2022 жылғы 20 қарашаға тағайындалған Қазақстан Республикасы Президентінің кезектен тыс сайлауын әзірлеу және өткізу шеңберінде Астана қалалық сайлау комиссиясының төрағасы Бақыт Бектемісова ҮЕҰ өкілдерімен, әлеуметтік қызмет көрсету қызметкерлерімен қозғалуы қиын, есту, көру қабілеті нашар мүгедектердің алдағы сайлауға қатысуы мәселелері бойынша тренинг өткізді.
Қазақстан Республикасы мүгедектерінің белсенді және пассивті сайлау құқықтарын жүзеге асырудың негізгі мәселелері, көру және есту қабілеті шектеулі адамдардың дауыс беру ерекшеліктері, мүгедектер үшін кедергісіз ортаны қамтамасыз ету бойынша жергілікті атқарушы органдардың міндеттері, өз учаскесін табу жөніндегі серверлердің жұмысы туралы сөз қозғалды, қойылған сұрақтарға жауаптар берілді.