АҚПАРАТТЫҚ ХАБАРЛАМА

Құрметті салымшылар! Қордың байланыс орталығының ақпараттық жүйелерін баптау бойынша жүргізіліп жатқан жұмыстардың аяқталып, ұялы байланыс операторларының мобильді нөмірлерінен 1418 қысқа нөмірі бойынша қашықтықтан қызмет көрсету сервистері қайта іске қосылғанын хабарлаймыз.

Бұл ретте БЖЗҚ-ның кеңес беру қызметтерін:

  1. байланыс орталығына 1418 нөмірі арқылы (Қазақстан бойынша тегін), +7 (727) 356-10-60 (қалааралық және халықаралық) қоңырау шалып;
  2. мессенджерлер (+7 777 000 14 18 нөмірі бойынша WhatsApp және Viber чат-бот) арқылы;
  3. БЖЗҚ-ның Instagram, Facebook, ВКонтакте, X(Twitter), Telegram, Одноклассники әлеуметтік желілеріндегі ресми парақшалары арқылы;
  4. enpf.kz корпоративтік сайтында алуға болады.


БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. 2016 жылғы 1 қаңтардан бастап зейнетақы активтерін басқару тиімділігін арттыру бойынша ұсыныстар жасау қызметі Қазақстан Республикасының Президенті басшылық ететін Ұлттық қорды басқару кеңесіне берілді. Зейнетақы заңнамасына сәйкес БЖЗҚ міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, зейнетақы төлемдерін, зейнетақы жинақтары мен төлемдерін жеке есепке алуды жүзеге асырады, салымшыға (алушыға) зейнетақы жинақтарының жай-күйі туралы ақпарат береді (толығырақ www.enpf.kz сайтында).

Дата публикации
16 апреля 2025