Тұтынушылық банктік қарыз және тұтынушылық микрокредит сомасына қойылатын талаптарды бекіту туралы
Қазақстан Республикасының Қаржы нарығын реттеу және дамыту агенттігі (бұдан әрі – Агенттік) «Тұтынушылық банктік қарыз және тұтынушылық микрокредит» сомасына қойылатын талаптарды бекіту туралы Агенттік Басқармасының 2024 жылғы 16 тамыздағы
№61 қаулысы қабылдады.
Қаулымен тұтынушылық қарыздар мен микрокредиттердің мынадай ең жоғары сомаларын белгіленді:
- кепілсіз банктік қарыздар бойынша – 2 200 АЕК (8 122 400 теңге);
- кепілмен қамтамасыз етілген банктік қарыздар бойынша – шектеусіз;
- кепілсіз микрокредиттер бойынша – 1 100 АЕК (4 061 200 теңге);
- кепілмен қамтамасыз етілген микрокредиттер бойынша – «Микроқаржылық қызмет туралы» Қазақстан Республикасының Заңында белгіленген сомалар шегінде: ломбардтар берген микрокредиттер бойынша – 8000 АЕК-ке дейін (29 536 000 теңге); микроқаржы ұйымдары берген микрокредиттер бойынша – 20 000 АЕК-ке дейін (73 840 000 теңге).
Бұл өзгеріс ірі сомада кепілсіз тұтынушылық қарыздарды беруді шектеуге мүмкіндік береді, халықтың борыш жүктемесінің және шамадан тыс кредит алуының төмендеуіне ықпал ететін болады.
Сыртқы коммуникациялар басқармасы
+7 (727) 237 1089