Астана қаласының коммуналдық мүлкін есепке алу аясында «Астана қаласының Активтер және мемлекеттік сатып алу басқармасы» мемлекеттік мекемесі мынадай функцияларды жүзеге асырады: бюджет қаражаты есебінен салынған мүлікті Астана қаласының коммуналдық меншігіне қабылдауды және оны коммуналдық заңды тұлғаларға бекітуді жүзеге асыру; мемлекеттік заңды тұлғаларға бекітілген мемлекеттік мүлікті мемлекеттік мүліктің бір түрінен екінші түріне қабылдауды және беруді жүзеге асыру; коммуналдық меншікке берілетін мемлекеттік емес заңды тұлғалар мен жеке тұлғалардың мүлкі бойынша сыйға тарту шартын жасасу туралы шешім қабылдау; жекешелеген негіздер бойынша коммуналдық меншікке берілген (түскен) мүлікті есепке алу, сақтау, бағалау және одан әрі пайдалану жөніндегі жұмыстарды қабылдау және ұйымдастыру туралы шешім қабылдау; коммуналдық мүлікті пайдалануға бақылауды жүзеге асыру; коммуналдық мүлікті жауапкершілігі шектеулі серіктестіктің жарғылық капиталына беру немесе акционерлік қоғамның акцияларын төлеу туралы шешім қабылдау.