Ең төменгі жеткіліктілік шегі – бұл алынбайтын және салымшының БЖЗҚ-дағы зейнетақы шотында қалуы тиіс зейнетақы жинақтарының ең төменгі қажетті сомасы.
Мысалы, Сіз 37 жастасыз және зейнетақы жинақтарының сомасы 5 000 000 теңгені құрайды.
37 жастағы адамдар үшін 2021 жылы жеткіліктілік шегі 3 130 000 теңге мөлшерінде белгіленген.
5 000 000 – 3 130 000 = 1 870 000 теңге, яғни 3 130 000 теңге зейнетақы шотында қалуы тиіс, ал 1 870 000 теңгені Сіз тұрғын үй жағдайларын жақсарту, емделу ақысын төлеу мақсаттарына пайдалануға немесе жеке басқарушы компанияларға сенімгерлік басқаруға аударуға құқығыңыз бар.
Зейнетақы жинақтарының жеткіліктілік шегі әлеуметтік-экономикалық көрсеткіштердің өзгеруін ескеріле отырып, жыл сайын қайта есептелетін болады. Сіз мерзімінен бұрын пайдалануға қолжетімді соманы enpf.kz сайтындағы немесе ENPF мобильді қосымшасындағы Жеке кабинет арқылы біле аласыз.