Нұр-Сұлтан қаласының аумағында қараусыз қалған малды жаю фактісі анықталған кезде Жергілікті полиция қызметі басқармасы, Қазақстан Республикасы Ауыл шаруашылығы министрлігінің Нұр-Сұлтан қаласы бойынша ветеринариялық бақылау және қадағалау комитеті аумақтық инспекциямен және астананың аудандық әкімдіктерімен бірлесіп, жануарлардың меншік иесін Әкімшілік құқық бұзушылық туралы Қазақстан Республикасы Кодексінің 406, 408-баптары бойынша әкімшілік жауапкершілікке тарту жөнінде комиссиялық шешім қабылдайтынын хабарлаймыз.
Жануар иесінің жеке басы және мән-жайлар анықталғанға дейін қараусыз қалған ауыл шаруашылығы жануарлары Нұр-Сұлтан қаласы, Алаш тас жолы, 72 мекенжайы бойынша ұсталатын болады.
Жануарларды иесiне қайтарған кезде жануарларды бағып келген адам сол жануар иесiнен жануарларды бағуға байланысты шығындарын өтеп алуға құқылы.
Бұл шаралар қараусыз қалған жануарлардың қатысуымен болатын жол-көлік оқиғаларының, сондай-ақ мал ұрлықтары мен ұрланған малды заңсыз өткізудің алдын алуға мүмкіндік береді.
Барлық қызықтыратын сұрақтарыңыз бойынша мына телефондарға хабарласуларыңызға болады: 8(7172)55-68-96, 8(7172)28-59-70.