Агенттіктің мемлекеттік қызметтер көрсету мәселелері бойынша 2020 жылғы есебін жария талқылау

2021 жылдың 14 қазанында Қазақстан Республикасының Қаржы нарығын реттеу және дамыту агенттігінің мемлекеттік қызметтер көрсету мәселелері жөніндегі 2020 жылғы қызметі туралы есебінің ашық талқылауы өткізіледі.

Есеп Агенттіктің интернет-ресурсында және «Электронды үкімет» порталында орналастырылған.

Талқылау Cisco Webex платформасында онлайн-форматта өтеді.

Қоғамдық талқылауға қатысу үшін өтінімдерді 13 қазанға дейін (еркін формада электронды мекен-жайды көрсете отырып) arman.assylbekov@finreg.kz электрондық поштасына жіберуді сұраймыз.

 

Қазақстан Республикасы «Мемлекеттік көрсетілетін қызметтер туралы» Заңының 23-бабының 6-тармағына сәйкес есеп талқылауы іске асырылады.