Қазақ тіліндегі сөйлесу клубының жұмысы туралы
Қазақ тіліндегі сөйлесу клубының аясында Клубтың кезекті отырысы өткізілді.
Сүлеймен Демирел атындағы университетінің (SDU University) қауымдастырылған профессоры, филология ғылымдарының кандидаты Баян Керімбекова «Ахмет Байтұрсынұлы – қазақ халқының рухани көсемі» деген тақырыпта Агенттік қызметкерлері үшін дәріс-сабақ өткізді.
Сөз сөйлеу барысында Тіл мерекесін мемлекеттік деңгейде өткізудің маңыздылығы атап өтілді. Сонымен қатар, ұлт ұстазы, Алаш қайраткері Ахмет Байтұрсынұлының өмірбаяны, еңбектері және саяси жолы туралы жан-жақты мағлұмат берілді.
Сонымен бірге лектор ұлт ұстазының қазақ халқына қалдырған орасан зор әдеби әрі тарихи мұрасы, халықтың рухани дамуы жолындағы ерең еңбегі туралы мәліметтермен бөлісті.
Сыртқы коммуникациялар басқармасы