Қазақстан Республикасының Еңбек кодексіне сәйкес, Қазақстан Республикасының еңбек заңнамасы саласындағы мемлекеттік бақылауды мемлекеттік еңбек инспекторлары тексеру нысанында жүргізеді.
Бұл ретте тексеру Қазақстан Республикасының Кәсіпкерлік кодексінің 145 -бабының 1 -тармағына сәйкес мемлекеттік органмен тексеруді тағайындау туралы актінің негізінде жүзеге асырылады.
Еңбек қақтығыстарының алдын алуға және елордада тұрақты әлеуметтік жағдайды сақтауға әсер ететін маңызды факторлардың бірі - жалақының уақытылы болуы, жұмысшыларға еңбек жағдайының жасалуы және жұмыс орындарының сақталуы.
Мемлекеттік еңбек инспекторлары Нұр-Сұлтан қаласының Кәсіподақ орталығымен бірлесіп, жұмыс орындарын сақтау, жалақы бойынша берешектерді болдырмау, еңбек дауларының алдын алу және оларды шешу, оның ішінде қала кәсіпорындарында жалақысы төмен жұмыскерлердің жалақысын арттыру бөлігінде Қазақстан Республикасы Еңбек заңнамасының нормаларын түсіндіре отырып, еңбек ұжымдарымен және ұйымдардың басшылығымен тұрақты кездесулер өткізеді.
Еңбек заңнамасының бұзылуының алдын алу мақсатында әлеуметтік желілерде еңбек заңнамасының талаптарын бұзу мәселесі бойынша ақпараттық -түсіндіру жұмыстары жүргізілуде.