Қазақстан Республикасы Ұлттық экономика министрінің м.а 2014 жылғы 9
желтоқсандағы № 136 бұйрығы. Қазақстан Республикасының Әділет министрлігінде
2014 жылы 24 желтоқсанда № 9994 тіркелді.
Ескерту. Тақырыбы жаңа редакцияда – ҚР Индустрия және инфрақұрылымдық
даму министрінің 30.07.2019 № 583 (алғашқы ресми жарияланған күнінен кейін
күнтізбелік жиырма бір күн өткен соң қолданысқа енгізіледі) бұйрығымен.
"Қазақстан Республикасындағы сәулет, қала құрылысы және құрылыс қызметi
туралы" Қазақстан Республикасы Заңының 20-бабы 23-9) тармақшасына сәйкес
БҰЙЫРАМЫН:
1. Қоса беріліп отырған Лицензияланатын сәулет, қала құрылысы және құрылыс
қызметін жүзеге асыру үшін қойылатын бірыңғай біліктілік талаптары бекітілсін.
Ескерту. 1-тармақ жаңа редакцияда – ҚР Индустрия және инфрақұрылымдық даму
министрінің 30.07.2019 № 583 (алғашқы ресми жарияланған күнінен кейін күнтізбелік
жиырма бір күн өткен соң қолданысқа енгізіледі) бұйрығымен.
2. Қазақстан Республикасы Ұлттық экономика министрлігінің Құрылыс, тұрғын
үй-коммуналдық шаруашылық істері және жер ресурстарын басқару комитеті
заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік
тіркелуін;
2) осы бұйрықтың "Әділет" ақпараттық-құқықтық жүйесінде және бұқаралық
ақпарат құралдарында ресми жариялануын;
3) осы бұйрықтың Қазақстан Республикасы Ұлттық экономика министрлігінің
ресми интернет-ресурсында орналастырылуын қамтамасыз етсін.
3. Осы бұйрықтың орындалуын бақылау жетекшілік ететін Қазақстан
Республикасының Ұлттық экономика вице-министрі Қайырбек Айтбайұлы
Өскенбаевақа жүктелсін.
4. Осы бұйрық алғашқы ресми жарияланғанынан кейін күнтізбелік жиырма бір күн
өткен соң қолданысқа енгiзiледi.