Қаржы ұйымдарын тарату мәселелері бойынша өзгерістер мен толықтырулар енгізу туралы қаулы жобасын әзірледі

Қазақстан Республикасың Қаржы нарығын реттеу және дамыту агенттігі «Мәжбүрлеп таратылатын банктердiң, сақтандыру (қайта сақтандыру) ұйымдарының, қызметі мәжбүрлеп тоқтатылатын Қазақстан Республикасының бейрезидент-банктері филиалдарының тарату комиссияларын тағайындау және босату қағидаларын және Мәжбүрлеп таратылатын банктiң, сақтандыру (қайта сақтандыру) ұйымының, қызметі мәжбүрлеп тоқтатылатын Қазақстан Республикасының бейрезидент-банкі филиалының тарату комиссиясының төрағасына және мүшелерiне қойылатын талаптарды бекіту туралы» Қазақстан Республикасы Қаржы нарығын реттеу және дамыту агенттігі Басқармасының 2020 жылғы 25 мамырдағы № 57 қаулысына өзгерістер енгізу туралы Агенттік Басқармасының қаулысы жобасын (бұдан әрі – Жоба) әзірлеу туралы хабарлайды.

Жоба мәжбүрлеп тарату процесіндегі банктердің, сақтандыру (қайта сақтандыру) ұйымдарының тарату комиссияларының төрағасы мен мүшелерін тағайындау, қызметтен босату және ауыстыру тәртібін жетілдіру мақсатында әзірленген.

Жобаның толық мәтінімен https://legalacts.egov.kz/npa/view?id=14741518 ашық нормативтік құқықтық актілер интернет-порталында және Агенттіктің ресми интернет-ресурсында «Нормативтік құқықтық база» бөлімінде танысуға болады.

 

Толығырақ ақпаратты мына телефон бойынша алуға болады:

+7 (727) 2 371 120