Агенттік Басқармасының зейнетақы активтерін жеке басқару мәселелері бойынша қаулысының жобасы туралы
Қаржы нарығын реттеу және дамыту агенттігі «Қазақстан Республикасының кейбір нормативтік құқықтық актілеріне зейнетақымен қамсыздандыру мәселелері бойынша өзгерістер мен толықтыру енгізу туралы» Басқарма қаулысының жобасын әзірледі.
2026 жылғы 1 қаңтардан бастап басқарушы компаниялардың қызметін бағалау жүйесі орташа есептелген нәтижелерден Қазақстан қор нарығы мен әлемдік қаржы алаңдарының индекстерін қамтитын композиттік индекстер (бенчмарктер) бойынша бағалауға өтеді.
Осыған байланысты, жобада жекелеген нормативтік құқықтық актілерге төмендегілерді көздейтін түзетулер ұсынылады:
- салымшының зейнетақы активтерін белгілі бір инвестициялық портфельге беру тәртібі мен талаптарын айқындау;
- инвестициялық портфельді қалыптастыру өлшемшарттарына қарай шетел валютасына инвестициялау лимиттерін белгілеу;
- БЖЗҚ-ның салымшыларға басқарушы компаниялардың инвестициялық портфельді таңдауы туралы хабардар етуі жөніндегі міндетін белгілеу;
- басқарушы компаниялардың уәкілетті органды инвестициялық портфельді таңдау туралы хабардар ету тәртібі мен мерзімдерін айқындау.
Құжаттың толық мәтінімен Агенттіктің интернет-ресурсында танысуға болады.
Агенттіктің Сыртқы коммуникациялар басқармасы