Кредиттік тарихтың қалыптасуы алғашқы қарыз ресімделген сәттен басталады. Ол банктер, микроқаржы ұйымдары және басқа да қаржы институттары жаңа кредиттік өтінімдерді қарастыру кезінде төлем тәртібін бағалау үшін қажет. Оң кредиттік тарихтың болуы болашақта қарыз алу мүмкіндігін арттырып, неғұрлым тиімді кредиттеу шарттарына ие болуға жол ашады.
Есепті келесі тәсілдермен алуға болады:
- Бірінші кредиттік бюроның сайты немесе мобильді қосымшасы арқылы;
- eGov.kz порталы арқылы;
- ХҚО, "Қазпошта" бөлімшелерінде және Бірінші кредиттік бюроның кеңсесінде;
- Мемлекеттік кредиттік бюро арқылы.
"Егер сіз кредиттік есебіңізден бұрыс деректерді, мәселен, өтелген қарыз немесе толық төленген кредит бойынша мерзімін өткізу туралы жазбаны байқасаңыз, міндетті түрде тиісті банкке немесе микроқаржы ұйымына хабарласыңыз. Уәждеріңізді тиісті құжаттармен растаңыз", - деп кеңес береді ҚНРДА мамандары.
Сондай-ақ бұрыс ақпаратқа Бірінші кредиттік бюроның сайтында тегін дауласуға болады.
Қаржылық қауіпсіздікті арттыру және ықтимал алаяқтық әрекеттерге жедел әрекет ету үшін "Кредиттік тарихты бақылау" қызметін қосу ұсынылады. Ол сіздің кредиттік тарихыңыздағы кез келген өзгерістер - жаңа қарыздардың пайда болуы, мерзімін өткізіп алу, берешектің өзгеруі және басқа да оқиғалар туралы хабарламалар алуға мүмкіндік береді. Қызметті eGov.kz порталы, Бірінші кредиттік бюроның сайты немесе мобильді қосымшасы арқылы қосуға болады.
Дереккөз: kaz.tengrinews.kz