Ағымдағы жылдың 26-шы қазанында, "Нұр-Сұлтан қаласының Қалалық орта сапасы және бақылау басқармасы" ММ мәжіліс залында "Темекі өнімдерін сатуға және жарнамалауға тыйым салу" тақырыбында «Дөңгелек үстел» өтті.
«Дөңгелек үстелдің» мақсаты, темекі өнімдерін сатуды болдырмау және темекі шегушілер мен темекі шегуден бас тартуға тырысатындар арасында темекі өнімдерін импульсивті сатып алуды ынталандыру үшін темекі өнімдерін сауда желілерінде ашық орналастыруға және көрсетуге тыйым салуға байланысты мәселелер бойынша шешімдерді талқылау болып табылады.
Іс-шараға, "Нұр-Сұлтан қаласының Қалалық орта сапасы және бақылау басқармасы" ММ басшысы - Досқұлов Дәулет Боранбайұлы, "Nur Otan" партиясының "Ұлт денсаулығы" қоғамдық кеңесі төрағасының орынбасары - Садықова Жамиля Жеңісқызы және "Нұр-Сұлтан қаласының Инвестициялар және кәсіпкерлікті дамыту басқармасы" ММ басшысының орынбасары - Ермолдина Гүлмира Тілеубайқызы қатысты.
Д.Б.Досқұлов іс-шараның барысында, біздің Басқарма өз құзыретінің шеңберінде осы саладағы ҚР заңнамасы нормалары талаптарының мүлтіксіз сақталуын тұрақты бақылауға алынғанын атап өтті.
"Дөңгелек үстелдің" аясында "Nur Otan" партиясының "Ұлт денсаулығы" қоғамдық кеңесі төрағасының орынбасары Садықова Жамиля Жеңісқызы және "Нұр-Сұлтан қаласының Инвестициялар және кәсіпкерлікті дамыту басқармасы" ММ басшысының орынбасары - Ермолдина Гүлмира Тілеубайқызы сөз сөйледі.
Айта кетейік, "Халық денсаулығы және денсаулық сақтау жүйесі туралы" заңға (ҚР Кодексі) сәйкес келесі талаптар қарастырылуда:
- темекі бұйымдарын, оның ішінде қыздырылатын темекісі бар бұйымдарды, кальянға арналған темекіні, кальян қоспасын, темекіні қыздыруға арналған жүйелерді, электрондық тұтыну жүйелері мен оларға арналған сұйықтықтарды салып және ашық көрсете отырып сатуға тыйым салынады;
- сатылатын темекі өнімдерінің тізбесі бағаны көрсете отырып, қара-ақ мәтін түрінде параққа орналастырылуға тиіс, бейнелерсіз (әріптер міндетті түрде ақ түсте қара түсті болуы тиіс. Тізім әліпбилік тәртіппен жасалады);
- темекі өнімдерін сатып алушыға тізіммен танысқаннан кейін оның талабы бойынша көрсете алатынын ескертеміз.
Бүгінгі күнде, темекі өнімдерін өндірушілер мен олардың ірі жеткізушілері барлық қызмет көрсетілетін сату нүктелерін арнайы жабдықпен (темекі өнімдерін бүркемелеу үшін жабылатын бокстармен) жабдықтады.
Темекі бұйымдарының жекелеген саудасындағы сатылу кезіндегі тауар туралы ақпарат бағасы көрсетіліп, сатылатын өнімнің тізбесін орналастыру арқылы сатып алушыға жеткізілуі тиіс. Сондай-ақ, өнімді көрсету сатып алушылардың талабы бойынша жүзеге асырылады.
Бұл заң, халық арасындағы импульсті сатып алудың айтарлықтай төмендеуіне, балалар мен жасөспірімдердің темекіге деген қызығушылығының төмендеуіне әкеледі. Темекі өнімдері аздау түрінде танымал болады.