Меню
Сайлау халықтық егемендікті жүзеге асырудың, қоғамдық пікірді қалыптастыру мен білдірудің, мемлекеттік тетіктің тұрақтылығы мен тиімділігін қамтамасыз етудің негізгі құралы болып табылады. Біздің елдегі сайлау Республика азаматының сайлау және сайлану құқығын еркін жүзеге асыруы арқылы жүзеге асырылады. Азаматтар сайлауда дауыс беруге тегіне, әлеуметтік, лауазымдық және мүліктік жағдайына, жынысына, нәсіліне, ұлтына, тіліне, дінге көзқарасына, нанымына, тұрғылықты жеріне немесе кез келген өзге жағдаяттарға қарамастан 18 жасқа толғанда қатысады. Негізгі сайлау құқықтарына тең, тікелей және жанама сайлау құқықтары, дауыс беру құпиясы кіруі керек.
Бұл ретте елдегі барлық сайлау қоғамның бақылауымен өтеді, ал Қазақстандағы сайлау институтының өзі үнемі жетілдіріліп отырады.
Қазақстан Республикасының сайлау туралы Заңына енгізілген соңғы өзгерістердің бірі халықты басқару жүйесіне нақты қатысуға тартуға мүмкіндік берген ауылдық деңгейдегі әкімдерді тікелей сайлау институтын енгізу болды.