және әлеуметтік даму министрінің мен Қазақстан Республикасы Денсаулық сақтау және әлеуметтік даму министрі міндетін атқарушының кейбір бұйрықтарына өзгерістер мен толықтырулар енгізу туралы" Қазақстан Республикасы Еңбек және халықты әлеуметтік қорғау министрінің 2020 жылғы 12 маусымдағы № 226 бұйрығымен (Нормативтік құқықтық актілерді мемлекеттік тіркеу тізілімінде № 20854 болып тіркелген) бекітілген Қазақстан Республикасы Денсаулық сақтау және әлеуметтік даму министрінің мен Қазақстан Республикасы Денсаулық сақтау және әлеуметтік даму министрі міндетін атқарушының өзгерістер мен толықтырулар енгізілетін кейбір бұйрықтарының тізбесінің 3-тармағы.
"Қазақстан Республикасы Еңбек және халықты әлеуметтік қорғау министрінің және Қазақстан Республикасы Денсаулық сақтау және әлеуметтік даму министрі міндетін атқарушының кейбір бұйрықтарына өзгерістер енгізу туралы" Қазақстан Республикасы Еңбек және халықты әлеуметтік қорғау министрінің 2021 жылғы 16 наурыздағы № 78 бұйрығымен (Нормативтік құқықтық актілерді мемлекеттік тіркеу тізілімінде № 22354 болып тіркелген) бекітілген Қазақстан Республикасы Еңбек және халықты әлеуметтік қорғау министрінің және Қазақстан Республикасы Денсаулық сақтау және әлеуметтік даму министрі міндетін атқарушының өзгерістер енгізілетін кейбір бұйрықтарының тізбесінің 12-тармағы.
""Халықты жұмыспен қамтуға жәрдемдесудің кейбір мәселелері туралы" Қазақстан Республикасы Денсаулық сақтау және әлеуметтік даму министрінің 2016 жылғы 14 маусымдағы № 516 бұйрығына өзгерістер мен толықтырулар енгізу туралы" Қазақстан Республикасы Еңбек және халықты әлеуметтік қорғау министрі міндетін атқарушының 2022 жылғы 7 ақпандағы № 46 бұйрығы (Нормативтік құқықтық актілерді мемлекеттік тіркеу тізілімінде № 26748 болып тіркелген).
""Халықты жұмыспен қамтуға жәрдемдесудің кейбір мәселелері туралы" Қазақстан Республикасы Денсаулық сақтау және әлеуметтік даму министрінің 2016 жылғы 14 маусымдағы № 516 бұйрығына өзгерістер енгізу туралы" Қазақстан Республикасы Еңбек және халықты әлеуметтік қорғау министрінің 2022 жылғы 26 мамырдағы № 178 бұйрығы (Нормативтік құқықтық актілерді мемлекеттік тіркеу тізілімінде № 28258 болып тіркелген).
"Қазақстан Республикасы Денсаулық сақтау және әлеуметтік даму министрінің және Қазақстан Республикасы Еңбек және халықты әлеуметтік қорғау министрінің және Қазақстан Республикасы Денсаулық сақтау және әлеуметтік даму министрінің міндетін атқарушының кейбір бұйрықтарына өзгерістер енгізу туралы" Қазақстан Республикасы Еңбек және халықты әлеуметтік қорғау министрінің 2022 жылғы 14 қыркүйектегі № 367 бұйрығымен (Нормативтік құқықтық актілерді мемлекеттік тіркеу тізілімінде № 29707 болып тіркелген) бекітілген Қазақстан Республикасы Денсаулық сақтау және әлеуметтік даму министрінің, Қазақстан Республикасы Еңбек және халықты әлеуметтік қорғау министрінің және Қазақстан Республикасы Еңбек және Қазақстан Республикасы Денсаулық сақтау және әлеуметтік даму министрінің міндетін атқарушының өзгерістер енгізілетін кейбір бұйрықтарының тізбесінің 3-тармағы.
""Халықты жұмыспен қамтуға жәрдемдесудің кейбір мәселелері туралы" Қазақстан Республикасы Денсаулық сақтау және әлеуметтік даму министрінің 2016 жылғы 14 маусымдағы № 516 бұйрығына өзгерістер енгізу туралы" Қазақстан Республикасы Еңбек және халықты әлеуметтік қорғау министрінің 2022 жылғы 28 қазандағы № 442 бұйрығы (Нормативтік құқықтық актілерді мемлекеттік тіркеу тізілімінде № 30397 болып тіркелген).
""Халықты жұмыспен қамтуға жәрдемдесудің кейбір мәселелері туралы" Қазақстан Республикасы Денсаулық сақтау және әлеуметтік даму министрінің 2016 жылғы 14 маусымдағы № 516 бұйрығына өзгерістер енгізу туралы" Қазақстан Республикасы Еңбек және халықты әлеуметтік қорғау министрінің 2022 жылғы 29 желтоқсандағы № 535 бұйрығы (Нормативтік құқықтық актілерді мемлекеттік тіркеу тізілімінде № 31463 болып тіркелген).
""Халықты жұмыспен қамтуға жәрдемдесудің кейбір мәселелері туралы" Қазақстан Республикасы Денсаулық сақтау және әлеуметтік даму министрінің 2016 жылғы 14 маусымдағы № 516 бұйрығына өзгерістер енгізу туралы" Қазақстан Республикасы Еңбек және халықты әлеуметтік қорғау министрінің 2023 жылғы 29 наурыздағы № 97 бұйрығы (Нормативтік құқықтық актілерді мемлекеттік тіркеу тізілімінде № 32194 болып тіркелген).
"Қазақстан Республикасы Денсаулық сақтау және әлеуметтік даму министрінің кейбір бұйрықтарына өзгерістер енгізу туралы" Қазақстан Республикасы Еңбек және халықты әлеуметтік қорғау министрінің 2023 жылғы 30 наурыздағы № 98 бұйрығымен (Нормативтік құқықтық актілерді мемлекеттік тіркеу тізілімінде № 32196 болып тіркелген) бекітілген Қазақстан Республикасы Денсаулық сақтау және әлеуметтік даму министрінің өзгерістер енгізілетін кейбір бұйрықтарының тізбесінің 5-тармағы.

Дата публикации

28 августа 2026