Агенттік өзінің мандаты мен қызметінің бағыттары шеңберінде мерзімді түрде ақпараттық-талдау материалдарын дайындайды, әдіснамалық ұсыныстар мен құралдарды әзірлейді, сондай-ақ қолданбалы экономикалық зерттеулер жүргізеді. Агенттіктің талдау қызметі қаржы секторының реттеу және қадағалау саясатын қалыптастыру және іске асыру, сондай-ақ қаржы нарығының орнықты дамуын, қаржылық тұрақтылықты қамтамасыз ету, қаржы жүйесіне деген сенімге қолдау көрсету, қаржылық қызметтерді тұтынушылардың құқықтарын қорғау үшін қажет.
Агенттіктің талдамалық және зерттеушілік жұмыстарының негізгі бағыттары қаржы нарығын дамыту, қаржы ұйымдарын реттеу және тәуекелге бағдарланған қадағалау, қаржылық тұрақтылық, макропруденциялық саясат, макроэкономикалық талдау және болжау болып табылады.
Агенттіктің талдамалық қызметі шешімдердің ашықтығын қамтамасыз ету, пікірталастарды ынталандыру және қаржы қоғамдастығы мен реттеуші арасында сындарлы диалог құру, халықаралық зерттеу орталықтарымен өзара іс-қимыл жасау үшін материалдарды жариялау арқылы жүргізіледі.