Электрондық ақпараттық ресурстармен алмасу қағидаларына өзгерістер енгізу туралы қаулы жобасы әзірленді

Қазақстан Республикасының Қаржы нарығын реттеу және дамыту агенттігі (бұдан әрі – Агенттік) ««Сақтанушы (сақтандырылушы, пайда алушы) мен сақтандырушы арасында электрондық ақпараттық ресурстармен алмасу қағидаларын, Сақтандыру шартын жасасу туралы хабардар ету қағидаларын және хабарламаның мазмұнына қойылатын талаптарды, Сақтандыру (қайта сақтандыру) ұйымының, Қазақстан Республикасының бейрезидент-сақтандыру (қайта сақтандыру) ұйымы филиалының сақтандыру шарттарын жасасуды, сақтанушы мен сақтандырушы арасында электрондық ақпараттық ресурстармен алмасуды қамтамасыз ететін бағдарламалық-техникалық құралдары мен интернет-ресурстарына қойылатын талаптарды бекіту туралы» Агенттік Басқармасының 2020 жылғы 27 сәуірдегі № 50 қаулысына өзгерістер енгізу туралы» Агенттік Басқармасының қаулы жобасын әзірлеуі туралы хабарлайды (бұдан әрі – Жоба).

Жоба 2022 жылғы 12 шілдедегі «Қазақстан Республикасының кейбір заңнамалық актілеріне сақтандыру нарығын және бағалы қағаздар нарығын реттеу мен дамыту, банк қызметі мәселелері бойынша өзгерістер мен толықтырулар енгізу туралы» Қазақстан Республикасының Заңын іске асыруға әзірленді.

Жобамен:

• сақтандыру шағымдарын онлайн реттеуді енгізу;
• сақтандыру ұйымдары мен сақтанушылар (сақтандырылғандар, пайда алушылар), мәліметтер базасын қалыптастыру және жүргізу жөніндегі ұйым арасындағы электрондық өзара әрекеттесу процесін оңтайландыру және жеңілдету анықталады.

Қаулы Жобасының толық мәтінімен ашық нормативтік құқықтық актілердің интернет-порталында танысуға болады: https://legalacts.egov.kz/npa/view?id=14683389 және Агенттіктің ресми интернет-ресурсында.

 

Сыртқы коммуникациялар басқармасы

+7 (727) 237 1089, press@finreg.kz