Әлеуметтік маңызы бар азық-түлік тауарларына бағаларды тұрақтандыру
тетіктерін іске асыруды қамтамасыз ету комиссия туралы ереже
- Жалпы ережелер
- Әлеуметтік маңызы бар азық-түлік тауарларына бағаларды тұрақтандыру тетіктерін іске асыруды қамтамасыз ету комиссия (бұдан әрі – Комиссия) туралы ереже Комиссияның қызметін және қалыптастыру тәртібін айқындайды.
- Әлеуметтік маңызы бар азық-түлік тауарларына (бұдан әрі – ӘМАТ) бағаларды тұрақтандыру тетіктерін іске асыруды қамтамасыз ету уақтылы және сапалы қалыптастыру мен пайдалануды Нұр-Сұлтан қаласы әкімдігінің жанынан құрылған консультативтік-кеңесші орган болып табылады.
- Комиссия өз қызметін Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы, «Агроөнеркәсіптік кешенді және ауылдық аумақтарды дамытуды мемлекеттік реттеу туралы» 2005 жылғы 8 шілдедегі заңдарына, Қазақстан Республикасы Ауыл шаруашылығы министрінің
2019 жылғы 29 шілдедегі № 280 бұйрығына «Әлеуметтік маңызы бар азық-түлік тауарларына бағаларды тұрақтандыру тетіктерін іске асырудың үлгілік қағидаларын бекіту туралы», сондай-ақ Ережеге сәйкес жүзеге асырылады.
- Комиссияны қалыптастыру тәртібі
- Комиссияның құрамы Нұр-Сұлтан қаласы әкімдігі құрылымдық бөлімшелерінің қызметкерлерінен, жеке кәсіпкерлік субъектілері бірлестіктерінің және қоғамдық ұйымдардың өкілдерінен қалыптастырылады. Комиссия мүшелерінің үштен екісі жеке кәсіпкерлік субъектілері бірлестіктерінің және қоғамдық ұйымдардың өкілдері болып табылады.
- Комиссия төрағадан, төраға орынбасарынан, хатшыдан және Комиссия мүшелерінен тұрады.
- Комиссия хатшысы Комиссия мүшесі болып табылмайды.
- Комиссия мүшелерінің жалпы саны тақ және 9 (тоғыз) адамнан кем болмауы тиіс.
- Комиссия қызметінің тәртібі
- Комиссия мынадай функцияларды жүзеге асырады:
1) әлеуметтік маңызы бар азық-түлік тауарларына бағаларды тұрақтандыру тетіктерін іске асыру туарлы шешім қабылданады;
2) азық-түлік тауарлырының тұрақтандыру қорына сатып алынатын азық-түлік тауарларының тізбесін және олар бойынша шекті сауда үстемесін айқындайды;
3) қарыз беру үшін кәсіпкерлік субъектісін айқындайды;
4) мамандандырылған ұйымның әлеуметтің маңызы бар азық-түлік тауарларына шекті сауда үстемесін айқындау жөніндегі ұсыныстарын қарайды;
- Комиссия Нұр-Сұлтан қаласының әкіміне (бұдан әрі – әкім) сатып алынатын азық-түлік тауарларының тізбесін және олар бойынша шекті сауда үстемесін бекіту туралы ұсынымдар енгізеді.
- Әкім Комиссияның ұсынымдары негізінде сатып алынатын азық-түлік тауарларының тізбесін және шекті сауда үстемесін бекітеді.
- Қарыз беру үшін кәсіпкерлік субъектілерін Комиссия белгіленген кәсіпкерлік субъектілеріне қойылатын талаптарға (өлшемшарттарға) сәйкес айқындайды.
- Комиссия мүшелері:
1) Комиссия отырысына енгізілетін материалдарды сұратуға;
2) Комиссия отырысына енгізілетін материалдарды талқылауға қатысуға;
3). ауыл шаруашылығы саласындағы тиісті мамандарды не тәуелсіз сарапшыларды тартуды құқылы.
- Комиссияның жұмыс органы – «Нұр-Сұлтан қаласының Инвестициялар және кәсіпкерлікті дамыту басқармасы» мемлекеттік мекемесі болып табылады.
- Комиссияның жұмысын ұйымдастырушылық-техникалық қамтамасыз етуі Қомиссияның жұмыс органы жүзеге асырады.
- Комиссия төрағасы Комиссияның жұмысына басшылықты жүзеге асырады, Комиссия отырысының күн тәртібін бекітеді, қажет болған жағдайда оның отырысын шақырады.
Комиссия төрағасы болмаған жағдайда оның функцияларын орынбасары орындайды.
- Комиссия қызметін тоқтату
- Комиссияның қызметін тоқтату үшін Нұр-Сұлтан қаласы әкімдігінің қаулысы негіздеме болып табылады.
________________________