Астана қаласының Экономика және бюджеттік жоспарлау басқармасының жеке және заңды тұлғалардың өтініштері бойынша ақпараты
Астана қаласының Экономика және бюджеттік жоспарлау басқармасында (бұдан әрі – Басқарма) жеке және заңды тұлғалардың өтініштерімен жұмыс Қазақстан Республикасының Әкімшілік рәсімдік-процестік кодексіне (бұдан әрі – Кодекс) сәйкес жүзеге асырылады.
2023 жылғы 1 қаңтардан 2023 жылғы 30 маусым аралығында Басқармаға заңды және жеке тұлғалардан 16 өтініш келіп түсті.
Жеке және заңды тұлғалардың өтініштері «e-Otinish» Азаматтардың барлық өтініштерін қабылдау мен өңдеудің бірыңғай платформасында тіркеледі, орындалу мерзімі Кодекске сәйкес белгіленеді.
Келіп түскен өтініштердің сипаты:
- қаржыландыру және бюджет мәселелері;
- экономика және бюджет, сондай-ақ бухгалтерия және т.б. бойынша семинарлар;
- қайырымдылық;
- жалпы сұрақтар.
Барлық өтініштер бойынша Қазақстан Республикасының қолданыстағы заңнамасына сәйкес жазбаша түсініктемелер уақытылы берілді.
Өтініштер бойынша қайталанған және жасырын өтініштер мен шағымдар түскен жоқ. Белгіленген мерзімдерді бұза отырып орындалған өтініштер жоқ.
Азаматтардың өтініштерімен жұмыстың құрамдас бөліктерінің бірі Басқарма басшылығының жеке және заңды тұлғалар өкілдерін жеке қабылдауы болып табылады. 2023 жылдың 1 жартыжылдығы кезеңінде басшылықтың жеке қабылдауына тіркелген азаматтар болған жоқ.