Елордалық Қазақстан халқы Ассамблеясының қызметі этносаралық негіздегі қақтығыстардың алдын алу бойынша жүйелі және кешенді жұмыстар жүргізуге, түрлі жастағы халықтың барлық санаттарын тарта отырып, этносаралық келісімді нығайтуға бағытталған.
Қала Ассамблеясы жанында қоғамдық құрылымдар: қоғамдық келісім кеңесі, аналар кеңесі, ғылыми-сараптамалық топ, «Жаңғыру жолы» жастар қозғалысының қалалық штабы, журналистер клубы, ақсақалдар кеңесі жұмыс істейді. «Парасат» қайырымдылық қызметін үйлестіру орталығы. Сонымен қатар, 10 этнолингвистикалық орталықтар (жексенбілік мектептер) жұмыс істейді, онда балалар (660-тан астам адам) ана тілдерін, халық дәстүрлері мен әдет-ғұрыптарын үйренеді. Шығармашылық ұжымдардың 25 көркемдік жетекшісі шығармашылық әлеуетті дамытуды қамтамасыз етеді. Осы құралымдардың барлығы мемлекеттің ұлттық саясатын іске асыруға әр түрлі жастағы және қызмет түріндегі белсенді жұртшылықты тартуды қамтамасыз етеді.
Достық үйінде этномәдени бірлестіктердің әлеуетін дамыту үшін қажетті жағдайлар жасалған. Карантин жағдайында жұмыстың жаңа түрлерін енгізу мақсатында ANK LIVE тікелей эфир студиясы ашылды, онда республикалық және халықаралық жобалар жүзеге асырылады: брифингтер, шығармашылық және дискуссиялық кездесулер, конференциялар, тақырыптық роликтер түсіру.