Бүгін «Байқоңыр» ауданы әкімі аппаратының ғимаратында мемлекеттік қызметшілердің Сыбайлас жемқорлыққа қарсы заңнаманы, әдеп нормалары мен мінез-құлық қағидаларын сақтауы бойынша жиналыс өтті.
Аталған жиынға Нұр-Сұлтан қаласы әкімдігінің Әдеп жөніндегі уәкілі Ғалымжан Амантай және «Жаңару» төрағасының орынбасары, Нұр-Сұлтан қалалық филиалының директоры Дәулеткерей Рахметуллин қатысты.
• Мемлекеттік қызметшілердің жұмыс барысындағы басты құралы Әдеп кодексі, ол жауапкершілік жүгін арттыратын, талаптар ауқымын белгілейтін маңызды құжат. Ол мемлекеттік қызметшілердің моральдық-этикалық келбетін ғана емес, сондай-ақ олардың өзін-өзі ұстау мәнерінің базалық стандарттарын бекітеді. Сонымен қатар, Сыбайлас жемқорлыққа қарсы мәдениет деңгейін жоғарылату, адамдар арасында жемқорлыққа қарсы сана қалыптастыру бағыттары да пысықталды. Мемлекеттік қызметшілер өздерінің күнделікті жұмысында қарапайымдылық, әділдік, адалдық секілді принциптерді ұстануы керек. Мемлекеттік қызметшілердің әдептілігі мен сыбайлас жемқорлық құқық бұзушылықтардың алдын алу бірін-бірі толықтыратын фактор болып табылады.
• Осыған байланысты бүгінгі жиында аппарат қызметкерлеріне Әдеп кодексінің аясында түсініктеме жұмыстары жүргізілді және өткізілген жиын барысы бойынша шағын анкета толтырылды.
Естеріңізге сала кетейік, Нұр-Сұлтан қаласы «Байқоңыр» ауданы әкімі аппаратының Әдеп жөніндегі уәкілі – Хамзин Дамир Зияшұлы әр жұма сайын сағат 10:00 ден 12:00 аралығында тұрғындар мен қызметкерлерді қабылдайды.
Қабылдауға жазылу үшін 8 7172 55-75-19 нөміріне хабарлассаңыздар болады.