Агенттіктің су тасқынынан зардап шеккен азаматтар мен ШОБ субъектілеріне қолдау көрсету іс-шараларын іске асыруы туралы

Мемлекет басшысының төтенше жағдайлар аудандарында  барлық зардап шеккен азаматтарға көмек көрсету жөніндегі тапсырмасын орындау үшін Қазақстан Республикасының Қаржы нарығын реттеу және дамыту агенттігі (бұдан әрі – Агенттік) банктер мен микроқаржы ұйымдарымен бірлесіп, зардап шеккен азаматтар мен бизнес субъектілеріне кредиттерді өтеуді кейінге қалдыру жөніндегі шараларды іске асыруда.

1. Кредиттер бойынша төлем мерзімін кейінге қалдыру мүмкіндігі жергілікті атқарушы органдардың тізімдеріне сәйкес су тасқынынан зардап шеккендерге жатқызылған азаматтарға, шағын және орта бизнес субъектілеріне беріледі. Сондай-ақ, банктер мен МҚҰ азаматтардың кредиттерді қайта құрылымдауға өтініштерді дербес түрде қашықтан беруіне арналған онлайн-сервистерді іске асырды.

Бүгінгі күні кредиторлардың мәліметтері бойынша, жергілікті атқарушы органдардың келіп түскен тізімдері мен жәбірленушілерден түскен өтініштер негізінде 115,6 млрд теңге берешегі бар 81,8 мың зардап шеккен жеке қарыз алушыға (30 сәуірдегі жағдай бойынша – 66,4 мың қарыз алушыға) мерзімін ұзарту берілді. 49,6 млрд. теңге) және қарыз сомасымен 1164 заңды тұлға қарыз алушы.

2. Сонымен қатар, су тасқынынан зардап шеккендерге төленетін өтемақы сомаларының сақталуын қамтамасыз ету үшін банктермен және тиісті мемлекеттік органдармен жоғарыда аталған өтемақы төлемдерін өндіріп алмау немесе шектеу қою мәселесі пысықталды.

3. Агенттік банктердің және МҚҰ-ның су тасқынынан зардап шеккен халық пен бизнестің кредиттері бойынша төлем мерзімін кейінге қалдыру мониторингін жалғастырады.