Бүгіннен бастап Байқоңыр ауданында «Халық қатысатын бюджет» жобасының үшінші кезеңі басталды. Ағымдағы жылдың 5 сәуіріне дейін келіп түскен өтінімдерге техникалық байқау және талдау жүргізілетін болады.
Келесі кезең - ұсынылған жобаларға тұрғындардың дауыс беруі. Биыл барлығы 23 өтінім берілді. Ең көп дауыс алған өтінімдерді іске асыру бойынша жұмыстар мамыр айында басталып, осы жылдың тамыз айында аяқталады.
Айта кетейік, «Халық қатысатын бюджет» Байқоңыр ауданы әкімдігінде 2020 жылдан бері жүргізіліп келеді. 3 жыл ішінде берілген өтінімдер бойынша 27 аула жабдықталды.