Сақтандыру жағдайын реттеудің оңайлатылған тәртібі бойынша Қаулы жобасы әзірленді
Қазақстан Республикасының Қаржы нарығын реттеу және дамыту агенттігі (бұдан әрі – Агенттік) «Сақтандыру жағдайларын реттеу қағидаларын, реттеудің оңайлатылған тәртібінің шарттары мен мерзімдерін, әрбір жекелеген сақтандыру жағдайы бойынша сақтандыру сомасының шекті мөлшерін, сондай-ақ сақтандыру жағдайын реттеудің оңайлатылған тәртібі туралы декларация нысанын және құжаттарды ресімдеуге қойылатын талаптар мен оған қоса берілетін мәліметтерді, Сақтандыру жағдайын реттеудің оңайлатылған тәртібі кезінде көлік құралдарын сақтандырушының қарап-тексеру қағидаларын, шарттарын және мерзімдерін, Сақтандыру жағдайын реттеудің оңайлатылған тәртібі кезінде сақтандыру төлемін жүзеге асыру қағидаларын және мерзімдерін бекіту туралы» Агенттік Басқармасының қаулысы жобасының (бұдан әрі – Жоба) әзірленгені туралы хабарлайды.
Жоба «Қазақстан Республикасының кейбір заңнамалық актілеріне сақтандыру нарығын және бағалы қағаздар нарығын реттеу мен дамыту, банк қызметі мәселелері бойынша өзгерістер мен толықтырулар енгізу туралы» Қазақстан Республикасының Заңын іске асыру үшін әзірленді.
Жобада:
- сақтандыру жағдайларын реттеудің оңайлатылған тәртібі, талаптары және мерзімдері;
- әрбір жеке сақтандыру жағдайы бойынша сақтандыру сомасының шекті мөлшері;
- сақтандыру жағдайын реттеудің оңайлатылған тәртібі туралы декларацияның нысаны және оған қоса берілетін құжаттар мен мәліметтерді ресімдеуге қойылатын талаптар;
- сақтандыру жағдайын реттеудің оңайлатылған тәртібі жағдайында сақтандырушының көлік құралдарын тексеру және сақтандырушының сақтандыру төлемін жүзеге асыру тәртібі, талаптары, мерзімдері айқындалады.
Қаулы жобасының толық мәтінімен: https://legalacts.egov.kz/npa/view?id=14640413 ашық нормативтік құқықтық актілердің интернет-порталында және Агенттіктің ресми интернет-ресурсында танысуға болады.
Сыртқы коммуникациялар басқармасы
+7 (727) 237 1089, press@finreg.kz