Арыс қалалық мәслихат аппараты қызметінің
2024 жылдың ІІІ тоқсанына Сыбайлас жемқорлық
тәуекелдеріне ішкі талдау жүргізу
І- Ішкі талдауға жататын бөлімшенің атауы:Арыс қалалық мәслихат аппараты мемлекеттік мекемесі.
Сыбайлас жемқорлық тәуекелдеріне ішкі талдау 2 бағыттан тұрады:
- Арыс қалалық мәслихат аппаратының қызметін қозғайтын нормативтік құқықтық актілерде және құқықтық актілерде сыбайлас жемқорлық тәуекелдерін анықтау.
- Арыс қалалық мәслихат аппаратының ұйымдастырушылық - басқарушылық қызметіндегі сыбайлас жемқорлық тәуекелдерін анықтау.
Сыбайлас жемқорлық тәуекелдеріне ішкі талдау жүргізу кезеңі: басталды 01.07.2024 жыл, аяқталды 30.09.2024 жыл.
Ішкі талдау бөлімі
- Арыс қалалық мәслихат аппартының қызметін қозғайтын 3 құқықтық актілер бар.
Атап айтқанда:
- Арыс қалалық мәслихатының 2023 жылғы 27 сәуірдегі «Арыс қалалық мәслихатының регламентін бекіту туралы» №2/9-VІII шешімі.
- Арыс қалалық мәслихатының 2023 жылғы 16 маусымдағы №5/32-VІІI «Б» корпусы Арыс қалалық мәслихат аппаратының мемлекеттік әкімшілік қызметшілерінің қызметін бағалаудың әдістемесін бекіту туралы» шешімі.
- Арыс қалалық мәслихатының 2023 жылғы 27 сәуірдегі «Арыс қалалық мәслихатының аппараты» мемлекеттік мекемесінің ережесін бекіту туралы №2/10-VIІІ шешімі.
Жоғарыда аталған 3 құқықтық актілерді сыбайлас жемқорлыққа қатысты талдау барысында заң бұзушылықтар анықталмады.
- Арыс қалалық мәслихат аппаратына мемлекеттік органдар тарапынан тексерулер жүргізілген жоқ.
- 2024 жылы IІІ тоқсанда Арыс қалалық мәслихаты 5 шешім шығарған. Мәслихат төрағасы 3 шешім шығарған. Тұрақты комиссиялар 2 қаулы қабылдаған. Шешімдер мен қаулыларда сыбайлас жемқорлықтың туындауына әсер ететін нормалар анықталмады.
- Арыс қалалық мәслихат аппаратының мемлекеттік қызметшілерінің атына сыбайлас жемқорлыққа қатысты бұқаралық ақпарат құралдарына материалдар жарияланған жоқ.
- Арыс қалалық мәслихат аппаратына 2024 жылдың ІІІ тоқсанында жеке және заңды тұлғалардан жалпы 5 өтініш түскен. Барлық өтініштерге жазбаша түсініктеме берілген. Арыс қалалық мәслихат аппаратының арыз-шағым жәшігіне ешқандай өтініш, ұсыныс, талаптар түспеген.
- Арыс қалалық мәслихатына прокурорлық қадағалау актілері түспеген.
- Арыс қалалық мәслихат аппаратына сот актілері түспеген.
Қалалық мәслихат аппаратының ұйымдастырушылық - басқарушылық қызметі.
- Арыс қалалық мәслихат аппаратының штаттық құрылымы 5 мемлекеттік әкімшілік қызметшіден тұрады. Атап айтқанда, мәслихат аппаратының басшысы 1 бірлік, тұрақты комиссиялар бөлімінің бас маман - заңгер 1 бірлік, тұрақты комиссиялар бөлімінің бас маманы 1 бірлік, мәслихат аппаратының бас маман - бас есепшісі 1 бірлік. Есепті кезеңде мемлекеттік қызметшілер арасында кадрлардың ауысуы болған жоқ.
- Арыс қалалық мәслихат аппаратында есепті кезеңде мүдделер қақтығысы болған жоқ.
- Арыс қалалық мәслихат аппараты мемлекеттік қызмет (гос услуги) көрсетпейді.
- Арыс қалалық мәслихат аппаратының рұқсат беру функциясы жоқ.
- Арыс қалалық мәслихат аппаратының бақылау функциясы жоқ.
- Арыс қалалық мәслихат аппаратының сенім сымтетігі толықтай жұмыс істеп тұр. Мемлекеттік қызметшілер атына Әдеп кодексін бұзған және сыбайлас жемқорлық тәуекелдеріне жол беретін мәліметтер түскен жоқ.
- Қалалық мәслихат төрағасы жалпы 2024 жылдың ІIІ тоқсанында 23 өкім шығарған. Барлық өкімдерді талдау барысында сыбайлас жемқорлық тәуекелдеріне жол беретін нормалар анықталмады.
- Арыс қалалық мәслихатында Мемлекеттік сатып алу барысында мүдделер қақтығысы анықталмады.