ЕЗЖ есебінен зейнетақы жинақтары бар азаматтарға БЖЗҚ-дан төленетін зейнетақы төлемдерiне құқығы туындайды:
1) елу жасқа толған;
2) мүгедек болып табылатын;
3) ҚР шегінен тысқары жерлерге тұрақты тұруға кететiн немесе кеткен шетелдіктер мен азаматтығы жоқ адамдардың, Қазақстан Республикасының заңнамасында айқындалған, кету ниетiн немесе дерегiн растайтын құжаттарды ұсынған;
4) БЖЗҚ-дағы және (немесе) ерікті жинақтаушы зейнетақы қорындағы ерікті зейнетақы жарналары мен оларға есептелген инвестициялық кіріс сомалары шегінде кемінде бес жыл зейнетақы жинақтары бар азаматтар.
Ерікті зейнетақы жарналарын (ЕЗЖ) міндетті зейнетақы жарналарымен (МЗЖ) шатастырмау маңызды. Ерікті зейнетақы жарналары – салымшының ерікті бастамасы бойынша БЖЗҚ-ға өз пайдасына немесе үшінші тұлғалардың пайдасына аударатын қаражаты болып табылады.
Салымшы тұрақты негізде жүргізетін ЕЗЖ сомалары уақыт өте келе өзінің зейнетақы жинақтарын, оның ішінде зейнетақы шотындағы жинақ сомасына күн сайын есептелетін инвестициялық табысты алу есебінен ұлғайтуға мүмкіндік беретінін атап өтеміз.