Астана қаласының әкімдігімен Мемлекеттік басшысының тапсырмасын орындау аясында, коммуналдық заңды тұлғаларды оңтайландыру бойынша жұмыстарды жалғастыруда.
Астана қаласы әкімінің 2020 жылғы 3 қыркүйектегі өкімімен Астана қаласының квазимемлекеттік сектор субъектілерін оңтайландыру жөніндегі комиссия құрылды.
Қазіргі күні, елорданың квазисекторына 371 заңды тұлға кіреді: 143 мемлекеттік мекемелер, 122 жедел басқару құқығындағы мемлекеттік коммуналдық кәсіпорындар, 78 шаруашылық жүргізу құқығындағы мемлекеттік коммуналдық кәсіпорындар, 7 акционерлік қоғамдар, 21 жауапкершілігі шектеулі серіктестіктер.
2020-2021 жылдарда Астана қаласының квазимемлекеттік секторын оңтайландыру аясында, 11 заңды тұлғаны қайта ұйымдастыру және тарату жүргізілді, қорытындысы бойынша 7 заңды тұлға қысқартылды.
2022 жылы 2 заңды тұлға таратылды.
Квазимемлекеттік сектор қызметкерлерін қысқарту жөніндегі Мемлекет басшысының 2020 жылғы 1 қыркүйектегі Қазақстан халқына Жолдауында берген тапсырмасын орындау барысында, 2021 жылы әлеуметтік саладан басқа, 92 бірлік әкімшілік-басқарушы персонал қысқартылды.
Аталған бағытта жұмыстар жалғасатын болады.
«Астана қаласының
Активтер және мемлекеттік
сатып алу басқармасы» ММ
басшысының орынбасары
Амрина А.М.