Жаһандық инвестициялар жөніндегі қазақстандық дөңгелек үстел өтеді

2022 жылдың 19 қазанында Астанада дәстүрлі Жаһандық инвестициялар жөніндегі қазақстандық дөңгелек үстел (Kazakhstan Global Investment Roundtable, KGIR-2022) өтеді. Шараға ҚР Стратегиялық жоспарлау және реформалар агенттігінің төрағасы Ә.Ерғалиев қатысады.

Дөңгелек үстелде әлемдік экономиканың дамуы, жаһандық және өңірлік инвесторлар үшін еліміздің инвестициялық тартымдылығы мен мүмкіндіктері, жаңа экономикалық шынайылық жағдайындағы азық-түлік қауіпсіздігі мен логистика мәселелері талқыға түседі.

Жаһандық іс-шараға жетекші халықаралық компаниялар мен отандық бизнестің, инвесторлар, беделді сарапшылар мен пікір көшбасшыларының 500-ден астам өкілі шақырылған. Қазақстан атынан шараға салалық министрліктер мен квазимемлекеттік компаниялардың басшылары, отандық бизнес жетекшілері қатысады.