Қаржы нарығы субъектілерінің жұмыс режимі туралы

Қаржы нарығы субъектілерінің жұмыс режимі туралы

ҚР ҰБ 2020 жылғы 11 мамырағы № 124 бұйрығы

 

ҚР ҚНРДА 2020 жылғы 11 мамырдағы № 213 бұйрығы

                                 

                                        БІРЛЕСКЕН БҰЙРЫҚ

 

«Қаржы нарығы субъектілерінің жұмыс режимі туралы» Қазақстан Республикасы Ұлттық Банкінің және Қазақстан Республикасы Қаржы нарығын реттеу және дамыту агенттігінің 2020 жылғы 30 сәуірдегі № 121 және № 206 бірлескен бұйрығына
өзгерістер енгізу туралы 

 «Әлеуметтік-экономикалық тұрақтылықты қамтамасыз ету жөніндегі шаралар туралы» Қазақстан Республикасы Президентінің 2020 жылғы
16 наурыздағы № 286 Жарлығына сәйкес, азаматтардың өмірі мен денсаулығын қорғау, коронавирустық инфекцияның (COVID-19) таралуын болдырмау мақсатында БҰЙЫРАМЫЗ:  

  1. «Қаржы нарығы субъектілерінің жұмыс режимі туралы» Қазақстан Республикасы Ұлттық Банкінің және Қазақстан Республикасы Қаржы нарығын реттеу және дамыту агенттігінің 2020 жылғы 30 сәуірдегі
    № 121 және № 206 бірлескен бұйрығына мынадай өзгерістер енгізілсін:

кіріспе мынадай редакцияда жазылсын:

«Әлеуметтік-экономикалық тұрақтылықты қамтамасыз ету жөніндегі шаралар туралы» Қазақстан Республикасы Президентінің 2020 жылғы
16 наурыздағы № 286 Жарлығына сәйкес, азаматтардың өмірі мен денсаулығын қорғау, коронавирустық инфекцияның (COVID-19) таралуын болдырмау мақсатында БҰЙЫРАМЫЗ:»

1-тармақтың бірінші абзацы мынадай редакцияда жазылсын:

«1. 2020 жылғы 11 мамырдан бастап 17 мамыр аралығында
Нұр-Сұлтан және Алматы қалаларында:»;

2-тармақтың бірінші бөлігі мынадай редакцияда жазылсын:

«2. 2020 жылғы 11 мамырдан бастап 17 мамыр аралығында Қазақстан Республикасының бүкіл аумағында қызметін Қазақстан Республикасы Ұлттық Банкінің қолма-қол шетел валютасымен айырбастау операцияларына арналған лицензиясы негізінде тек қана айырбастау пункттері арқылы жүзеге асыратын заңды тұлғалардың және ломбардтардың 10 сағат 00 минуттан 15 сағат 00 минутқа дейінгі жұмыс кестесі белгіленсін.».

  1. Осы бірлескен бұйрық 2020 жылғы 11 мамырдан бастап күшіне енеді.
  2. Қазақстан Республикасы Ұлттық Банкінің Қолма-қол ақша айналысы департаменті (Қажымұратов Ж.Т.) және Төлем жүйелерi департаменті (Ашықбеков Е.Т.) және Қазақстан Республикасы Қаржы нарығын реттеу және дамыту агенттігінің Банктік реттеу департаменті (Қизатов О.Т.), Бағалы қағаздар нарығы департаменті (Медеу Е.А.), Қаржылық қызметтерді тұтынушылардың құқықтарын қорғау департаменті (Терентьев А.Л.) және Сақтандыру нарығы және актуарлық есеп айырысу департаменті (Шайқақова Г.Ж) осы бірлескен бұйрықты қаржы нарығының субъектілеріне жіберсін.
  3. Осы бірлескен бұйрықтың орындалуын бақылау Қазақстан Республикасының Ұлттық Банкі Төрағасының орынбасары Д.Т. Ғалиеваға және Қазақстан Республикасы Қаржы нарығын реттеу және дамыту агенттігі Төрағасының бірінші орынбасары О.А. Смоляковқа жүктелсін.