enpf.kz – Қордың ресми сайтында сіз төмендегі ақпараттармен таныса аласыз:
✅ Қор туралы жалпы ақпарат;
✅ статистикалық көрсеткіштер және инвестициялық қызметтің нәтижелері;
✅ зейнетақы жинақтарын жеке басқару мүмкіндіктері;
✅ Қазақстанның және басқа елдердің зейнетақы жүйесі;
✅ Зейнетақы жарналары мен БЖЗҚ-дан төленетін төлемдер туралы ақпарат;
✅ БЖЗҚ қызмет көрсету кеңселерінің мекенжайлары;
✅ Қормен, оның ішінде өңір бойынша кезекші қызметкерлердің нөмірлерімен байланыс мүмкіндіктері;
✅ жиі қойылатын сұрақтарға жауаптар және басқалар.
Сайтта сондай-ақ, Қордың 10-нан астам қызметін онлайн режимінде алу мүмкіндігі бар екеніне назарларыңызды аударамыз.
Жеке кабинетте келесі қызметтер қолжетімді:
🔸 жеке зейнетақы шотының (ЖЗШ) бар екені туралы анықтама алу;
🔸 ЖЗШ-дан үзінді көшірме алу;
🔸 зейнетақы төлемдерін тағайындау туралы өтініш беру;
🔸 зейнетақы жинақтарын инвестициялық портфельді басқарушыға сенімгерлік басқаруға аудару;
🔸 деректемелерге өзгерістер және (немесе) толықтырулар енгізу;
🔸 зейнетақы калькуляторы;
🔸 зейнетақы шартының «телнұсқасын» алу;
🔸 төлемдер / аударымдар туралы өтініштің мәртебесін бақылау;
🔸 «Интернет арқылы» ақпараттандыру тәсілін таңдау (өзгерту).
Жеке кабинетке ЭЦҚ немесе ЖСН мен құпиясөзді қолдану арқылы кіруге болады (егер сізде «Интернет арқылы» хабарлау тәсілі таңдалған жағдайда).
⁉ Авторландырусыз келесі электрондық қызметтерді пайдалануға болады:
🔹 төлем құжаттарын алдын ала тексеру;
🔹 бетпе-бет қызмет көрсету кезегін брондау;
🔹 өтініш жіберу;
🔹 халықтың әлеуметтік осал топтары үшін көшпелі қызмет көрсетуге өтінім беру;
🔹 ЖЗШ-нан үзінді көшірмені e-mail арқылы алу (егер сізде ақпараттандыру тәсілі таңдалған болса «электрондық пошта арқылы»);
🔹 зейнетақы калькуляторын пайдалану;
🔹 кері қоңырауға тапсырыс беру.
БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. 2016 жылғы 1 қаңтардан бастап зейнетақы активтерін басқару тиімділігін арттыру бойынша ұсыныстар жасау қызметі Қазақстан Республикасының Президенті басшылық ететін Ұлттық қорды басқару кеңесіне берілді. Зейнетақы заңнамасына сәйкес БЖЗҚ міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, зейнетақы төлемдерін, зейнетақы жинақтары мен төлемдерін жеке есепке алуды жүзеге асырады, салымшыға (алушыға) зейнетақы жинақтарының жай-күйі туралы ақпарат береді (толығырақ www.enpf.kz сайтында).