«БЖЗҚ» АҚ өз салымшылары мен алушыларын Алматы қаласындағы Шевченко көшесі, 80- ші үйде орналасқан филиалдың, сонымен қатар Есік, Қапшағай, Қаскелең, Өтеген батыр, Талғар қалаларындағы және Ұзынағаш ауылындағы Алматы қаласына іргелес қызмет көрсету орталықтарының 2022 жылдың 12 қаңтарынан бастап жұмысы қайта жанданғанын хабардар етеді.
Сондай-ақ, өңірдегі жағдайдың жалпы тұрақтануын ескере отырып, Қызылорда облысындағы қызмет көрсету кеңселері де тікелей қызмет көрсетуге кірісті.
Қазақстан Республикасының бүкіл аумағында төтенше жағдай енгізілуіне байланысты, 2022 жылдың 19 қаңтарына дейін салымшыларға/алушыларға кеңседе қызмет көрсету және байланыс орталығының жұмыс уақыты сағат 09:00-ден 16:00-ге дейін жүзеге асырылады.
БЖЗҚ қызметтері аймақтардың ғаламторға қосылуына байланысты онлайн форматта қолжетімді.
Зейнетақы жинақтарының сақталуын, қауіпсіздігін және үздіксіз есепке алынуын қамтамасыз ету үшін БЖЗҚ-ның барлық ішкі ресурстары мен инфрақұрылымы штаттық тәртіпте жұмыс істейді.
БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. 2016 жылғы 1 қаңтардан бастап зейнетақы активтерін басқару тиімділігін арттыру бойынша ұсыныстар жасау қызметі Қазақстан Республикасының Президенті басшылық ететін Ұлттық қорды басқару кеңесіне берілді. Зейнетақы заңнамасына сәйкес БЖЗҚ міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, зейнетақы төлемдерін, зейнетақы жинақтары мен төлемдерін жеке есепке алуды жүзеге асырады, салымшыға (алушыға) зейнетақы жинақтарының жай-күйі туралы ақпарат береді (толығырақ www.enpf.kz сайтында).